日本之旅! let’s go~

15日大阪北海道東京之旅就快開始la~ 一陣就搭14:55機

但係…………………………….

我仲未收拾好行理wor~~~ >v<

ok的話, 我會update 我的blog, 向大家講吓我最新的行踪~

哎呀~ 唔得la~ 要去執嘢la~~~~~~~~~~~~~~~~~~~~~~~~~

日本day12

返香港lu~

12日的行程, 有開心, 有唔開心la~ 雖然返香港的一大清早有少少問題, 仲以為趕唔切撘車添, 就最後都成功到達機場, 冇好似上次我同mimi 回hk 時咁樣miss咗班飛機~

好期待下年可以再同mimi去日本,下一次要夏天去北海度睇花~ 富良野, 等我ar! 我估我都會再去登別一次~ 關西方面, 神戶牛應該係我下一次的目標la~ 哈哈哈!

日本day11

唔經唔覺, 旅程已經進入尾聲la~ 今日又係大阪一日遊, 可以開尋晚買的大阪周遊卡黎用la~

一大朝早就起身去pick up strawberry, 聽酒店個staff 話8:30就開, 最好8:00 去排隊ma~ 睇下車程, 我估要成個鐘先去到, 所以朝早6:30就起身出發la~ 點知轉咗幾次車後, 已經8:30 la~ 去到富田林站, 原來仲要撘巴士先去到ga~ 搵咗好耐, 原來個巴士站係車站南出口的4號線, 因為走咗一部, 要等到9點半先有車~ 係咁呆坐咗45min 後, 終於有車黎la~ 車一路行, 一路拎住咁晏都應該唔俾人入ga la~ 去到好彩仲有得入! 原來佢係分區俾人擇ga~ 即係你要俾700yen入場, 之後每一區1000yen~ 大約10m左右的strawberry field la~ 左右你都可以擇黎食~ 大約都有60-70粒俾你擇~ 雖然冇一開始我想去的30min放題咁開心, 但都叫即擇即食ar~ 唔知係咪心理作用, 覺得d strawberry 又真係特別甜美ga wor~ ^^

下午返去大阪進行我哋的一天大阪遊~ 第一站首先係通天閣~ 下一套柯南電影應該係取景於通天閣, 所以四圍都見柯南的poster~ ^^ 記得柯南之前都同服部佢哋黎過通天閣ga wor~ 當然要一黎la~ 今日的天氣係黎日本咁多日最差的一日, 一早擇strawberry 時已經落毛毛雨ga la~ 點知越落越大, 上到通天閣後, 視野麻麻, 仲想比較下同東京的分別添~

之後就去大阪城公園及天守閣出發~ 雨又大咗la~ 好彩我尋晚見到天氣報告, 話會有20% 下雨, 平時明明好唔鐘意帶傘ga, 但又唔知點解無啦啦又帶咗把傘出街wor~ thanks god! 不過因為得一把, 老豆既然著得風褸, 就要犠牲吓la~ ^^ 大阪遊的coupon 可以坐埋大阪城公園的觀光車, 見到咁大雨, 當然要去坐吓la~

坐在車上, 見住公園入面d 櫻花一樣咁多, 就算落大雨, 諗唔到都有好多日本人係度賞櫻~ 佢哋在樹上掛多一塊膠就算係擋吓雨ga la~ 雖然好似一樣濕哂, 但都未損佢哋賞櫻的心情, 我相信日本人真係好鐘意櫻花~ ^^

天守閣比我想像中細, 不過入面幾好睇~ 最特別就係5/f 夏之戰屏風的解述~ 用不同角度, 不同媒體, 把這塊屏風入面描述的戰事講解給大眾聽, 真係幾有心思, 而且仲幾引人入勝添~

夜晚去返之前去唔到的鶴一食燒肉~ 鶴橋一帶真係有好多燒肉店, 怪唔得日本人話食燒肉一定要黎鶴橋la~ 因為要同fd 買black label的關係, 又見好多人等位, 只好叫媽咪佢哋等位, 自己一個走去買袋la~ 哈! 原來一來一回已經一個鐘, 媽咪佢哋已經入咗去仲叫埋嘢食添~~ 佢哋話冇咗我唔知點算, 亂叫咗d 嘢~ 不過望吓, 都叫ok ar~ 唯一叫咗個salad 有d 怪之外, 都冇咩問題ar~ d 燒牛肉真係好好味, 諗唔到原來全隻牛有咁多部位都食都ga wor~仲要咁好味添~~ 好滿足的一餐啊~~~

日本day10

一早起身, 當然又要去浸吓溫泉先得la~ 唔知係咪因為太遲, 落到去竟然冇人浸wor~ 唔知個個都係early bird? 定係太懶唔落黎浸呢?

