為菲律賓被挾持本港康泰旅行團死難者默哀, 仍生環的祈禱~

自從911事件後, 都好耐冇睇過一宗咁令人咁沉重同傷心的新聞

本黎開開心心的旅行, 最後變成7死2重傷多人受傷的挾持人質事件, 真係聞者傷心!

由下午開始, 一直留意事態發展, 到晚飯時間, 竟然在新聞中看到逃走的司機說全車人質死亡的報導

當時真係連飯都食唔落!

之後再睇住嗰邊所謂的特警, 用咗45分鐘時間先入到部車度, 最後造成7死2重傷哩個慘劇

真係非常憤怒!!!!

“菲律賓總統府發言人里基表示，總統府不會與劫匪談判，這樣會助長劫匪的囂張氣焰。
http://news.sina.com.hk/cgi-bin/nw/show.cgi/12/1/1/1830000/1.html

究竟人命何價呢? 在我眼中, 人命無價, 點解菲律賓政府可以連談判都唔同劫匪談呢?

而家唔係叫你放恐佈份子, 只係一個要求復職的警察, 冇人話要一定俾佢復職, 但可唔可以有少少讓步令佢放返少少人質出黎先呢?

人命唔通唔係放在首位的嗎? 菲律賓政府的發言好有理性, 但若果沒有人性, 要理性何用呢?

只係為咗將來”有可能”發生的事件, 就完全冇將15條現正在水深火熱的人命放在眼內~

竟然仲有香港人係fb度支持菲律賓政府的做法, 我終於知道咩叫冷血!

中國政府絕 對要譴責菲律賓政府冷血的做法, 我覺得嗰7個人根本就俾佢哋害死!

希望上帝可以保持生者, 亦願死者安息!

好人 壞人 病人 有錢人 窮人

最近包致金嗰名真係好紅, 不過唔係佢出位, 而係佢個姪女出位!

問吓香港人, 究竟有幾多人知道入面女主角叫咩名? 我相信 大部份淨係知道佢係包致金姪女~

哩位姪女小姐3次襲警都唔駛坐牢, 第三次仲要係俾人拍到, 全香港市民見咗佢點樣怒摑警察一把

阮官話佢係好人同病人, 唔係壞人, 所以唔駛入獄, 仲反問香港人如果佢係窮人究竟會唔會覺得判得唔公平呢?

阮官雖然受過良好教育, 但係好似連基本邏輯都搞錯咗wor

而家香港人及警方質疑的並不是單單判刑的結果, 而係質疑判刑的理據而做成的結果

究竟好人同病人的定義點黎呢?

係咪只要係好人同病人去打警察就ok呢?

係眾多警察面前打警察就係唔正常人的表現? 唔正常的表現就等如病人?

咁點解之前d示威者就要坐牢呢? 因為佢哋係壞人? 佢哋係眾多警察面前用大聲公傷害警察耳朵點解又係正常呢?

正常人未必咁激烈示威ga wor~ 可能佢都有情緒病都未定ga wor~

精神科醫生的報告是姪女小姐單方面提供定係有政府第三者驗証呢?

係咪有錢有精神科醫生報告就等如一切?

識玩法律遊戲就可以橫行霸道?

當全香港人都有哩d質疑的時候, 係咪應該公開一d令大眾解開疑團呢?

你再講咁多嗰subjective的理由, 什麼好人, 壞人等等可以可以令人信服嗎?

究竟怎樣安撫民心覺得法律係香港仲係公平呢?

就算哩點唔係真, 呃吓大家都好呀!

小事兩件

一)

坐小巴, 等客滿, 咁就拎本書出黎諗住靜靜哋睇一陣

點知, 突然有個十幾歲的o靚仔上車, 拎住iphone, 大大聲係度放音樂!

public area 黎ga, 你想聽音樂, no problem, 麻煩你搵$10 買對earphone la

勁disturbing, 究竟佢知唔知咩叫專重別人ga 呢?

傾電話都算la, 就算你大大聲講電話, 我都接受到, 因為最少”講嘢” 一定要出聲浪, 哩點冇得避

但聽音樂, 只要帶對earphone 就so擾唔到人, 咁簡單都做唔到?

