聖誕睇咗三套戲, 分別是the golden compass, national treasure 2 及投名狀~ 三套戲中, the golden compass 我覺得略為平淡, national treasure 2唔錯, 拍得住上一集, 但冇上一集咁有新意, 而ben 亦冇上一集”嘩! 咁鬼醒!!!”的感覺(雖然都係好叻~) 而投名狀卻是最能感動我的~ 投名狀是改篇自清代有名的刺馬案, 究竟刺馬是政治陰謀或只是簡單的因兄弟失義而造成的江湖兄弟相殘呢? 3個演員的演技也很出色, 但我最鐘意的都係李連杰演的大哥, 他把大哥複雜的內心演得很對位~ 劉的二哥也不錯, 重情重義,可惜可能是劉華太官仔骨骨,演老粗一名始終唔係太入形入格~ 金的三弟亦把小弟對大哥及二哥的情與義演得很好, 可惜始終又係太靚仔,留咗鬚反而似賊多d, 但最後入咗城後成個王子咁, 真係一d都唔似賊~ ^^ 投名狀的背景是清末太平天國反清的亂世 在戰爭的世界, 並沒有對與錯, 有的只是生與死, 贏與輸~...
Continue Reading2007聖誕大餐~
自上年諗到homemade 聖誕大餐後, 今年又想再整多一次啦~ 咁當然要同上年個menu 有d 唔同, 變一變先得ga ma, 多d新意ma~ ^^ 大家睇一睇張餐單先~ 聖誕大餐menu 南瓜湯 芝士西蘭花 烤南瓜派 三文魚蜜瓜沙律 徳國聖誕包 免治火雞及牛肋骨 聖誕pudding+ice-cream 聖誕暖紅酒什/飲 係咪好豐富呢呢? 問我成唔成功? 咁當然no problem la~ 最可惜只係火雞變咗免治火雞, 鬼叫今年taste 冇咗火雞胸賣咩~ 又好食, 賣相又靚, 哈哈~ 證明我真係好有整嘢食天份ga~~ (其實好多都係我媽咪幫手ga)
Continue Readingthe golden compass
一個魔幻的國度, 一個每人都有一隻daemon 的世界, 一個北極熊會講嘢同飲wiskey 的地方~(grin) 哩套戲係改篇自有名的”黑暗原素三部曲”的第一部同名小說golden compass, 係一套和harry potter 及 the lord of ring 齊名的魔幻小說~ 其實本書的世界觀係好宏大同有趣, 可惜可能因為把書太長太detail, 改篇成電影後就比較失色, 而且每個角色的發展亦太過表面, 故事的推進亦太過流水~ 可能去睇一睇套書再睇套戲會好d la~
Continue Reading考車成功~
yeah! thanks GOD! (祈禱謝謝上帝先~) 雖然幾經錯折, 最終都可以成功考到個車牌返黎la~ 真係可喜可賀~ 証明我技術真係麻麻, 但好彩有”醒目”與”運氣”撘救~ 銀城線, 我愛死你啊~ 哈哈~ 而最後停係hksm門口的私家車, 好彩我唔記得你個車牌, 唔係今晚一定要咒一咒你先得~ 你咁泊車, 真係好易累死人ga~~
Continue Reading聽日考車
聽日仲有最後一堂學車, 希望都好似今日咁順順利利la~ 今日見到前面d考試車, 見住佢, 雖然而家一d都唔驚, 但諗住聽日就要易地而處, 都有少少擔心~ 見住前面部考試車又死火, 又流後, 都唔知聽日我又會唔會咁黑呢~ 神ar~ 救救我吧~
Continue ReadingChristmas buffet
我估今年香港人真係有錢咗,諗唔到只係月頭, 想訂19日的buffet 都full 哂, 仲要full 淨得返10同11兩日~ 最後只好食一個early christmas buffet~ 一如往日, 都係咁多嘢食~ 而且最好ga 係出面包咗餐做自己酒店的annual dinner, 所以冇咁迫人出去拎嘢食添~ 正! 今次christmas 多咗火雞, christmas pudding 等等有聖誕氣氛的食品~ 而且枱面的裝飾都好有聖誕feel~ ^^ 最後, 又係食到抱住個肚走人~ 好滿足ar~ 不過下次有d想轉轉口味, 聽講話香格里拉好正wor, 我都想試吓~
Continue Reading自修室reunion~
上一次去trevor 屋企係幾多年前呢? 我估最少有3幾年以上la~ 上一次去佢細佬好似仲讀緊中七, 但佢今年已經係保險巨人la~ 好開心咁多年都仲可以約返咁多人出黎, 雖然唔係成日約出黎, 但見返面大家都玩得好開心~ 多謝廚房男為我哋整的豐富大餐, 佢簡直係入得廚房, 出得廳堂~ 真係唔娶返屋企都唔得ar~ 哈哈! 今次多咗個抽禮物環節~ 個氣氛幾好~~ 最鐘意佢個賤精環節, 好搞笑~ 最後大家仲重溫以前的相片, 可惜我哋中七最後係自修室影d相已經唔知去咗邊la~ 哩d先最有紀念價值ma~~~
Continue Readingthe heartbreak kid
真係好搞笑~ 雖然有d位有d 3級, 但真係好瘋狂, 好爆笑~ 如果真係有一個咁ga老婆, 我估個個男人都會同ben stiller 一樣走為上著~ 結局唔錯, 唔老土, 很現實的愛情世界~ 雖然明知你是唯一的一個, 但既然覺得沒有結果, 18月的時間便已經擁有另一個一周年紀念的老婆~ 哈哈~ 但當你回轉時, 又是我和現任老婆分手的時候了~~~ 結婚, 真是要三思呀~~
Continue Reading婚宴
婚宴是一個很奇妙的地方~ 大部份互不相識的人們, 便因為2個人的關係, 使他們在同一個地方, 作出同一個目的~ 便是為2個人同一時間送上祝福~ 人與人之間的linkage, 在這刻顯得多麼親切, 多麼單純~ 沒有什麼利害關係, 也沒有你爾我詐~ 有的只是單純的喜悅與及為一對新人帶上的祝福~
Continue Reading