澳門一家十幾口暴曬吃渴玩樂3日遊-day3

尋晚玩ga大電視真係high 到今朝都有少少聲沙~~

一早起身, 當然要先食返個早餐la!

今次輪到我哋小一輩用coupon 去威尼斯人food court 食嘢lu~

諗住有$300, 不如搵間餐廳坐吓, 點知原來9點的威尼斯人係除咗food court 外, 咩都未開ga

如果想冇咁多人影相, 就最好哩個時候黎la~ ^^

我哋好勁咁食咗$301, 只係要補$1啫, 哈~

早餐後, 我哋就拎張夏日fun coupon 上去打mini golf

學mimi話, 以為好簡單的運動, 見tiger wood 咁輕鬆, 玩wii 時好似好易咁, 但諗唔到用推桿打mini golf 都咁難ga~

每個洞最少要多3-4桿, 最呃嗰次都要多2桿~ >,<

不過又幾好玩, 但天氣太熱的關係, 我哋最後打咗9個洞就決定返房執嘢check out~

威尼斯人係幾大幾靚, 但員工d 效率就真係幾差吓!

我哋check in 用咗2個鐘, 諗唔到check out 都用咗45 min

仲要話我哋叫咗room service, 最離普係話我媽咪間房6點幾有人叫咗condom wor!!

簡直係笑話, 都唔知佢哋點樣做嘢ga, 又話對房no. 又話有簽名

咁都可以搞錯??

放低行李後, 我哋又去另一個景點出發~

我哋今次係去路環的瑪祖文化村

因為威尼斯人冇shuttle bus 去路環一帶, 我哋只好叫咗3部的士前往

諗唔到座媽祖文化村係起係山上面, 好似山頂咁要繞一段後長的山路先上到去

我哋個的士司機仲好似好唔想上去添~ (我哋當然冇理佢la)

上到去, 有d似去咗大嶼山的寶蓮寺, 不過好似冇咁大

但真係唔太明白點解會叫文化村? 明明係間寺黎咋ma!

間寺都叫幾靚, 未黎過的話當景點睇吓都唔錯~

不過可能打風加正午的關係, 真係熱到差唔多中暑

大家好辛苦咁行上去睇嗰媽祖像(好彩好近, 但5min的路程已經熱到死死吓)

影咗兩張相, 就落返去搭車la~

問咗工作人員後, 原來係有shuttle bus 每半小時一班上山ga, 即係如果搭的士黎可以係山下的油路等車

不過由威尼斯人上到去都係45蚊, 咁平, 就唔好煩直接上去都冇問題la~

之後我哋搭車去路環食lunch, 今次嗰間叫里斯本地帶

間餐廳幾精緻, 味道都唔錯, 比加米路d味濃d, 我自己就幾鐘意la~

個焗鴨飯幾好味, 其他嘢都唔錯, 係個沙律怪咗少少(不過鐘意生蒜頭味嗰d人話好味~)

食飽後當然要食甜品la, 黎得路環, 當然要去安德魯買葡撻食la

個葡撻幾香幾甜, 不過就好似唔太夠滑, 可能熱d會更好食~

望吓鐘, 都差唔多時間返威尼斯人拎行李去搭船la, 仲諗住可以買手信添

點知都冇咩時間買, 好彩尋日買咗少少啫~

3日行程就咁完結lu, 真係好似過得好充實好快咁~

希望下年又有機會再一家十幾口一齊去旅行la~ ^^

澳門一家十幾口暴曬吃渴玩樂3日遊-day2

今日係比較跟行程的一日, 雖然d時間又係較後咗2個鐘, 不過都叫去哂我想去的景點, 仲要一朝早去咗游水添~

威尼斯人有4個泳池, 不過全部都係合家歡戲水篇, 即係應該浸你唔死的泳池 ^^

我哋住係北翼, 落泳池再一次覺得威尼斯人真係好大, 仲要係太大!!

去咗成10-15min先去到個泳池, 即係來回都要半個鐘~ >v<

玩到9點幾, 大家就去食早餐la~

因為只得6個人可以食早餐, 所以我哋就分成2班人, 一班去食buffet (我哋6個小一輩的)

大人就拎d coupon 去food court 搵嘢食!

