the expendables

GH1/9-22/9 逢一至五6點前的戲$30 only, 唔去睇都對唔住自己la!

哩套正價時可能未必睇, 但見$30, 又真係幾抵睇wor~~

套戲故事其實非常簡單, 只係講一隊傭兵點去救人

不過就幾exciting!

而且個個雖然年紀都唔細, 但都好型wor~

cool guys!

jet li 的yin yang 好可愛, 好鐘意哩個角色呀~~~ ^^

會唔會有第二集ga?

唐山大地震

未入場前好驚會好慘, 好感人, 會睇得好辛苦~

但得出黎的結果卻不是這樣~

有時睇d慘戲真係睇到心都痛埋, 個人勁辛苦, >,< 所以如果套戲唔係特別吸引我, 明知佢係慘戲我就未必會去睇la~

其實災情片我就一般喜歡la, 但身為中國人, 唐山大地震哩個名卻吸引咗我入戲院睇

故事是環繞唐山地震後生還的方家3口, 媽媽, 弟弟及姐姐的大半生

因為媽媽的一句”救弟弟”, 令姐姐覺得被拋棄, 所以被人領養後就算記得自己本身的名字也不想回家找家人

在兩個幾鐘的時間, 說了30年的故事, 還要是3個人的故事, 故事感覺比較平淡

但有些位卻做得太過煽情, 是感人, 不過卻太造作!~

觀眾是會哭, 但感覺卻是商業的味道, 感情到達不到心坎, 散場後便蕩然無存了!

我自己會覺得浪費了一個好題材

但想不到大陸卻收了旺場, 可能真的是口味不同吧~>,<

inception

Leonardo DiCaprio x christopher nolna, 咁強的組合, 究竟有咩理由唔去睇呢?

一直都有幾個hollywood 明星我好鐘意ga~

第一個當然係johnny depp, 仲有nic. cage 同matt damon, 哩幾年開始鐘意的robert downey, 當然唔少得leonardo 啦

當我鐘意一個actor, 我大部份戲都會睇哂, leonardo d 戲當然不在話下la,

亦都發現佢戲技越黎越好, 有人覺得佢做戲誇, 我自己就唔多覺la~

佢比較適合做一d 有內心戲的角色, 就係那種有一種不想給人知道的傷痛的感覺

所以雖然佢冇titantic 嗰陣咁靚仔, 但哩幾年開始的blood diamon, shutter island, 同inception 等等佢有佢成熟的一面

我覺得比佢以前靚仔look 仲吸引

哩套同sherlock 一樣, 我又係早半年以上已經好期待, 不過佢同sherlock 唔同就係, 就算一早你睇住treaser or trailor,

什麼”crime sence is your mind” 等等, 都係完全唔知套戲係講咩ga~

睇完後, 發覺唔算好難明, 不過個idea 幾好

有少少似韋sir 的”再生號”, 不過就易明d同埋冇咁玄~

nolan 說故事的方式的確不錯, 一個幾複雜的idea, 都講得有條有理

當然中間有d嘢觀眾可能會想再了解多d, 但如果再講多d就可能要成3個鐘先做完套戲, 亦會有d人覺得太heavy

cobb 有少少teddy (shutter island) 的影子, 但佢冇teddy 咁悲, 最少佢仲有親人, 仲有子有女, 絕對未到teddy 咁desperate

inception 哩套可以話有好多感想, 但諗吓, 又真係唔知點講好, 要講ga其實nolan 已經講哂

如果講我最鐘意嗰part, 應該就係每一層dream 要wake up 嗰一個”kick” 的同步方法了

真係好正~

而佢哋做的罪行, 可能亦係對所有人最好的結局

雖然改變了有錢仔的思想, 但係, 佢亦解開咗心結, 雖然未必係真, 但又有邊個話佢個爸”一定”唔係咁 諗呢?

解開哩個心結, 可能比”錢”更令他開心~

結局方法, 亦冇咩點講, 睇唔同有的睇法la~

我當然支持有個good ending, 我亦相信我媽咪講話陀螺係可以轉好耐先停ga~ ^^

toy story 3

由第一集開始, toy story 一直係我最鐘意的disney pixel movie (非pixel的最鐘意阿拉丁~)

可能細細嗰時我就成日覺得d公仔係有生命的, 所以睇toy story 時特別有感觸~ ^^

toy story 3個故仔好好, 感人得黎故事性都唔錯, 雖然冇第二集咁好笑, 但就比第二集感動

由第一集開始, 唔止andy 長大了, woody 亦都有所成長(心靈上)