早餐又係好豐富, 仲有我好想試的豆腐, 原來唔駛去京都亦都可以試到傳統豆腐~ ^^ 今次冇上次係京都食咁滑, 不過就有豆味dd, 嗯~ yummy yummy~ 之後我哋去咗library 嘆吓coffee, 睇出去, 今日天氣唔錯, 又係外遊的好日子~ 媽咪打算返房先, 哈哈! 同老豆諗一樣, 佢真係搵唔到路返房wor~~~ (不過都唔怪得佢, 哩橦building 真係有少少似迷宮ga~ ) 諗住帶咗佢返房之後去搵尋晚見到的小庭院la~ 點知連我都一樣搵唔返個庭院~~~ >,< 仲想瘀吓媽咪添, 原來自己都係五十步笑百步~~

check out book 咗直接返大阪的巴士後, 就去toy museum 參觀及溫泉附近的店鋪行吓~ 開頭仲以為冇咩嘢睇, 但都幾得意wor, 最鐘意係佢3/f automatic toy 嗰層, d toy 真係好意ga~ 之後買咗d 有馬出名的炭酸燒後, 就返大阪la~

返到大阪, 見到仲未夠時間check in, 就打算去返之前黎梅田時見到的阪神買agnes b, 點知入到去間百貨之後搵黎搵去都搵唔到wor~ 左望望右望望, 覺得好似同前日黎過的百貨店差唔多咁wor, 究竟點會咁ga 呢? 行咗好耐, 最後一望個名, >v< 哦! 原來今次我黎咗阪急百貨, 唔係阪神呀~ 真係傻咗添!

日本的agnes b 真係比香港平, 大約平30%左右la~ 抵ar! Burberry 的blue label 一樣比香港平, 不過都係下次黎先買la, 一次買咁多, 係香港唔知捱麵包咩~~~ 下次黎先買la~ 當俾個目標自己ma~

夜晚又去返道頓堀, 心 x橋行, 係道頓堀的一間叫菱富食咗個好好味的饅魚飯, 真係燒得好好味~ 最特別就係饅魚蛋卷, 軟軟滑滑的蛋包加上美味的的鰻魚, 真係令人回味無窮~ 食完飯後, 繼續行街~ 發現條街真係好長, 而且又多嘢賣, 應該行20min 的街, 行咗3-4個鐘都行唔完, 住係日本都唔知係幸福定係不幸la (個銀包~~) ^^

日本day9

今日又係京都遊, 不過係半日遊, 首先嵐山一帶, 渡月橋, 天龍寺, 再搭todokko 列車, 下午去手塚治虫museum, 再去有馬溫泉~ 因為要轉好多次車, 所以一早已經plan 好哂d 時間, 一分一秒都唔可以錯, 只要miss咗一班車, 就完成唔到全個行程la~  thanks GOD~~ 最後我哋一班車都冇miss 到, 好盡時咁完成哂所有行程~ yeah!

一朝早, 就即係撘車去梅田車站轉阪急京都線~ 同預料中一樣, (苦笑~ ) 真係好難搵, 問咗幾個人, 轉咗幾個圈, 終於搵到la! 去到嵐山, 好有郊外的感覺, 空氣清新, 去野餐真係一流~~ 我見咗好多local 都走黎嵐山遊覽, 日本真係好鐘意郊行~ 渡月橋一帶有很多小吃賣, 遊人可以一邊行, 一邊吃小食, 或者一邊花見, 一邊吃東西, 真係好有悠閒feel~ 行完渡月橋外, 在附近的一吃了淡紅豆湯圓及燒飯, 味道一流~ 清清的抺茶加上小小甜的紅豆, 還加上彈牙的湯圓~ 正ar!