食飽飽後, 大家就浩浩蕩蕩去第一個景點, 星星公園出發lu~

開頭以為好遠要搭車, 點知原來west wing 一出, 向1住擧石場方向出發, 大約15min就到, 仲近過由我間房去泳池~ >v<

去過澳門咁多次, 都冇一次真正行過氹仔~

我哋在葡式住宅博物館一帶行吓, 嗰邊真係幾有歐洲feel, 而且好多人黎影結婚相, 係熱門地點

可惜博物館monday 係close ga, 我哋只好係外圍拍照留念~

唔知係咪打風的關係, 天氣真係好酷熱, 真係好有中暑feel, 大家記得帶水加防曬

最好加多把傘la~

下一站係官也街買手信加食嘢

去氹仔舊區途中, 我哋經過咗一間豆腐花店, 因為太熱的關係, 大家決定要食返碗涷豆花先ok~

哈! 諗唔到又幾好味, 老板仲要好好傾, 又請我哋食芝麻糊, 搞到我哋勁開心~

三姨仲話佢d芝麻糊勁正, 即刻叫多一碗食!

豆花店轉左見到我哋尋日食唔到的熊貓餐廳, 唯有下次再幫襯佢lu~

我哋係官也街食咗好多嘢, 莫義記同天娜的榴槤雪糕, 木槺布甸, 去車里哥夫試食加買嘢

又去咗一直都好想去的達榮食翅, 我覺得撈面最好食, 個湯底唔錯!

再去大利來食豬扒包同埋係雪利斯食葡撻

其實都唔係食咗好多嘢, 但大家都好似好飽咁, 證明如果要玩足掃街團要唔好食早餐出黎先ok~

食飽飽後, 我哋又再去另一個景點出黎

大利來出面有巴士28A直接去我哋下一個景點, 葡萄酒博物館同大賽車博物館, 非常方便, 大約見到金蓮花廣場就好落車

因為嗰兩間博物館就係對面的活動中心內

2間MUSEUM都係free of charge, 淨係試酒要$10

我覺得隻dessert red wine 唔錯, 所以買咗支返香港

賽車museum 幾得意, 仲可以玩賽車game, 好happy~

我哋仲係入面拍咗好多造型相, 哈哈! 咁鬼熱入去涼吓冷氣係唔錯的choice

夜晚去咗朋友介紹的加米路餐廳食, 係MGM 附近, 去嗰邊方向行就OK

餐廳有舊式葡國feel, 味道唔錯, 而且又唔太貴, 我好鐘意食個木糠布甸, 又香又滑, 正!

夜晚返威尼斯人又係好似尋晚咁搭shuttle bus, 真係好鐘意澳門哩個安排, 好方便! ^^

行咗成日, 真係好攰, 但都落咗casino 玩咗一陣角子老虎機, 不過當然係輸la~ ^^

見到有個西裝男人勁lucky, win 完一張到一張, 仲要勁多人見佢咁旺跟住佢買

哈哈! 正爆~

之後返咗房玩大電視, 笑到死, 真係叫到聲都沙埋~ 諗唔到唔出聲的大電視咁好玩, 我一定記得嗰嗰bb飲奶奶ga~

點做呀???>v<

尋晚訓唔著, 今晚可能太攰, 打 咗一陣機後未夠2點就勁攰, 一教訓到大天亮! ^^

澳門一家十幾口暴曬吃渴玩樂3日遊-day1

day 1	酒店check in
14:30-15:30	熊貓葡國餐廳	地址 : 氹仔施督憲正街4-8號地下 Panda Portuguese Restaurant 4 -8Rua Direita Carlos Eugenio R/C, Taipa 電話 : (853) 2882 7338
15:30-18:30	行威尼斯人酒店
19:00-10:30	MGM buffet	新口岸孫逸仙大馬路

(以上只係原定schedule, 係有更改ga~ )

由細細嗰開始, 每年暑假都會同媽咪嗰邊一家一齊去旅行!

之前停咗幾年, 上年的長隆之行搞得幾成功, 所以今年決定又再搞到一次一家十幾口3曰2夜之行

諗咗好耐, 又要平平哋, 又要就足咁多人可以去一齊去

最後都係決定要自由行先ok~

為咗就細表妹, 大家最後決定去澳門3日遊!

今次係住靚靚的威尼斯人加豪食之行!

我哋total 有13大1個bb女出發, 但因為有d人要遲去的關係, 第一批出發的約好1點係上環等~

經過咗哩個旅程後, 發現咗一個道理, 就係當咁多人一齊去旅行, 係一點唔會on 到time ga!

