IPSC 開心玩槍槍

今次icey 同yan 同我去celebrate birthday, 去咗IPSC 玩射擊~

一直都唔知道咩嘢叫IPSC, 因為冇睇槍王ma~

哈! 又諗唔到原來好得意ga wor~ 而且幾考腦筋同手腳配合!

雖然睇落淨係拎住把槍黎射吓, 但可能玩足全日的關係, 而且又好緊張, 所以都幾攰吓!

玩到5點已經好似全身散散哋la~

有機會應該會再去玩吓, 但佢話要有10個人先有fun day 搞, 唔知有冇機會儲足10個人去玩呢?

geog re union

哩幾年黎, 好似都係第一次有大re-union, 平時都係我哋玩開咁班一齊出黎~

幾開心, 可惜都未齊人, 希望下次re u 可唔可以齊哂人呢?

學油畫

之前諗過有幾樣嘢想學, 壁球, 油畫 同埋古琴~

其實報讀唔難, 有好多門路, 但係要平要抵, 嗰應該都係得返康文署同工聯會, 要同好多人爭黎報la~ ^^

壁球學緊, 可惜下個course 報唔到, 又要再等多一個

古琴應該冇咩機會學到, 因為嗰個法往機構應該冇咩機會俾外來人報到

或者等第時有機會搵私人授教la~ (等我有錢先la)

今次終於到油畫la, 好好彩工聯會報得到, 因為岩岩開咗個新班!

學費都幾平, 但油畫原來都要幾多投資吓, 我都知顏料貴ga la, 原來比acyrlic 貴好多同多好多工具

會唔會去淘寶網買抵d呢?

書展2010

今年書展冇咩特別, 而且只係去咗半日, 但可能因為尋日去咗玩, 而且尋晚要prepare 主日學所以訓得幾個鐘

所以行咗幾個鐘已經攰到死死吓~

買咗7本書, 都係平時買開的作者的新書~

最特別係唔知點解今年要繞一個大圈先入到書展, 個圈係大到好似繞咗運動場一圈咁!!!

諗嗰d人係咪有病ga, 又唔算好多人, 行咁大個圈做咩呢???

昂坪大澳自遊行~

自從上次去完馬灣後, 好想去香港其他未去過的地方走走, 所以今次埋咗朋友去昂坪大澳一日遊

朝早約去昂坪360站等, 因為未食早餐, 所以大家決定去東薈城food court 先~

food court 幾多嘢食, 不過我覺得味道一般la~

食飽飽後, 就去搭360 la~

11點時仲見好少人, 一到12點就要排隊la~ 所以唔想排隊就要一早去la~

排咗差唔多一個鐘, 終於到我哋la~

我哋當然揀水晶車la~ 話哂都特別d ma~ ^^

單程$109, 雙程都好似係$15x, 不過諗住一陣去大澳, 所以單程就ok la~

部水晶360 幾得意, 畏高者就唔好試la~

我哋就好開心la~

諗唔到部360都搭幾耐吓, 開頭仲以為好短添~~

去到昂坪岩岩見到少林師父表演,但係太多人la~ 淨係睇到佢哋跳黎跳去>,<

之後就行昂坪市集, 賣的大多數係特式的香港或中國飾物, 但係如果中國人或者香港人的話就會覺得冇咩特別

d嘢其實幾靚, 不過旅遊區, 當然貴d la~

最後我哋買咗d飾物, 我買咗對handmade crystal耳環, 好靚ga~ ^^

去到3點左右, 我已經好肚餓 (因為佢哋食早餐時我冇食~~~ ), 所以決定落大澳走走

去到巴士站, 見到岩岩miss 咗班車, 要等到4點半先有? 唔係掛?????

好彩, 因為見到多人等, 佢哋開咗班特別車, yeah! ^^

抵讚~

大澳我都好多年冇黎lu

一個小小的魚村咁, 其實都幾有特色~

搵咗間山水豆腐花食, 益x, 見到有好多名人黎食過, 又真係唔錯wor~

豆腐花好滑, xo醬腸粉又好好味, 正呀!

