台灣day 4

day 4: 鼎泰豐–>ice monster->書局街–>西門–>機場

本黎尋晚應該可以訓得最耐的一晚~ 1點左右就返到hotel, plan 好今日9點起身ga ma~ 點知大家都要玩到4點幾先去訓教~ 哈哈!

第一站係出名小籠包好好味, 仲要係世界最出名餐廳之一的鼎泰豐~ 嗯~ d小籠包的確係幾好味~ 皮簿多汁~ 而且服務一流~ 唔錯唔錯~ 之後去咗ice monster 食冰冰~ 一睇! 啊~ 原來我第一次黎台灣時已經肓宗宗咁黎過ga la~ 當時淨係跟著d 台灣fd, 都唔知自己去咗邊一度~ 本黎諗住重溫4年前的strawberry 冰冰感覺~ 點知冇strawberry 添~ 只好食mango la! 都係一樣好好味! ^^

下一站就係書局街~ 上次係唔夠時間行的~ 諗唔到今次都係一模一樣! 又係行得勁趕咁樣~ 下次我估要預返半日黎行先ok ar! (或者自己一個人黎行都唔錯~ 我估應該可以買到多d 書~) 本黎諗住可以去光華商場ga, 點知最後都唔夠時間去~ (仲諗住買漫畫添~) 之後就好趕好趕咁去西門町買老天褖~ 係冇地圖的情況下, 諗唔到都記得7成點行, 仲可以在途中遇到judy 佢哋添~ 哈哈! 第一次覺自己唔係良牙咋~ 西門町已經行咗幾次, 都冇咩想再行la! 不過我覺得佢同二年次冇咩分別, 就係街頭的大招牌都仲係calvin kein, 仲一樣係我心愛的龍格寶做model~ (咁當然係另一輯poster la)

最後買完嘢, 快手快腳咁買咗d嘢食, 就急急腳返hotel 走人~ 3:30好舒利咁撘到部國光去中正airport lu~

四天的行程完結lu~ 好攰呀~ 又好熱~ 不過都幾好玩~ ^^ 唔知下次要等到幾時先去到旅行呢? 我想去北海度ar!

台灣day 3

day3: 平溪–>十分–>基隆–>野柳–>金山–>淡水(巴士觀光only, 冇落車)–>美麗華(睇埋superman 3d imax)

100個眼訓呀~ 沖埋涼後, 得返嗰個幾鐘訓, 真係唔後生都好難plan 哩d行程, 真係有今生冇來世咁呀!

想要係朝早, 即係1點前玩哂平溪同十分的行程的話, 時間選擇只得一個!!

就係7:50要撘到由台北去瑞芳的火車, 之後9:00要在瑞芳撘到車去平溪~
而10:30 一定要離開平溪去十分, 睇完waterfall, 再行火車路去大華車站(我估哩個都係景點之一ga) , 要趕到12:45分大華回瑞芳的車, 之後你可以返台北玩下半晝的行程, 或者再 去基隆.

雖然係趕d, 但係都叫幾ok ga~ 要行的地方都叫行過~ 平溪又去咗整天燈~ 嘩! 好開心呀~ 咁大個女第一次整天燈, 放得起嗰一刻真係勁興奮!見住盞天燈慢慢飛走, 真係好有滿足感~
之後去十分睇waterfall~ 途中除咗waterfall外, 仲有幾個景點, 普通la~ 影幾幅相就可以走得人ga la~ waterfall 冇想像中咁大, 可能係第二度見過更大的waterfall la~ 但係都叫ok~ 值得到此一遊~ 但我覺得十分最特別都係行去大華車站的火車路~ 腳踏著徑上的細石, 再穿過黑漆漆的tunnel, 真係好有遠足探險的感覺~~~

早上的行程完畢後, 我同bella就同judy and 阿傑分開行~ 因為佢哋要去行故官museum同中正紀念堂~ 但係我哋上次去過ga la~ 哩d嘢去過一次就夠ga la! ^^

我哋開頭諗住去陽明山的, 但因為唔想行回頭路, 所以最後揀咗野柳同金山~ 陽明山, sorry la! 只好下次先搵你la! 去野柳的話, 要先去基隆~ 基隆係一個漁港, 有d似德國的hamburg, 但係就殘少少同冇咁怡人~ 去到冇咩點行, 食咗碗好味牛肉noodle後, 就撘車去野柳la~~

野柳原來都係一個小漁港~ 一去到就見到好多魚船~ 原來魚船有好多燈燈ga wor~ 真係第一次知咋~ 之後我哋就入咗野柳保護區睇石! 嘩! 個保護區比我想像中大好多~ 真係好值得一去~ 可能我哋係讀geog, 覺得更有觀賞的價值~ 真係你係書上學的任何一樣marine erosion 已成的石石, 你都可以係哩度見到~ 心諗~ 如果field trip 黎哩度咁咪幾好玩lor~

prof. 俾張工作紙大家, 叫大家去搵返d石出黎, 再寫埋個process, 又係一個test la! 哈哈~ 正! 有咁ga test 我都想玩吓!