最後我哋搞到要搭2:30的船, 雖然架船幾快, 去到只係3:30

但已經唔on schedule la~~

一去到威尼斯人, 第一個印像就係好多人, 人山人海咁, 而且好grand 好金碧輝煌

但諗唔到佢哋d服務係好唔efficient ga~

只係check in 4間房, 竟然搞咗我哋2個鐘~

唉~ 只係想將4個房group 係同一floor 啫,個request 仲要係一早e-mail 咗俾佢, 但佢哋都話最少有2間房未執好

最後搞到成4點9先上到房 (不過間房又真係好大好靚, 如果自己有間係咁就正la!)

本黎諗住去熊貓餐廳食lunch, 最後都give up 咗, 只係去威尼斯人food count 食就算la~

橫掂有成$600 coupon 可以用~

威尼斯人個商場都幾大吓, 不過都冇咩心機行, 而且同香港shopping mall 賣d嘢都冇咩分別

但我幾鐘意佢天花的設計, 美麗的天空, 好有歐陸的特色~

食咗少少嘢, 行咗一陣威尼斯人,

記得5年前係las vegas 睇 zaia時睇中咗一件tee, 但一直飲恨買唔到, 諗住去睇吓有冇得買la

可能已經係5年前的事, 已經唔見咗嗰隻款lu
~ >,< ~ ( 真係好靚ga~~)

夜晚, 搭返free shuttle 出去碼頭再轉車去MGM食buffet,

澳門真係好方便, 連的士錢都慳返ar~

MGM 冇威尼斯人咁大咁GRAND, 但入面好精緻, 好舒服, 係一間好靚的HOTEL

我哋坐係出面食buffet, 個feel真係幾悠閒

雖然嘢食唔算多款, 但幾新鮮幾好味

d 生蠔拍得住澳洲的生蠔, 有少少海水味, 一d都唔腥, 正!

去casio 拎張會員卡仲有95折添, $268加一, 唔怪得d人話澳門食buffet 勁抵la~

夜晚咗一陣deal先訓, 唔知點解一鋪可以玩咗成個鐘! >v<

聽日一早去游水, 唔知起唔到身呢? ^^

day 1	酒店check in
14:30-15:30	熊貓葡國餐廳	地址 : 氹仔施督憲正街4-8號地下 Panda Portuguese Restaurant 4 -8Rua Direita Carlos Eugenio R/C, Taipa 電話 : (853) 2882 7338
15:30-18:30	行威尼斯人酒店
19:00-10:30	MGM buffet	新口岸孫逸仙大馬路
day 2	hotel breakfast

Protected: macau 行程-itnerary

上海世博勁攰之行-後記

其實都冇咩特別分享, 因為今次去世博可以算係我最冇計劃去旅行的一次~
連邊d展館有d咩嘢特別都冇詳細上網或搵書黎睇, 只係直覺鐘意邊個國家就去邊個國家~
可能因為覺得世博係上海咁近, 而且搞半年, 就算真係覺得有d好重要的地方miss 咗, 我相信都有機會再去一次掛~ ^^

我今次個package 係真旅網買, 連埋兩張門票4D3N搭上海航空住蒲東新區4星(我覺得冇4星掛, 不過間酒店都叫OK, 係舊咗少少)大約$3000, 平就唔係叫最平ga la, 但我自己覺得個價叫ok la~

入場是用團體票, 所以每日都有由gate 4 入, 一入就係最多人的歐洲區~

因為知道中國館會永久保留, 所以冇諗過入中國館, 亦冇買passport 蓋印仔!
講真, 其實排隊入館已經好辛苦, 入到展館仲要排多一次隊蓋印個feeling 都幾bad 吓~

好可惜冇入到蒲西的展館, 如果哩幾個月再有機會去多一次上海的話我會主打蒲西, 個案館同主題館等等都好似好有趣!

兩日裡面, 數數埋埋應該都去咗15-16個展館, 當然有d係hea 館, 但我哋真係行得好足, 由朝早10點行到夜晚11點幾, 所以真係幾辛苦~

排隊方面, 流動性大的展館好似西班牙, 意大利等, 秩序唔錯, 但好似德國瑞士哩d排排吓要等的展館, 就會有人打尖, 而且會排得非常辛苦~ 大家記得帶排隊3寶, 傘, 帽及風扇仔, 如果可以帶張chair 仔去la, 我估冇咁辛苦!