吃完後, 便繼續去天龍寺出發~ 天龍寺最出名的便是曹源池及庭園設計, 夢窗國師除了是名設計師外, 還畫了精彩的雲龍圖~這裡的庭園令我想去杭州的庭園, 一樣典雅, 大自然與人類生活的結合~

看看時間, 已經12:15, 便立刻趕去撘觀光火車, 諗唔到去到已經冇哂坐位, 得返企位~ 咁黎到, 冇可能唔買ga ma, 辛苦d都冇辦法la, 唯有記得下次早d買la! (之後睇返原來係可以係綠色窗口book ticket ga) 沿山的風景很美麗, 左右兩邊都有風景睇, 不過好似右邊多d~ 浴途見到河上撘激流小艇的旅客, 見住d船夫很勞力地撐船, 好似咁辛苦, 睇落去好似好得意, 有時間可以一試~~ 途中經過河津一帶的時候(這裡是很多狸貓或者神話故事發生的地方), 還有小小的餘興節目~ ^^ 就係會有天狗上車與乘客見面, 有d似澳洲puffing billy 的盜金小記~ ^^ 去到總站龜崗, 行了約10min 去到馬崛站後, 便開始我們的手塚museum 之行la~

其實去寶塚路途都幾遠吓, 或者我唔太應該咁行掛~ 不過如果今日唔去, 我估都冇咩時間去, 話哂之做black jack的死忠, 點都要去吓個museum 朝聖掛~ 轉了幾程車後, 終於去到museum la~ 問咗幾個人路,終於去到la~ ^^ 個museum 唔算大, 不過真係有唔少手塚的東西~ 最特別係仲有一套手塚真畫的動畫欣賞~ 諗唔到手塚個仔都幾捉到爸爸畫公仔的神韻, 唔係話公仔的外型, 而是故事的靈魂~ 手塚的故事喜歡畫現實生活的童話, 主角的生活或者身邊的角色大都被現實社會所污染, 但是故事總會帶給人光明與希望, 這正正是最感動人心的東西!
Museum 下面還有一個漫畫工坊, 不過要睇time schedule先得, 我哋就miss咗la~ 出面仲有一個大庭園, 不過又係要買飛入場, 我哋最後都冇去到~ 3/f 有手信同漫畫睇, 最特別係哩度仲有一個其他作者的展覽室, 睇吓你好唔好彩撞正你鐘意的作者la~

之後我哋就去有馬溫泉出發! 去到打咗個電話俾hotel, 佢哋即刻有部車落黎接我哋, 服務好好! 御所坊我估應該係有馬最古老的溫泉旅店, 已經有800幾年歷史, 真係諗唔到, 開頭聽個經理話800年, 我仲以為係個溫泉有800歷史, 原來唔係wor~

御所坊給我的感覺比較高雅傳統, 每一處也散發出古典的味道~ 今日岩岩撞正電視台黎攝影, 搞到我哋食飯前浸唔到溫泉添~ (不過有電視台真係證明哩間嘢好出名la~) 今次的夜食是鐵板牛排, 仲有個廠師專程為我哋3個用日式煎牛排~真係好高享受~牛排鮮嫩多汁, 你鐘意幾熟隨你話事, 真係食都唔停~~  好正!

食完飯後上房時發覺自己原來唔識點上返房添~ 研究咗好耐, 終於有人教我哋la~ 之後我拎住部dv 四圍影, 諗住研究吓座旅館, 最後差唔到搵唔到路返屋企呀~ 好彩有人求救, 問咗頭先個女仔(佢好似好surprise 咁以為我搵咗30min都搵唔到路~ 哈哈~) 先知原來哩度返2座building, 只有浸溫泉的金泉位才是connect 2座的地方~ ^^

有馬出名2個溫泉, 金泉和銀泉~ 聽過豐臣秀吉都黎過浸金泉ga~ 御所坊的泉水是金泉, 一入到去, 泉水真係金色ga~ 男女兩邊只是有一座矮牆相隔, 男仔只要坐高少少, 就可以見到我哋女仔哩邊~我見到有對男女朋友係度傾歇添~  (不過因為煙霧迷漫及金色泉水的關係, 可以話咩都冇可能見到ga~)  金泉的水含有高密度的鹽, 所以比海水更加有浮力, 聽講話對神經痛及腰背痛特別有功效~ 媽咪仲話浸咗一陣條頸都冇咁痛, 有冇咁厲害呀?>v<

