SiNyI’s BlOg

ironman 2 is coming

聽日睇完alice in wonderland 後, 相信最期待的電視首位應該俾ironman 2 進佔了!

今日岩岩出的trailer~

型爆!!

情話紫釵

情話紫釵是毛俊輝離開香港話劇團之後的第一個個人創作, 個人來說, 因為我喜歡謝君豪的演出, 亦喜歡古今相融的音樂劇, 所以覺得這是今年HK art festival最值得期待的節目~

自上次梨花夢後, 已有幾年沒有看到謝君豪的表演! 相信不是毛sir, 謝君豪亦不會這麼爽快地由定居的北京回港演劇~

故事是借一班欣賞紫釵記的現代男女, 說出及唱出對古代及現代愛情觀, 再從中帶出一個現代李十朗及現代霍小玉的故事來~ 劇中亦出了五幕由胡美儀及林錦堂唱的紫釵記來點綴全個故事,借粵劇《紫釵記》着手，想想現代人的愛情到底是甚麼!

此劇表達故事的意念其實非常好, 借古代李益與霍小玉的愛情故事, 再帶出現代kelvin 及jade的故事, 從中帶給觀眾看現代人的愛情觀是怎樣, 而一段真正的愛情又是怎樣~

可惜我覺得劇本有些地方不夠集中, 或者表現媒體若改為文字的話, 想像空間大一點的話, 可能會好一點! 但當劇本不太集中, 再加是舞台劇, 便會給人一種鬆散的感覺!

而且在我看來, 我相信紫釵記最想表達的東西並不是那一夜情吧! 但當放在現代版上, 我覺得放了太多筆墨在性與愛情之間的描寫, 雖然現代愛情觀可能比以前隨便了很多, 亦開放很多~ 但當一套劇放了太多時間在性這放面的描述, 在浪漫感方面我會覺得失色很多! 那一見鐘情, 交托半生的感覺便會減輕很多, 古代版與現代版的關連性亦淡薄了起來~

不過, 看完這套劇起, 最大的驚喜反而是我有興趣重看一次紫釵記的故事~ 發現唐滌生寫的詞真的很優美, 有些地方艱深轉折到我要看英文字幕才知道是表達什麼! 所以以前中文程度若差一點, 真是看得明白一套戲也有點難度!

謝君豪和何小姐的演出很好, 不過這樣的才子角色君豪一向格輕就熟, 沒有太大的驚喜~ 我還是喜歡上一次的老殘, 我覺得這個可以更考君豪的演技~ 何小姐雖然是真正的有錢女, 但卻看出她很專重自己的工作, 很用心演好這劇~ 但有一點點不足便是我覺得她在這劇的演出嬌柔了一點, 如果可以有多一點格調會更好!

毛sir最後說這劇會在9月世博上演, 希望可以有一些修訂, 令這劇更發光彩~

Up in the air

平淡的劇情, 卻帶出你反思”生活的價值”的電影~

睇完之後, 發現原來自己份工的工作性質都唔係咁厭惡, 原來係有d工作更加差ga~

一年365日, 不段出trip 去炒人~

被炒d人正正常常都好, 如果有人EQ唔好, 係你面前大吵大罵, 或者喊到呼天搶地, 或者有d更加話要去自殺!

真係夜晚訓教都未必訓得著呀! >,<

講返套戲, 我一直覺得, 一套好的電影除咗有出色的特技或者豐富的劇情外, 仲有有一樣嘢好重要,就係可以俾我有空間思考一下!

我相信對不同年紀或性別的人, 哩套戲都可以俾到一些inspiration佢哋~

geogre clooney的單身寡佬一直投入工作, 他並不是單單投入自己的工作, 而是覺得工作已是自己的生活!

他一年出trip 322日, 把機場,飛機及酒店當作自己的家;他四出演講, 講的話題是教人如何沒有責任地live alone happlily

他並不認為和別人建立關係是如何重要, 甚至家人也是一樣!

他並不是討厭與人相交, 只是他覺得並沒有與人相交的重要性~

他不愁生活,不愁女伴, 不愁工作, 看似是過著很完美的生活~

但他在公司改革(everybody gounder) ,再加上妹妹結婚及結識夢中女神時才發現自己一直响往的生活是如何不堪一擊~

究竟沒有任何connection 的生活是否那麽如意呢??

真的很值得一直生活忙碌的香港人反思一下!

還有那些被炒的員工

他們被炒後覺得傷心,難過或者心有不甘, 他們覺得份工很重要!

但究竟重要在哪??

除了有salary這個金錢的保障外, 究竟還有什麽呢?

沒有成就感, 而且你對工作所付出的感情, 亦得不到尊重及感情上的回報~

就好像一段感情, 就算你已投放了很多時間, 但若到最後並不如你想像中這樣, 又何必為了失去已心有不甘呢?

不如當是給自己的一個機會吧!

倒數中…..

數一數, 仲有幾多日呢?

應該仲有20日左右就夠鐘la~~

就快要做”大食懶”添~~ >v<

唔知係開心定傷心呢~~ 嘻嘻!

miss u all~

祝ramsey早日康復~

諗唔到arsenal 真係幾黑, 幾年間第3個隊員斷腳!

唉~ 仲要斷得好恐佈吓!