食嘢方面, 很多國家都有餐廳, 但幾貴吓, 但就少人d同坐得舒服d, 唔係就去普通快餐廳, 但就多人d lor~

場內交通方面, 交通工具好多種, 但所有都好逼~ 特別係shuttle bus, 真係有時逼到上唔到ga~ 大家一係有d耐性等, 一係行到去總站再搭返去另一面的總站會好d~

夜晚d人少好多, 是去平時排得長龍的展館的時間了~ 而且夜晚搭船少好多人, 當睇吓夜景都好~ ^^好靚ga~

上海世博勁攰之行-day4

書城->南京路->香港

今日終於可以唔駛逼人, 輕輕鬆鬆食早餐la~

遲起的鳥先有虫食呀~~~~ ^^

9:30 check out~

途經的東方明珠及環球大廈~

下次有機會要上一上最高的環球大廈先得~

之後去咗書城買書, 不過因為行得唔耐, 只係買咗幾本琴書同世博書~

then 就去南京路出發

同幾年前好似都冇咩分別, 一樣咁多人, 同香港的銅鑼灣都幾似~

午餐去咗南京東路的泰康湯包食小籠包, yeah! i love it~

個大大的湯包勁好食, 有飲管俾我可能更好~~

食飽飽後, 去咗邵萬生買醉酒鴨腎及鴨舌, 好好味呀~

後悔買得咁少, 應該買多d ma~

之後好悠閒咁食咗個dessert後 (勁抵, tea 半價), 再去機場lu~

其中的一些戰利品~~~ ^^

好充實的4天上海之旅~ 好似唔係好夠咁添~

如果有時間, 應該預3日去世博, 再加3日玩一玩上海近郊的地方, 我估應該都唔錯! ^^

上海世博勁攰之行-day3

上海世博一日遊part 2

諗住尋日排得雖然辛苦, 但都幾大成功, 去到咁多展館~

今日只係plan 咗一定要去3個展館, 德國館, 瑞士館, 日本館, 諗住可以hea 吓la~

點知…. 世事係冇咁完美ga~

一入到世博, 即刻跑去德國排隊, 同尋日一樣, 諗唔到一朝早排都咁多人

而且可能太多人, 但條隊太闊, d人勁逼, 又打尖, 好辛苦!

我覺得民警哥應該好似d救生員咁, 企高d, 之後見到d人打尖或者逼人, 就大聲警告佢!

不過德國係一個我幾鐘意的地方, 雖然排耐d都好值得入館~

而且德國館的展品好豐富, 可以行足成個鐘以上!

漢堡同不來梅係上次我去德國最鐘意的地方~

德國原來係有咁多品牌ga~~

除了工業科技外, 德國還有綠色的一面~

borther grimms的童話故事, 大家看過多少呢?

非常特別的動感之球表演, 很精彩, 不枉我們排了2個鐘才入到德國館!

諗唔到只係去咗一個館已用咗上午的時間, 又係時候叉叉電la!

土耳其烤肉, 不過都係尋日餐意大利嘢好食d~

德國, bye bye, 到另一個館, 瑞士館!

諗唔到瑞士館更多人!

咁細排咁耐, 真辛苦!

未入第二個館已經就快日落LA!

嘩! 真係好多人, 排咗差唔多3個鐘先入到黎AR!

瑞士先生, 靚仔嗎????

排咗咁耐, 都係為咗哩一刻!

很可愛的smart car!

唔可以上下午夾埋去得兩個館ga~ 比利時館出發!

美味的比利時朱古力

啊! 原來佢come from 比利時…..

好, 行咗歐洲區咁耐, 要去亞洲區出發la~

嘩! 咩咁夜日本館都咁多人ga~~~~

美麗的韓國館, 不過一樣咁多人….

最後我哋決定放棄蒲西, 排日本館, 排之前我又要叉叉電先!

聽聞要排六個鐘的沙地館~~ >,<

排日本館前又參觀了2個唔駛排的亞洲館

日本館夜晚冇咗表演睇, 不過算la, 入到去就ok la~

環保車及可愛的robot~

去完日本館後, 去蒲西的小輪仲未close, 即劇搭過去影夜景~

天文館

信息通信館

好想入的通用汽車館, 殘念~

船舶館

兩日的世博行程完畢了~ 好攰, 不過都幾值得去~

如果可以的話, 去3日最好, 咁可以冇咁趕, 而且可以有時間去一去蒲西的展館, 以及好想去的法國及韓國館~

p.s. 離開時唔駛路, 遇咗一個好好普通話的日本人帶路, 哈哈! 勁funny~

聽日可以晏少少起身嗎???