之後等咗好耐車先有車經金山到淡水~ 途中風景真係幾靚~ 難怪, 因為部車駛經台灣海峽邊, 所以個海景十個靚~ 我哋亦都係台北的北面頂頂繞了一圈~ 感覺唔錯~~

去到淡水~ 回望返個捷運站, 諗起好似2年次都係咁樣回望過~ 咁又二年la! 時間呀~ 真係過得快~

本黎諗住去度小月食dinner 的, 但諗唔到judy佢哋突然間提意去美麗華睇imax 3d~ (旅行自由行好處就係可以隨意地re-plan行程la~) 佢哋已經係美麗華等緊la~ 劍澤站有free shuttle 直去美麗華~ d 車好準時ga~ 大家小心小心, 15min一班車!

3d superman係幾特別~ imax 個screen 亦都好大好正~ 可惜我哋坐第三行, 所以有d暈~ (不過俾上一次朗豪坊第二行好十倍lu~) 講真, 3d 都係gimmick 嘢, 如果想投入d個故仔, 我都係覺得冇3d會好d~ 因為3d會影響咗個故事性~ but overall, 都值得一睇~ 大約$100左右, 個價叫ok la~

台灣day 2

day 2: 日月潭一日遊 (我覺得ok wor~ 12點幾去到, 食完lunch 之後搬車遊湖, 6:30
離開日月潭)–>台中–>逢甲夜市–>台北(11:30台中走, 返到台北酒店大約1:30左右la)

朝咁早起身, 可惜有人起唔到身, 最後miss咗7:00的車~ (不過好彩有8:00車, 就當食個早餐la~ ^^)  部車幾舒服, 仲有movie 放, 放足三套~ 我就睇咗一套咋, 因為太眼訓la~~~ 套戲幾好睇ga! 法國movie, 幾特別, 有機會要搵返叫咩名先得~
去到日月潭差唔多1點, 一路撘車落台中時已經見到個天陰陰地, 仲隔中落下大雨, 諗唔到去到日月潭仲大雨d~ >,< 我哋見到咁大雨, 只好搵間嘢食返個lunch先再慢慢plan 點樣遊日月潭la~

日月潭最出名的應該係總統魚, 不過我哋見幾貴吓, 只係普普通通咁叫咗隻潭魚食~ 都幾好味~ 其怹幾碟好似山羌肉(小羊同小鹿的mix), 荀,鮮菇,過貓菜等等都幾好味, 幾清新~ 而且個老闆仲好似森美添~ 哈哈哈!  

食完嘢之後, 見到個天都係冇咩改善到, 只好接受之前的士司機的提議, 就係租部的士遊日月潭la~ NT 1200, 4個人, 最後玩咗4個幾鐘, 個價都叫ok ga~ 可以話係落雨天的一個好選擇~ (晴天的話可以租小型綿羊仔, 睇吓你有咩哩個膽量la~~~ 哈哈~)

諗唔到日月潭附近都有幾多景點, 好似文武廟, 慈恩”土答” 等等, 都幾靚吓~ 文武廟入面有好多風鈴, 相比係日本的神社, 有另一種中國的色彩~ 而其他地方雖然細雨濛濛, 個天陰陰咁, 但都叫幾靚~  特別係慈恩“土答”, 成座tower 好似加咗soft 鏡咁, 勁得意~ 上到tower頂, 大家係咁等d霚同雲散, 當個山頂整返出黎時, 種感覺真係好仙景~~~ 最後我哋去咗梅荷亭睇日月潭全景, 可能因為落雨的關係, 冇咩陽光, 睇唔到書中日月潭日落的風景~ 但諗唔到睇到另一樣嘢, 就係一條彩虹, 仲要係double rainbow~ 我都係哩世女第一次見咗一條半圓形的彩虹咋~~~  >v< 真係十個靚~ 所以話呢~ 有得必有失~ 有失又必有得lor~ 唔落雨又邊見到咁靚的彩虹呢?