聽朝又要起身再浸過~~

日本day8

今日係universal studio 一日遊~ ^^

黎得大阪, 當然要一去universal studio 先得ga la! 之前去過LA 的universal studio, 覺得好好玩, 聽人講話日本哩個仲多嘢玩, 當然要一試la~

本黎諗住一早出門口ga, 點知因為要叫hotel 的staff 幫手打電話book strawberry field 同問吓隻杯有冇留低咗係小樽~ (係la~ 尋晚收拾行李先發覺唔見咗2隻杯, 唉~ 好鐘意ga ma, 只好下次去小樽再買過la~ ) 最後搞到成9點幾先坐到~ 去到梅田轉車, 發現阪神百貨開咗門, 受唔到引誘惑入咗去睇嘢, 哈哈~ 諗唔到係催物場有平嘢賣, 買咗一隻400yen的大chopper ~ 真係抵到笑ar~ 行咗個幾鐘後,見到阪神的食物部好吸引吓, 橫掂unviersal studio d嘢食咁貴, 不如都係係買埋嘢食入去食la~ 最後搞到成12點幾先得到場玩第一個game~

日本的universal studio 同美國的差唔多, 不過就好似多嘢玩d~ 一入去就俾佢部hollywood dream ride 吸引咗la~ 見d人叫得咁開心, 我又好想玩wor, 但又唔想一個人玩, 唯有諗吓辦法呃媽咪老豆佢哋陪我玩la~ 哈哈! 我哋第一個game 係玩terminator, 哩個同美國的一樣, 唔錯, 都未算勁好玩~ 當熱身la~ 不過都排咗幾耐, 開頭見出面寫住要排100分鐘先ok, 好彩最後都係排咗一個鐘左右啫! 之後就去細父話好好玩的spiderman ride 玩la~ 雖然一樣好多人, 而且天氣又冷, 同尋日一樣, 都係唔係好夠衫著, 但哩個game真係唔錯~ 凍d都抵~ 立體的影像再加不同的感官效果, 真係好刺激~ (而且我哋仲坐頭位添~)

玩完spiderman 後, 我諗住都應該到玩過山車la~ 見到只係排90min, 即刻走去排隊~ 諗唔到排排吓落雨wor! 我哋好有毅力咁繼續排, 皇天不負有心人, 最後用咗45min就玩到la~ 哈哈! 仲可以趕到5:30去睇waterworld 的表演~ 之前係美國因為時間的問題睇唔到, 今次終於可以睇到la~ 諗唔到比想像中更加精彩吸引, 又有真火又有劇情, 真係睇完後都想租返水世界套戲黎睇吓, 好似好好睇咁wor~

水世界後出返去, 在恐龍 與大白鯊之間, 最後選咗後者~ (前者都好玩, 不過美國玩過ma) jaw 原來真係會有條大白鯊出黎嚇你ga wor~ 又係好刺激~ 最後玩埋ET adventure 後, 諗住出去買手信ga la, 哈! 諗唔到仲有peter pan 水上歌舞睇~ 雖然唔係好明白, 但都好精彩, 煙花與歌舞砌成的華麗表演, 最後peter pan 與wendy 仲會飛天ga 添~ ^^

睇完表演, 急急腳買咗我最愛的back to future 與spiderman 手信後, 就去鶴橋食嘢,可能太夜的關係, 一直想去的鶴一close 咗lu~ 只好求其搵間食la~ 嗯~ 都幾好味~ 下次先再去鶴一la~

好開心的一日ar~

日本day7

唔係寫遊記都唔知已經玩咗一個星期la, 開心的日子真係過得快d ga~ 大阪未玩, 我哋已經打算去京都一日遊la~ 哈哈!