上海世博勁攰之行-day2

上海世博一日遊part 1

今朝一早就起身, 準備出發去世博~~

落到去酒店的cafeteria, 發現勁多人食早餐, 而且個個都好似識咁, 應該係from 同一間公司~

我估因為蒲東新區好近上海新的exhibition center, 所以當有展覽時就有好多公司係哩區住酒店la~

個早餐幾好食, 款式都幾多, 不過就係人太多, 唔係好夠位坐, 而且好多想食的東西都俾人一掃而空~ >,<

趕趕地咁食完個早餐就搭公車去一早預約去shuttle bus的酒店~

我哋係經真旅網訂package 加門票, 送埋free shuttle bus 去世博, 真係幾方便ga~

不過搭公車都唔係一件易事, 一出酒店就有車站係幾方便, 但人太多, 但巴士係單層巴士, 太細la~

見d人係咁逼上車, 真係仲勁過香港朝早的mtr~ >v<

好彩我哋坐嗰部冇咁逼咋~~

順順利利咁搭咗公車, 再搭shuttle bus, 終於10:00去到世博la~

我哋係17停車場, 已經見到好多旅遊車, 而且仲有人山人海的人群排入場加安檢~

秩序幾良好, 只係人幾多吓!

不過安檢都有好多門口, 分流做得幾好, 大約唔駛半個鐘就成功入到場la!

第一件事當然拎張map再睇吓去邊間館參觀la~

因為我哋冇咩做過research, 所以就隨心見到邊個館想入就入(當然前提要排隊la~)

我哋係no.4 入口, 近europe 區, 而且我哋都好有興趣europe 各國展館, 所以有部份時間就留在係哩區~

等我數吓去咗幾多個館先….

丹麥館, 英國館, 西班牙館, 意大利館, 瑞典館, 荷蘭館,非洲聯合館, 美國館, 捷克館, 中國館………. 唔知有冇數漏呢~

美人魚像, 這個是真的嗎? 聽聞海水也是denmark 運來的~~~

denmark是單車之國, 如果可以在館內踏單車就好lu~

外型特別的西班牙館~

雖然好多間展館都用咗電影感的影像效果, 但我覺得西班牙運用得最好~

最大賣點, 超級巨b~

做得好細緻ga~ 頭髮及紋理都好仔細~

所有展館最特別的設計-英國館

內裡乾坤

可愛的大大大合照~

荷蘭館

yeah! 上電視la~

藝術與科技

原來miffy come from neverland ga wor~

休息一下, 叉下電先~

好好味的pizza 同麻麻地的pasta

食完意大利嘢, 當然要去意大利館la~~~

名車, 靚鞋, 靚衫, 美酒, 音樂… 這就是享受的天堂~~

非洲館, 非常大但好似冇咩特別嘢睇, 好彩仲有d表演睇吓~

好特別的樂器, 不過太貴la~ 最後只係買咗對耳環

south america的展館好像沒有什麼特色~€

想不到南非的展館也沒有什麼特別…

下一站, 美國館

yeah! 我們設計的city

行吓行吓, 到夜晚la~

又行返去europe 區la~夜晚少咗好多人, 好多館都唔駛點排

捷克館

傲遊捷克的天空

今次到瑞典~

在瑞典的公園看書??? ^^

又到parade 時間~ 我哋由europe 區行到去中國展館…… 攰!

夜晚唔駛排隊入中國館, 不過得第一層…..

勁鐘意安徽, 恬靜,簡樸, 是我心目中最美的中國小鎮

香港及澳門館, 點解澳門要用rabbit 燈籠呢???

勁攰下仲行返去歐洲區影夜景! 法國, 德國, 西班牙 etc…

完成day 1

搭地鐵返酒店訓教lu~ 聽日努力!

其他冇入但外型特別的展館……………..