由第一集的爭寵, 到第二集對玩具本身責任重新認識, 到第三集的放手與及move on

所以woody 真係toy story 真正的主角

toy story 3的woody 好討人喜歡, 善良, 正義, 有決心, 又有義氣, 係真真正正一個leader

最後, 佢幫玩具及主人做的決定亦好感人, 的確係對雙方都最好的選擇

andy 最後對玩具的道別好touching, 其實有一個咁好的主人, 雖然玩具不能陪伴主人一生, 但都好值得la

回頭諗諗, 大家又怎樣對代自己的玩具呢? 是不是要想想還有沒有什麼不再玩的玩具可以贈送給有需要的小朋友呢?

魔鬼契約

就算冇睇過歌德的浮士德, 我相信大部份人都聽過或者睇過關於同魔鬼交易靈魂的故事

浮士德博士通曉世間學問, 不論神學, 晢學, 醫學, 法律等等, 他都一一知曉

但他還是不滿足,覺得還是十分空有無聊

隨著年歲漸長, 魔鬼使者便藉此機會來迷惑他, 以魔法和自己對他的待服來換取浮士德的靈魂

如果是你, 你會怎樣選擇呢?

要故事發展落去, 浮士德當然是出賣了自己的靈魂來換取對魔界及萬物更進一步的認識

歌德的故事是性本善的故事, 而這套話劇卻是性本惡的故事

有時候, 得到未必等如擁有, 原來放手才是擁有一切

好耐冇睇萬子做戲, 話劇更係第一次睇, 諗唔到真係好正, 好charming

佢做的魔鬼使者真係好入戲, 帶點幽默感, 又有魔鬼的壞心眼, 但又加點優雅, 加點卑膝,

正正是法力無邊的待從的形象 ^^

很希望再睇到佢主演的話劇

shrek 4

第一次去mega box 睇早場~ 嘩! 真係好抵wor~

3D 都係$40, 仲平過普通電影呀~~~

SHREK 有人一直好鐘意, 但對我黎講, 就算第一隻, 我都覺一般啫, 故事唔太特

最得意就係張偉健配音隻驢友LOR~ ^^

不過之後第二三集我都有睇, 入面d出位童話人物都幾搞笑

今次第四集講的係shrek 同fiona 婚後平凡的生活, 令shrek 好唔開心唔可以做返以前的妖怪

所以就有壞人用契約的方法呃shrek 話只要用從前一日的時間就可換到一日自由時間, 但哩個決定卻會令shrek會永遠消失~

最後, 當然大團圓結果la~ shrek亦明白自己係幾咁幸福~

故事一睇開頭就估到結尾, 不過都幾warm, 希望shrek 同fiona 可以係far far away 永遠happy 地生活落去~~~

事發的十九分鐘

『每個人都說我毀了他們的人生， 可是當我的人生被毀的時候好像沒有人關心。』

又是令一本典型jodi picoult 的小說, 又是一部沒有黑與白, 只有灰色的小說

因為趕著在書展前看完所有上年買的小說的關係, 所以看完死亡約定後便立即看這一本

一路睇, 心情一路都好沉重, 睇完後, 覺得更悲傷

一個十七歲的少年, 自少受到欺凌, 終於選擇在一天令全世界知道自己的名字, 在十九分鐘內, 殺了十人, 傷了十九人, 亦令上千的學生及老師蒙上一生的陰影

這十多年來, 彼德每天的生活生不如死, 每天也受到受歡迎學生的欺負, 他一直也是受害者, 但當他選擇了校園槍擊,他還是受害者嗎?

那些學生一直也欺負著彼德, 有些沒有欺負他的也沒有伸出援手, 他們的行為是否毁了一個人的人生呢? 但他們又應該受到死亡, 毁容或殘廢等懲罰嗎?

一個只有輸家的結局, 這件槍擊事件, 沒有winner, 只有一幕幕悲劇

究竟父母應該怎樣教育孩子呢? 一個內向的孩子, 一個不受歡迎的孩子, 是否有其他方法可以令他們融入社群呢?

哪些欺凌弱小的孩子, 為什麼又沒有人教識他們何為專重他人呢?

這件悲劇, 不是彼德一個人的責任, 是全個社區的責任

作為父母, 責任是很擔重的啊!

所以真係唔好隨隨便便就生子呀~~~~

死亡約定

哩本係我上年書展買的書, 諗唔到要到今年書展前先睇完!