希望ramsey可以早日康復, 19歲仲有大把青春同前途, 希望唔好因為今次陰影影響咗將來的表現la~

God bless him!

人生有幾多個十五年?!

上星期四因為有小學同學由美國回港探親, 所以相約一齊出黎食飯~

大家有講有笑期間, 算一算, 原來由小學畢業至今已經快有十五年時間~

講起以前的同學, 有些已經失去聯絡, 有些移民外國後只從facebook的photos 中見到生活的點滴~

有些以前很要好的朋友仔, 原來亦失去聯絡很多年~

大家也笑說, 對啊! 是好朋友啊! 十五年前是好朋友嘛~

十五年時間, 可以改變很多東西~

不過希望有些東西可以永遠也不改變, 希望大家可以好好珍惜^^

HKIFF 2010 暫定日程

今年HKIFF的電影睇落我覺得比上年吸引~

可惜今年冇咗個friend 陪我睇(原來做電影節係睇唔到電影節ga~~ 真慘! >,<)

有d戲雖然想睇,但最後都放棄咗~~

而且, 雖然我成日都比較懶想慳返d時間, 有時想一日跑幾場睇幾套戲~

但其實我每睇完一套戲, 都有個習慣鐘意回味一吓~

就好似飲茶咁d人話鐘意回甘一樣,  對我黎講, 睇完戲我就鐘意俾自己一d時間感受及體味一吓這套戲~

如果一日裡面睇太多場戲的話, 就好難達到哩種享受~

所以我覺得一日睇1-2套戲係最好ga~

一日3套其實已經 over 咗!

一日睇3套其實好難去感受一套戲的好與壞!我有少少覺得係浪費咗一套戲 (不過我都有一日揀咗一日睇3套! ^^)

今年我揀咗——–

1.) 電影名稱: 影子滅殺令

場地: 香港藝術中心 – Agnes b. 電影院

日期: 2010/03/27 星期六 下午 03:1

2.) 電影名稱: 禁足一年

場地: UA 朗豪坊

日期: 2010/03/27 星期六 下午 07:15

3.) 電影名稱: 謎情追兇

場地: The Grand Cinema

日期: 2010/03/28 星期日 下午 06:00

4.) 電影名稱: 老馬發火

場地: 香港大會堂 – 劇院

日期: 2010/03/30 星期二 下午 07:15

5.) 電影名稱: 90後突圍少女

場地: 香港大會堂 – 劇院

日期: 2010/03/30 星期二 下午 09:30

6.) 電影名稱: 亡情使者

場地: 香港大會堂 – 劇院

日期: 2010/03/31 星期三 下午 09:30

7.) 電影名稱: 六美八陣圖

場地: 香港文化中心 – 大劇院

日期: 2010/04/02 星期五 下午 12:30

8.) 電影名稱: 宅配男金色搖籃曲

場地: 香港大會堂 – 劇院

日期: 2010/04/02 星期五 下午 06:00

9.) 電影名稱: 東京喪運會

場地: 香港科學館 – 演講廳

日期: 2010/04/02 星期五 下午 09:00

10.) 電影名稱: 子彈頭‧大復仇

場地: 香港文化中心 – 大劇院

日期: 2010/04/04 星期日 下午 09:00

11.) 電影名稱: 非常戇男離奇失婚

場地: 香港文化中心 – 大劇院

日期: 2010/04/05 星期一 下午 06:00

12.) 電影名稱: 我可以抱你嗎？

場地: 香港文化中心 – 大劇院

日期: 2010/04/06 星期二 下午 10:30

13.) 電影名稱: 時光微塵

場地: 香港文化中心 – 大劇院

日期: 2010/04/06 星期二 下午 12:30

暫定13套, 其實仲有好多套想睇, 不過諗住就快失業, 就唔好咁大出血la~~~ >v<

HKIFF 2010

又就到一年一度的HKIFF la~

可惜今年冇咗bella 陪我睇戲~~ >,< (佢話都做HKIFF la~ 唔駛買飛睇la!)

唔知有冇人陪我睇呢????

歌聲

同同事一齊去一間普通餐廳食LUNCH~

好多餐廳平時都會播音樂, 平時我估大部份人(包括我)都唔會好留意佢播緊咩嘢音樂~

同同事傾傾吓歇, 突然發現自己注意力放咗係d music 度~

細心聽吓, 發現把聲好熟, 首歌都幾熟, 係一首好舊的國語歌, 但又唔記得係邊嘢歌~

我心諗, 咦! 唱得好好聽wor~ 點解唔記得咩嘢歌ga 呢?

跟著聽第二首, 一聽之下, 恍然大悟!

哩首係大約在冬季~ (不過唔係齊秦唱)

啊~~ 唔怪得之咁好聽la~

原來係王傑03年的翻唱大碟入面的歌曲~ ^^

哈哈~

發現我係有個sensor detect 佢d歌聲ga~~~~~

突然好多嘢都想學添~

哩排突然間有好多嘢都好學…

包括 油畫, 壁球同理好偏門的古琴!!!!! ^^

不過都唔叫突然ga la, 都諗住好耐, 不過一直都未實行啫!

唔知今年有冇機會全部都學哂la~~

年尾就知la~~~~