上海世博勁攰之行-day1

香港->上海浦東->醉江南(dinner)->外灘

唔知係咪睇咗二十世紀少年的關係, 一直對世博好有興趣~^^

今屆世博仲咁岩係中國舉辦, 雖然早幾年已經去過上海一遊, 但身為中國人, 應該支持一下ga~

今次世博之行雖然好早就有idea, 但因為一直找不到partner, 所以遲遲未有行動~

個個朋友都話冇咩興趣去世博, 仲諗緊唔通要一個去時, 好彩細姑姐又有興趣去

大家就好快咁決定好5月尾去, 希望冇咁熱同少d人ma~

我哋今次個package 都ok抵, 4日3夜, 4星酒店包早餐 (蒲東新區) , 再加兩日世博day pass , total 都唔駛$3000

所以成個trip 加加埋埋都唔駛$4000, 幾超值!^^

我哋搭中午的上海航空, 諗唔到原來d人話上海飛機成日delay 係岩ga, 雖然唔係太耐, 但最後都delay咗半個鐘先出發~

我哋仲好趕咁連個burger king都未食完就飛奔過去ga ma~ >v<

同機有好多香港大學生, 應該係U搞世博trip, 勁正, 一班同學去玩最happy~

薄東機場睇落幾似香港機場, 或者新機場個個都差唔多樣, 我記得malaysia的機場又係好似香港機場ga~

白色的主色, 加上大量玻璃, 俾人一種好舒服同光亮的感覺~

因為細姑姐有外家親戚在上海的關係, 好好彩可以有人接我哋出機場~ lucky~

check in 酒店後, 我哋就去食dinner la~

蒲東新區唔太近市區, 不過我哋主打世博, 而且上海有地鐵, 打的又幾平吓, 所以住邊區我覺得分別唔大~

間酒店唔錯, 大堂舊少少, 但房間幾好, 個package 唔錯ar~ ^^

dinner 去咗蒲東的醉江南食, 入面環境幾好, 可惜幾靚的餐廳都有人食煙, 對比禁開煙的香港, 真係幾唔掂!

對我哋哩點唔食煙的人真係好唔公平!

餐聽的食物唔錯, 不過我哋4個人叫咗成7樣嘢, 真係好飽~~

我數吓有咩先, 口水雞, 生煎包, 南瓜餅, 荷葉飯, 元蹄, 蓮藕糯米, 炒雜菌

我最鐘意食蓮藕糯米, 少少糖, 又有d桂花味, 加埋糯米, 清清哋, 甜甜哋, 又有d咬口, 正!

食飽飽後, 當然要行吓散吓步la~

叫司機車我哋去蒲西的外灘行吓~

同幾年前比, 好似又靚咗, 對岸的燈光又熣燦咗wor~

不過夜晚的上海幾涼, 而且近海又大風,記得帶件外套去~~

同香港的夜景相比, 可能有情意結, 我都係鐘意香港多d, 不過外灘都好靚~

不過諗唔到, 11:30 d燈就會熄ga la wor~ 所以唔好太遲黎呀! 唔係俾都冇得睇ga la~

行多一陣, 本黎諗住搵地鐵, 但見咁夜, 可能去到都冇得搭, 最後決定搭的士返酒店~~

司機叫我哋要坐車頂有”大眾”的taxi, 話係大公司, 會老實d wor~

最後坐咗40rmb, 其實真係幾抵坐ga la~ ^^

聽日向世博出發!

伯斯七天之行-day7

perth->KL->hk

玩咗咁多日, 終於係時間返香港lu~

今日, 唔係, 應該係今朝, 搭6:35機, 即係要5:00左右到機場la~

尋晚收拾哂行李後都成1點幾, 最後我決定唔訓, 上吓網睇吓戲就算~

不過bella 睇睇吓陣亡咗, 我哩d夜鬼當然冇咩問題, 可以再繼續la~

好多謝perth 屋主 simon 係4點幾都願意車我哋去airport~ 真係好感激佢~

阻住佢訓教真係唔好意思la~~~~ ^^

機場的mocha 好好飲, 原來mocha 加ice-cream 咁好味ga!

不過整得勁慢!

係機上冇咩嘢好做, 訓咗一陣後又醒咗, 個位太窄唔想訓, 就睇埋尋日套戲la~

無聊一拍, 你睇毛毛咬到我瘀哂呀~ ^^ 不過佢又真係幾得意ga~~~

去到KL轉機, 風和日麗, 可惜得返3個鐘, 決定食個lunch, 休息吓後, 早d check in入去shopping 一下~~

食咗一個幾好食的雞飯同一碗勁辣的lasha~ 真係好辣!!!

入到去有咁大間魷魚房揀魷魚, 好開心呀~~~

可以買d返香港做手信la~~~

KL d天氣就係咁, 幾年前黎過都知~ 每日都一定有d時間落吓大雨先安樂!

因為大雨的關係, 部機delay咗半個鐘, 我哋最慘係要企係出面等上機ma~ 哩個安排真係好怪! 我明白佢係怕太大雨驚我哋行出去濕身~

但佢都可以問吓有冇人濕身冇所謂, 但想快d上機坐吓ga ma~

企係度成半個鐘好攰ga~~~~ >,<

不過最後都好平安咁返到香港lu~ 7天旅程就完畢! 聽日又要返工lu~~~