睇返書架的書, 發現上年書展買的書仲有一兩本未睇, 究竟有冇可能係書展前睇哂呢?>,<

死亡約定是my sister keeper 作者jodi picoult 的小說, 亦是我第二本接觸picoult的小說~

當時姐姐的守護者給我很”驚豔”的感覺, 第一時間愛上了這個作者

死亡約定雖然是picoult 第二本的中文翻譯小說, 但實際上卻是她早期一點的小說

故事寫作形式和姐姐的守護者差不多, 也是加插了大量的插敍及回憶, 故事的題材也是一個令人反思的題目

究竟, 你了解自己的子女嗎?

究竟, 為了愛, 你可以做到怎樣的地步呢?

chris 與emily 是一對生長在中產家庭的青梅竹馬, 由出生開始, 已在一起生活

他們美麗英俊, 成績優異, 一個是運動健將, 一個是藝術奇皅, 他們相親相愛, 是一對羨剎旁人的小情侶

但為什麼在一個晚上, 所有東西也改變了呢?

emily  頭部中槍死亡, chris 昏倒在旁, 頭部多了一個要縫七十針的傷口

chris 清醒後對大家說, 他們打算相約自殺, 只是自己失敗了

究竟是什麼原因令毫無自殺預警的小情侶相約自殺呢? 或是真的如警方說是chris 謀殺了emily 呢?

結局作者說因不想作者不開心, 所以判了chris 無罪, 但作者其實覺得他是有罪的~

但就我看來, chris是無辜的~ 你說我殘酷也好, 我覺得整件事也是因為emily 鑽了牛角尖的思想令到所有悲劇發生

若沒有chris的那一槍, emily 難道不會用其他方法自殺?

連自己女兒大肚也不知的家長, 有什麼責任把全件悲劇怪罪在一個17歲的青年身上呢?

若chris 要被判無期徒刑的話, 我覺得真係冇天理la!

全書有很多令人反思的地方, 律師最後兩方的爭辯非常有張力, 兩方看上也有很道理, 十分精彩~

不過若想書中情節細膩的程序, 還是my sister ‘s keepr 優勝與成熟, 不境這是作者較新的小說, 所以寫作技巧更為成熟!

柯廸夫 OCTAVE

原來, 我已忘記了自己真正的聲音……

一群已習慣以虛假的聲音，甚至不發聲去生活的廿幾歲城市人，重遇喉嚨生了腫瘤不能唱歌的中學音樂教師，才終於記得自己已逐漸失去的聲音….

劇中的聲音並不是單單字面上的聲音, 而是生命的意義與熱情, 那個曾經對未來充滿希望與夢想的自己

W 劇團的drama 很多我又有支持, 每個劇本也是環繞著幾個青年人, 關於愛情, 友情, 親情與及生活的故事

今次octave的劇本我覺得是最近看過最簡單的, 沒有錯綜複雜的男女關係, 亦沒有同性未婚大肚等等劇情

有的只是一班最普通不過的年輕人, 長大進入社會後做著普通的職業, 差人, 姑娘, 保險經紀, 工人以及配音員

他們每天生活平靜, 每天也是開工等放工, 為著三餐,為著那五斗米折腰

在這十年間, 他們一點點地遺失了心中的聲音, 心中的柯迪夫

這個柯迪夫還有一個名字, 便是熱情, passion!

就是這麼普通的劇本,這麼普通的一班人, 才是最有代入感的一次

就像看著自己怎樣遺失了”柯廸夫”一般!

高中的話劇”柯迪夫”, 便是他們不見了的熱情

若他們當時參加了那次的話劇, 就算不能得到任何奬,

最少不會遺憾了十年吧!

Miss Lam 也不會覺得因為自己當時懦弱的決定影響了學生的決定已內疚不已

當然, 他們當時的解散並不能才怪Miss LAM, 只怪他們當時不團結

幸好, 最後, 他們在十年後再決定要完成十年前的話劇, 一圓當年的夢!

很喜歡一句話: “就算這條路最終是失敗, 總比過後回想時後悔好~”

或者我便是這樣的人, 所以對這句說話特別有共鳴

我是一個最不喜歡”後悔”的人, 或者走了很多錯路, 但總叫行過, 怎樣也比之後回想為何自己沒有這樣做而後悔強吧!

02.octave

smap 毒tomata 事件

好離奇的劇情,有少少東併西併咁, 好似goro咁講, 如果一早話俾佢哋知, 應該可以演得更好~ ^^

不過就冇咁好笑la~~

木村好勁, 一早就估到凶手係邊個~

不過咁睇應該凶手唔止一個, 係有共犯ga~ 呵呵!