京都是從前日本的京城者是叫首都la, 所以隨處又可以見到大大小小的寺院~ 但係只係得一日時間, 我哋當然貴精不貴多, 選幾條精選寺院路線黎行吓la~ 去到京都, 已經發現哩度好旅遊區, 相信因為係櫻花期的關係, 好多日本人同外國人都黎咗京都賞櫻, 連車站附近都整咗個臨時information centre, 仲有english speaking 添~

京都的巴士網造得好好, 而且車費不貴, 500yen one day pass, 真係好抵~ 我哋第一站就係出名的金閣寺!金閣寺可以話寺如其名, 金光閃閃的, 坐落於湖中央, 當陽光照射下去時, 倒影和寺本身都閃閃發光, 十分華麗~ 媽咪仲講咗火燒金閣寺的故仔俾我聽添~ 之後我哋就順住條路繼續參觀龍安寺和天持寺, 龍安寺最出名便是入面的石園~ 小小一個四方形的地方, 放了15塊大小不一的石頭, 因為擺放位置的技巧, 所以每人在不同的地方看這十五塊石頭也會有不同的感覺~ 日本人覺得咁樣係充滿哲學的意味wor~ 不過我覺得用”哲學”黎形容佢,倒不如用玄學或者禪學形容佢來得貼切la! 龍安寺後, 便去了有很多櫻花的的天持寺~ 之前在新宿看的櫻花和這裡看的很不同, 我們在新宿御苑看櫻花, 可能因為很多一家大小一齊去, 所以這裡的櫻花給我一種很熱鬧的感覺~ 但是在京都, 雖然一樣是旅遊區, 一樣有很多遊客參觀, 但可能因為和寺院一起的關係, 給人一種祥和安靜的感覺~ 看著這裡的櫻花, 令人覺得心境平和, 很想靜靜地欣賞美景~

參觀完金閣寺一帶的寺院後, 吃了京都出名的和菓子, 便繼續出發去清水寺參觀la~ 開頭諗住早d去先拍有陽光的清水寺, 再等到6點後參觀夜櫻, 但想不到由天持寺去清水寺的路途很遠, 差不多一個鐘先去到~ 去到已經5點半有多, 只好急急腳跑上去清水寺, 途中見到很多商店都唔理佢哋la~ 好彩上到去, 仲可以拍到夕陽下的清水寺, 而且剛好清水寺的庭院仲可以放人入去, 我哋當然快手快腳影吓相la~ 清水寺的櫻花並不是很高很大, 但係唔知點解, 一襯咗落去清水寺的建築物度, 就顯得特別漂亮~ ^^

之後行咗一陣商店, 買咗d手信後, 就開始參觀夜櫻la~ 未講夜櫻前, 先講一個笑話~ ^^ 我一早就同老豆講話會參觀夜櫻, 佢就會, 好呀~ 咁特別, 都未睇過ar~ 諗唔到, 佢以為參觀夜櫻係參觀”夜鷹” wor~ 哈哈! 真係咁都得~

夜晚的櫻花, 在燈光照射下, 和早上的感覺很不同, 多了一種神秘與浪漫的感覺, 更加迷人~ 早上的櫻花便像性格活潑可愛的少女, 而夜上的櫻花便像帶點憂鬱及神秘感的少女, 兩者一樣吸引, 不過只是感覺不同罷了! 欣賞完夜櫻後, 天寒地凍咁, 食返個京都出名的豆腐鍋, 的確好正~

之後我們繼續二年坂, 三年坂, 八阪神社, 圓山公園及祗園的道路~ 想不到沿途也有很多小吃很攤位遊戲, 像carnival一樣熱鬧, 圓山公園尤其熱鬧, 還有些青年像表演唱歌, 看著公園內的大櫻花樹, 一邊玩玩攤位, 吃吃小吃, 真的很有祭典的感覺~ ^^

p.s. 原來京都都好涼ga, 記得要著多件衫, 唔係睇夜櫻凍到你死死吓~

日本day6

朝早起身, 發覺個天都係陰陰地, 仲好似有d雨落添~ 不過一樣冇阻出去玩的興志~ ^^ 雖然間酒店平平哋, 但係d早餐都唔錯, 竟然可以有墨魚素麵同三文魚籽食ga~ 函館出名海鮮真係唔同d 呀~

本黎諗住唔好食咁飽去朝市食嘢ga, 點知食得太飽, 去到朝市淨係得個行字~~ 朝市有d似東京的築地魚市場, 一樣有好多魚鮮賣, 不過哩度就特別多海膽同墨魚~ 我哋食咗隻原隻海膽, 嗯~ 真係好鮮味, 好甘甜~~~ ^^ 之後行咗去買元貝, 發現室內市場的阿伯賣得比較抵d, 不過算la~ 都買咗出面ga la! 雖然有d咳咳哋, 但係函館的牛乳雪糕同墨魚雪糕點都要試吓ga, 真係唔錯! 好有奶味! 正ar!