之後落車落埔里, 再轉車去台中~ 聽落好煩, 但係勁簡單~ 可能我哋好彩, 一落車就轉到車la~ 而且車程都係2個鐘左右~ 去到台中, 見到一直好想去的犁記~ 買咗少少嘢後(怇d鳳梨酥又真係幾香幾好味wor~ 不過就比維格更貴~), 就轉公車去逢甲夜市食嘢~ ^^

其實d嘢食同台北差唔多, 有條salty chicken 幾好味, 朱古力蕉蕉幾得意咁~ 仲有台式車仔麵(個名我作ga~) 都唔錯~ 行到11點幾, 就撘的士去中港轉運站撘車返台北~ 夜晚11點半後有優惠, NT 190 only, 幾抵~ 返到hotel都差唔多點半la~ 又係時間睇世界盃決賽lu~~

上半場大家的狀態都叫ok, 但好明顯下半場大家同上的球員一樣, 都已經不太在狀態la~ 到最後互射十二碼, 我同judy又精神返la~ 但係已經有兩個陣亡咗la€ >,< 最後~ 我心愛的法國隊無奈地得個第二, 不過henry, 我知你仲有機會ga~ 下一年la! 而我一世都會記得施丹的一撞!

我知道你好想頂人個肺, 都唔爭在嗰一時三刻la~~~ >,<

台灣day 1

day 1: 中正機場–>北投–>泡湯–>淡水–>士林夜市–>誠品

去過台灣兩次,本來冇諗住再去台灣ga la,~ 諗唔到d同學仔竟然想去台灣玩, 但係我睇吓自己哩份工, 邊有機會放假呀~ 佢哋仲話要去玩7/8日wor,~ 所以一早打定輸數, 叫大家買鳳梨酥俾我就算ga la~ >,<

諗唔到, 世事就係咁奇怪, 最後大家竟然將個行程縮短成4日, 仲有兩日係六日添~ ^^ 放兩日假, 我仲應付到! (當然中間有犧牲者la~ jeff, 對唔住la~~~)

4天的台灣之旅終於開始la~~~

一早就知道台灣熱, 諗唔到真係好熱~ 而且可能係就快打風的關係, 覺得個天更加悶熱~ 落咗機後, 本來諗住仲有台灣大哥大的免費電話卡拎ga, 點知已經冇咗哩個優惠la~ 殘念呀! 之後去咗維格烘焙店, 原來鳳梨酥整熱佢係好味好多ga wor~ 下次都要試吓先得! 返到天成check in 後, 已經3點la, 只好放棄我哋的鼎泰豐之行, 直接去北投泡湯~

一直都以為北投好似日本箱根咁樣, 好有溫泉鄉的感覺, 即係一系列的小木房, 之後行一段小徑先到另一組小木房式的溫泉酒店~ 諗唔到北投的溫泉酒店係好現代化的酒店, 一座一座building 仲要好近~ 設施應該比日本的傳統溫泉酒店好, 但係氣氛就近dd la~

參觀完溫泉博物館及地熱谷後, 越行越入咁樣, 最後去咗一間好靚的酒店, 亞太溫泉泡湯~ 雖然價錢係貴d, 每人大約NT600, 但係又可以浸私人池(泡屋), 再可以浸埋大眾池, 都叫幾抵吓! 亞太的裝修好靚, 仲幾有日本feel 添~ 一條上湯屋的樓梯, 加埋浴衣, 真係好好feel~ 十足十似去日本浸溫泉咁樣~

浸溫泉發現咗一個道理, 就係唔好浸咁耐~ 唔好以為自己好受熱~ 我平時沖涼都幾熱吓, 但係溫泉度浸得10min, 已經有少少頭暈的感覺~ 大家千期唔好貪心浸咁耐ar! 想浸耐d的話都要10min左右出黎休息一下, 唔係暈低咗就唔好la!

大眾池分開男女, 因為唔可以著泳衣入去! 個池幾大, 而且淨係得一個人~ 幾懷疑點解星期六都咁少人, 唔通因為天氣太熱冇人有興趣黎浸?

去完北投就去淡水漁人碼頭~ 可惜遲咗少少, 睇唔到日落~ 但係同上次黎淡水的感覺完全唔同!! 可能上次太早黎la, 咩人都冇, 死城咁!(你有見過情人橋上面係冇人未呢?) 今次見的雖然係夜景, 但係熱鬧好多, 又多嘢食賣~ 唔錯~ d魷魚好好味~  ^^
下一站係士林夜市, 同兩年次冇咩分別, 唯一分別係多咗兩個人一齊食嘢, 咁樣可以有多d嘢食選擇ma! ^^ 今次食咗綿花冰, 花枝湯, 柯仔煎, 鴨血煲, 臭豆腐, 大大雞排, 大包包小包, 蜂蜜苦瓜汁等等, 唔錯唔錯~

肉體食完嘢, 當然到去搵d精神食費la~ ^^ 去咗上次冇機會去的誠品旗艦店~ 真係好大, 而且又舒服, 最適合打書針ga la~ 如果我住台灣, 一有時間一定黎睇書~ 真係比library 仲適合睇書ar~~ 哈哈~

最後返到酒店已經2點幾lu~