唉~

二

o靚妹咪好鐘意著熱褲, 可以show 吓美腿ma~

搭lift 落街, 見到有個17-8歲的o靚妹同阿媽落街(我相信一定係佢阿媽, 唔係媽媽生) ^^

嗰o靚妹著件小背心, 再著咗條超超超超熱褲

有一刻, 我係以為佢冇著褲ga~~~

突然諗一諗, 究竟人點解要著衫呢?

其實佢唔著褲, 可能著條under 出街仲sexy~ ^^

不過佢同得佢媽咪出街都咁著, 或者佢平時唔同媽咪出街可能真係更加sexy 都唔定~

nobody know, right?

++++++++++++++++

哩兩件事後, 我得出一個結論…….

………….

………

…….

…

.

就係, 青春, 已經離我好遠la~~~~~ >,< 鳴!

YEAH!!!!YEAH!!!! 勁開心~ 荷蘭~ gogogo!

反勝2:1, 真係勁happy, 勁high呀~

巴西冇可否認技術一流, 可惜唔知點解今日太躁底, 求勝心切, 反效果呀!

史尼達好波, 雲保美好彩, 米路好黑~~~ 哈哈!

由鐘意睇波開始, 就好鐘意荷蘭, 亦因為荷蘭的柏金, 鐘意咗arsenal~

可惜就係荷蘭咁多屆world cup, 一屆都未champ. 過~

唔知今年有冇機會呢?

加油呀~~~ support u forever~~~~

鬆一口氣

好彩2個學生今次考琴都合格~

yeah! 總算冇白費心機~ ^^

smapxsmap 大搜短劇

仲有唔夠1個月就做大搜3 la~ 期待中…….

哩個係大搜2時smapxsmap的短劇~ 一直未睇過中文字幕版, 終終搵到la~ ^^

中居的室井先生好似~~

shingo 的青島就好搞笑~~ 最好笑係佢最後見到oda 嗰一刻, 勁搞 笑!

smap fly pv (15min 完整版)

雖然是10年前的pv, 但今日睇返一樣咁型~~~

goro 係哩個入面好型wor~~~ ^^

goodbye~ my dearest 10th doctor

真係好唔捨得david tennent 做的doctor~

雖然s5 的11th doctor 已經做咗6集, 但今日我先睇埋david tennent 最後的”the end of time” 及它的confidential

好鐘意睇david 的演出, 他在情感的運用上真係好有一手, 好易牽動到大家的感情~

他最後的一句, “i don’t want to go!” 在confidential 中說原來拍了4個shot

見到他的emotion 是一層一層的推進上去, 真係好佩服他的演技~

在confidential 中, david tennet 同埋成個劇組都好唔捨得大家~

唉~ 如果可以繼續係哩個劇組你話幾好呢~~ >,<

不過各方都有自己的發展, 人係要move on ga la~

allons-y!

葵盛東村斬人案2死3傷

葵盛東村斬人案2死3傷 – Yahoo! 新聞

葵涌葵盛東村發生斬人案，懷疑患精神病的男子持刀在15分鐘內分別在兩座大廈斬傷5人， 其中2人送院搶救不治，而42歲的疑兇當場被捕，有精神病紀錄。警方調查其行兇動機。

++++++++++++++++++++++++++++++==

真係恐佈! 做咗哩行咁耐, 第一次發現哩行除咗係精神健康上屬於高危行業, 仲係真真正正在生命安全上高危行業!!!

聽同事講, 話哩位精神病男子只係因為調遷申請唔到, 就走咗落去斬人!

唉~ 咁斬人法, 真係有十條命都唔夠我哋D主任用la~~~ >,<

希望傷者可以早日好返~ 願主保佑他們~

亦希望兩位死者RIP

恭喜哂, 李師奶~

恭喜哂! 恭喜哂!

見到你咁幸福都好感動添~~~

全日的rundown都幾流暢, 係接新娘時overtime咗少少~ ^^

證明唔駛行教堂d時間係充裕好多ga~ 哈哈!

記得要做個精打細算的師奶la~~~ 唔好俾老公仔蝦呀~~~