行朝市時, 發現日本人真係好大方, 試食時就算係三文魚籽哩d貴嘢, 都會十幾粒十幾粒咁俾人試食~ 哈哈~ 真係厲害~

函館同我之去過的Melbourne有d似, 都係用電車貫通全市, 買咗張電車day pass後, 就去第二個旅遊點出發la~ 函館因為近海, 以前是貿易的重鎮, 所以從前有好多外國人在這裡居住, 咁當然哩度會多外國領事館la~ 首先我哋去咗函館舊公會, 哩種建築物好有歐洲的風味, 入面仲有一個大ball room~ 入到去, 諗唔到仲有得借18世紀的宮廷衫黎玩~ 咁大個女都未著過, 當然要試吓la! ^^

影相影到差唔多樂而忘返, 唯有好趕好趕咁去英國領事館參觀la~ 哩個冇咩嘢睇, 睇咗一陣後, 就行去出名的八番土反度影相~ 我望咗好耐, 都覺得冇咩特別, 反而我覺得之前見的基土反仲靚~ >v< 完成上午行程後, 北海度之旅就完成lu~ 我哋去關西出發~

夜晚黎到大阪已經成7點la, 不過好彩間酒度好近難波站, 唔係係咁拎咗咁多行李都幾慘~ 大阪雖然冇北海度咁冷, 但都比我想像中凍wor, 換咗d衫後, 就去道頓堀出發搵嘢食la~ 道頓堀,千日前一帶好似新宿一樣咁旺, 就好似旺角的加大版咁la~ 我好鐘意食燒墨魚丸ga, 諗住大阪應該出名la, 係間叫赤鬼食完後, 都唔係太好味啫, 都係香港旺角嗰間好食d ~ ^^ (或者係哩間麻麻only) 之後係今井的美味烏冬後, 就諗住行吓街la! 點知去玩夾公仔激嬲咗媽咪, 唉~ 佢又走咗去~~~ 最後搞到淨係得返我同老豆行街~ 不過其實夾公仔真係幾有賭癮, 真係好容易沈迷咗落去ga, 再加上自己技術又差, 真係玩少少好la~

夜晚的燒餅宵夜幾好食, 唔錯唔錯~

日本day5

朝早一起身又去浸返個溫泉, 以為晨早流流去浸溫泉好怪la~ 原來日本人都好鐘意ga wor~ d人比尋日仲多 ^^ (不過老豆懶惰要訓教, 仲想叫佢去浸問吓朝早浸露天溫泉正唔正添~) 殘念~ 浸完後返黎睇吓出面, 又落雪la~ 真係諗唔到4月都會落雪~~ 如果一邊浸溫泉一邊睇雪景, 就真係正哂la~

一直都覺得日本人的早餐文化好奇怪, 有咩理由早餐會食飯ga 呢? 唔滯ga 咩?不過入鄉隨俗ma~ 食完一個豐富早餐後, 我哋就開始今日ga行程la~

本黎諗住去忍者村ga, 不過怕唔夠時間, 最後決定去附近的bear 牧場同地獄谷就算la~~ 諗唔到旅店的經理好好人咁樣車咗我哋去熊牧場山下的纜車站撘車, 真係服務周到~ ^^ 熊牧場就起前幾年HK好興的”注意熊出現”, 上到山, 見到山上白茫茫一片, 睇真d, 諗唔到仲落埋雪添~

買咗一包熊餅乾後, 就即刻走上前去餵熊仔la~ 嘩! 原來d熊仔好得意ga~ 佢哋識請請或者揮手黎問人擺嘢食ga~ 哈哈~ 好cutie ar~ 有隻仲識得指住個口黎問人擺嘢食ga~ 本黎諗住買一包請佢哋食, 因為佢哋太得意la, 最後竟然買咗7包俾佢哋食~ 哈哈! 山上仲有鴨仔賽跑, 不過好似次次都冇人估中邊隻win wor~

去完牧場後, 就去溫泉的源頭地獄谷~ 嗰度煙霧迷漫, 仲好有臭蛋味(媽咪話係硫磺味wor), 其中有一個間歇泉仲有80度的水溫, 間唔中會卜卜卜咁噴d泉水出黎, 好厲害!