食完嘢後, 繼續我哋的大澳之行~

蝦醬, 魚干等等點都會買d返屋企俾阿媽做手信, 原來大澳仲有d叫紫貝天葵, 好似利賓色的涼茶咁

但我又驚媽咪話煩唔鐘意, 所以最後都冇買到~~~~

途中有好多烤魷魚干賣, 我哋一直都冇買, 但行到最後, 見到嗰阿伯佢好手勢, 都忍唔住買住d試吓~

發現蝦干好鮮味好正, 魷魚就唔算好特別, 大家去到真係可以一試~

去完大澳, 搭巴士出返東涌

嘩! d山路勁彎, 我勸大家上車前要食定粒藥, 唔係就一上到車即刻訓, 唔係實中招!

出返東涌先6點幾, 我哋book 咗novetal 食buffet 7:00, 行咗一陣東薈城行就可以去食la~

食物都幾新鮮, 款式就唔係好多, 但以酒店質數, $198 加一都幾抵食~

黎得東涌可以一試, 但又唔需要得登黎食~

好開心的一日, 香港仲有幾多地方未去過呢?

$100

為咗$100, 我做咗哩生人未做過的事~

我係一個好鐘意磨爛蓆的人, 所以平時考試我係唔會早走ga, 就算一早做完, 都會對吓卷!

但今次, 為咗嗰$100, 我決定早走, 如果唔係就趕唔切la~~

哈哈~

導遊珍姐

哩期香港好hit的話題~

睇咗d報導後, 突然覺得珍姐都幾慘吓~ 好似做咗犧牲品咁!

當然, 佢態度好有問題, 但最大的問題絕對在於制度上~

一個小小的導遊, 何必講到好似十惡不赦的罪人呢?

打工仔都係搵食啫, 冇間咁ga公司, 冇一個咁ga回佣及差不多零底薪的制度, 又點會出咗一個導遊珍姐出黎呢?

應該新聞或報章要搵返嗰個珍姐出黎, 等佢講吓點解當日要對班客咁講

搵一個更清晣的真相觀眾睇ma~

2010 world cup-spain!

諗唔到話咁快世界盃就打玩lu~

有d唔開心荷蘭輸咗添~

不過西班牙的確打得好好, 而且佢打地波小組滲入的打法同arsenal 好似~

我自己都好鐘意睇哩種打法~

恭喜哂法比加斯~ ^^

今年咁happy, 8月新球季要打好d arsenal la~

馬灣勁曬之行

七一香港人鐘意去遊行, 諗唔到我哩d咁懶的人七一都出吓街, 遊行就免la~

咁耐都未去過馬灣, 所以決定入馬灣一遊!

雖然聽落馬灣好似好遠咁, 其實都幾方便~

荃灣西鐵站再轉愉景灣船就入到去, 船程只係15min左右, 都幾易去ga!

因為諗住同小表妹入去行, 所以冇一早入去, 約咗下午2:15在碼頭等~

明明前幾日仲落大雨, 但今日竟然陽光普照, 我估差唔多要俾酷熱天氣警告佢添la!

見到有好多人帶狗仔入馬灣行, 如果下次有機會, 我都想帶我隻bebe 去玩, 不過有d困難! >,<

睇我表妹幾叻, 駛自己拎傘ga~ 哈哈~

美味的大澳蝦米及蝦干

我哋去咗馬灣公園行, 那亞方舟其實都好想去, 但去到都3點半, 好似入得兩個鐘好唔扺咁!

馬灣公園收6點, 5點唔俾入場

公園面積不是太大, 不過大部份景點都在山上, 沿路有樓梯, 其實都幾易行, 而且山上的風景幾靚!

可惜可能有bb車的關係, 而且天氣太曬, 表妹行咗一陣就俾舅父帶住返屋企lu~

仲諗住帶佢去海灘玩添~

沿路都見到有bb 上山, 海灘都見到好多好細嗰的bb 玩水同玩沙~ (kawaii na~)^^

或者要等表妹再大d再帶佢去玩la~

夜晚舅父請哂所有人去食日本嘢, 又幾好味wor~

大家可以去試吓~

荃新天地的鳴門, 好鐘意佢個sobet~ 係新鮮生果上ga~ 正!

多謝江老闆!

跳踴大搜查線 movie 3

唔知仲有冇人記得哩套97年的日劇呢?

電影版(movie 2) 是日本最高收視之電影, 過了7年, 終於到第三集la~

期待今年暑假的跳踴大搜查線movie 3

yeah!

p.s. 發現自己還是喜歡以前的日劇, 而且對而家當紅的日本小生一d都唔感冒… 反而鐘意以前的… 木村, 織田, 福山….

死la~ 我係咪老la~~ >,<