登別旅程完咗後, 我哋就繼續向南面出發, 目的地係函館~ 函館係道南的重鎮(以前la), 因為係海港的關係, 所以有好多外國人黎哩度, 有少少似香港或者上海咁la~ 開頭我以為函館係南邊d, 應該冇咁凍ga la! 點知可能因為近海的關係, 都係一樣咁凍, 而且仲好寒咁添, 有d似香港的濕凍, 同北海度其他的乾凍好唔同~

夜晚當然要去世界三大夜景之一的函館山觀賞la~ (香港, 函館and Naples) 雖然當夜的有d雨落, 但夜景都一樣咁靚~~ 函館的夜景同香港有d唔同, 雖然一樣咁閃爍, 但香港比較多高樓大廈, 夜景比較立體~ 但相反函館的夜景比較平面, 有d係一粒粒寶石咁樣~ 夜晚的山上風很大, 仲好鬼凍添, 不過見住咁靚的夜景都係值得ga~

p.s. 函館山上的鮮奶同yogurt 都好正, 好有奶味同好鮮, 記得要試吓ar!

日本day4

諗咗一晚聽日去邊好, 最後都係決定去白之戀人朱古力factory~ 可能因為鐘意睇Charles and chocolate factory 的關係, 好想去行吓朱古力工廠睇吓究竟係點ga 呢? 白之戀人朱古力的石屋出品的朱古力, 咁點解佢哋白之戀人呢? 原來都好想詩意ga wor~ 話說係因為創辦人係冬天時見住落雪, 偶然興起的一句說話~ 大約係”白色的戀人從天上緩緩降下” , 所以就用哩句說話來命名朱古力la~ ^^ 係咪好有詩意呢?

白之戀人朱古力工廠一d都唔難去, 只要係札幌站bus terminal 撘5號站的所有巴士都可以去到~~~ 去到亦都唔難搵, 行5min就到la! ^^ 間工廠好有歐洲風格, museum 入面放滿製造朱古力的發明及過程, 仲show 埋工廠入面的工作程序, 見住一塊一塊白之戀人朱古力, 真係口水都流埋ar~ ^^ 石屋最底層有一個食cake buffet的地方, 任食任飲90min, 都係1500 yen 咋, 真係十個抵ar! 入面可以任食cake, pie, ice-cream, 生菓, 最抵係任飲紅茶, coffee 及juice, 真係好正~ 之前係hk 的taffin lounge 要成陪價錢仲要唔包嘢飲添ar~

買咗一袋二袋白之戀人朱古力後(有盒30th 周年紀念版仲有隻黑貓仔送添~~ ^^) 就返去札幌la~ 開頭諗住食lunch ga, 但食完cake buffet 已經好好好飽, 本黎想去食蒙古羊都食唔到添, 只好聽日去la~ 之後行咗一陣商場, 唉! 因為太趕的關係, 俾媽咪佢哋罵添~ >v< 我都係唔小心將平時去旅行的模式放咗係今日用啫~ 雖然係趕d, 跑咗九條街咁~ 但我都話一定趕到ga la~ (老豆淨我100蚊la~)

登別係溫泉區, 去得哩度當然要住溫泉旅館先得la~ 聽人講話清水屋的嘢食好正, 住得高價旅店, 當然點都要選一間正嘢la~ 一去到清水屋就有熱情的款式, 又有人拎行李, 又有人講解旅店的情況俾我哋聽, 真係服務周到~ 之後我哋book 咗7點鐘食dinner, 見仲有成一個鐘多d, 當然去浸吓溫泉先la~ 清水屋有2個室內溫泉, 一個室外溫泉, 每晚9點就會男女互轉~ 去到岩岩好係女仔室外, 當然點都要試吓la! 雖然個溫泉唔係好大, 但係個感覺好地道, 好正宗~ 浸完溫泉再去食嘢真係人生一大享受~

夜晚的dinner真係好正, 又有人server, d嘢又好味, 唯一可惜係我唔食蟹(蟹都有三味唔同煮法, 真係十個掂ar!) , 但係其他嘢都好好味! 材料好新鮮, 每樣食物都做得好精緻, 細細份咁, 真係唔捨得食添呀~~

食飽飽後, 休息咗一個鐘又去浸過溫泉la~ 人生, 哩d先叫享受ma!