竊聽風雲

俾我想像中好睇, 不過亦都俾我想像中heavy 好多~

開頭以為係一套sale 型男的電影, 好似槍火咁樣~

原來唔係, 係一套sale人性的電影~

一個選擇, 一念天堂, 一念地獄~

幾情有可原的貪念, 都係貪念, 到最後, 推自己落地獄深淵的原來正正係自己~

有人話唔鐘意個結局, 覺得個個死哂會更好~但我絕對唔認同!

可能真係結局結得快咗一d,冇咩點交代到點樣搞掂個boss!

但如果大boss最後唔係有哩個收場的話, 我估我真係會訓唔著教!

蘭苑饎苑

去咗jolly thinker 食咗幾次dinner, 今次想換吓口味, 都係食完嘢先上jolly thinker 玩~

見到哩間嘢咁近jolly thinker, 而且記得之前tvbv有個節目介紹過, 所以決定試吓~~

一入去, 學阿yan 話, 真係幾有海天堂feel~^^

見到個menu有好幾款龜苓膠食, 見到最貴有幾百蚊以上的, 唔知係咪功效好d ga 呢?

可惜我唔食龜苓膠ga~ 所以無福消受lu~ 都係睇返小菜~

我哋最後叫咗雜菜煲, 牛仔骨同蒸肉餅, 3個都係套餐, 送老火湯, 菜及白飯或粉麵~

嗯~ 又真係幾好食, 冇咩味精, 幾有住家菜feel~

湯好清甜, 其他小菜好好味, 清清淡淡咁, 幾岩我胃口~

最後仲叫咗幾款糕點, 個芝麻糕好香, 十個正!

最後3個食到攬住個肚上jolly thinker 玩, 爭d連杯嘢飲都飲唔落呀!

抵食又好食的一餐!

HARRY POTTER 6

終於都明白d人冇睇過小說就去睇harry potter 電影的感受la~~ 簡直有少少一頭霧水!

因為個人主觀的關係, 睇到3份1第6集已經唔想再睇落去~

哩個其實都唔係作者的問題, 不過諗深一層, 其實又因為作者的關係wor~

佢做咩無端端要整兩段咁ga感情出黎呢?

唉~ 十個無奈~

Hermione 同ron 嗰段感情尤其難接受~ 天呀! 可能我太鐘意hermione的關係, 點解一個咁brillant的女仔, 會鐘意咗ron ga呢? 唔係話ron 好差, 只係太平凡,做friend 幾好, 做男朋友就….. ~ 要勇敢冇勇敢, 要聰明冇聰明, 要靚仔冇靚仔~ 哩d都算, 一心一意, 溫柔體貼又冇, 或者相反, 風趣幽默, 瀟瀟灑灑咁又唔係wor~ 以hermione的條件, 究竟佢鐘意ron 邊一點呢? 哩個真係一個謎黎~ 唔通太叻的女仔就想係想要一個平凡一d的老公? 唉! 我覺得hermione 絕對可以deserve better~

harry 同ginny 又係奇奇怪怪~ 明明前嗰幾集harry 都當ginny 係妹妹咁, 無啦啦到第6集就變咗~ 變都唔緊要, 最少都有少少轉折位俾我cc la~ ginny 係明暗戀harry ga la~ 唔該就唔好寫到佢咁水性楊花, 可唔可以叫佢做d嘢令harry 感動而改變咗harry 對佢的感覺, 咁樣會唔會冇咁突尤呀!

講返套戲, 簡直平淡過平淡~ 你話好差又唔係, 但係就冇咩高潮, 冇咩進展lor~

全集最大亮點的HBP在最後就輕輕帶過! 校長之死又不明不白!

最過份係嗰幾樣horocrux, 冇解釋, 冇進展, 特別係嗰隻介指, 唔再睇返書我都唔知係咩黎!!

聽講第七集分開兩集, 希望會好d la~

不過我都係好難接受嗰2段感情線……………. 唉!

好攰 part 2

行完書展已經攰ga la~ 呵呵~ 仲有下一場, 就係家強x阿paul的it’s rock & roll concert la~~ yeah!

差唔多企足全場, 嗌足全場~ 好high ar~

講返平時聽cd, 其實我鐘意家強d 歌的style, british pop rock 一d, soft 少少

ar paul 就太hard rock la~ 唔算太係my cup of tea~

但聽live, ar paul 真係好正, 好有現場感, 好有感染力同好激, 真係十個正!!!

勁happy~ 最後仲衝咗去場前~ 嘻嘻~

尾場真係唔同d~

不過真係好攰, 朝早返教會, 之後仲要行書展, 夜晚仲要企足成晚叫足成晚咁聽concert, 返到屋企真係攰到就快昏迷ar ~ 哈~~

多謝老鼠個fd 的photo, 有興趣去佢album 睇吓, 影得好靚ga~

http://www.fotop.net/ninedone/

好攰part 1

由中學定小學開始呢? 每年7月尾一定有一個活動, 哩個就係行書展la! ^^ (之前仲會去漫畫展添, 可惜哩幾年都冇時間去lu)

自從生生去咗日本讀書後, 哩幾年都係我同mimi 2個去書展lu~~

今年淨係得sunday 去到, 因為又要去church的關係, 最後只係去得幾個鐘~

最鐘意以前一早就去行書展, 行咗半朝後行到攰攰哋就去食嘢, 最開心就係去食buffet~~ 嘻嘻~ 之後又行多幾個鐘之後返屋企~真係好正ga! 可惜今年好趕, 最後仲要急急腳行埋hall 3 就走人, grand hall都冇行ar~~~>,<

今年買少咗d書, 淨係買咗深雪, 區樂文, jodi 新書 同埋一直好想買的sophie world (有六折仲要係硬皮先買ma)

不過唔知下年書展之前睇唔睇得哂呢? 上年d書我仲睇淨幾本呀? >v<

再生號

一個很吸引我的題材~

我係一幾postive 的人, 即係老土d講句, 我相信世上係有真美存在, 對光明面的事物特別覺得窩心~

生與死, 愛與思念的主題一直是很感動我心的題材~

再生號岩岩就係用哩幾點做main theme, 當然吸引我入場一看~

故事很豐富, 如果是小說的話, 我相信會更加好~

在段段85分鐘入面說一個有幾層層面的故事我覺得比較吃力~

不論是對導演或是觀眾黎講都係一樣!

所以有d地方我會覺得快咗一d, 如果節奏可以拖慢d, 俾多d時間觀察思考應該會更好~

so~ 如果係小說的話, 我會覺得更加合適~

睇咗一篇分析, 我覺得唔錯, 大家可以一看~

http://www.douban.com/review/2131271/

就好似筆者咁講, 初初3個層面的世界是韋sir和大家對奕兩局, 大家都總算有交流~

但到最後, 便是韋sir自己一個人沈醉在自己的故事入面, 也懶得和大家解釋了~ :p

太複雜的情節我覺得會影響我睇嗰套戲的感覺~

用腦思考的同時, 在情節情感上的投入感便相對少了很多, 會很影響對套戲的feel ga~~

but overall, 我都幾鐘意套戲, 如果佢長一d, 我覺得會更好~

烏鴉口ar~~~

自從上次話自己冇請過sick leave後, 就病咗咁耐~

真係慘!

仲要請咗幾日sick leave 添~~~

下次都係唔好再講d咁小氣ga說話la~~~

唉~ 胃一胃痛, 搞到我咩都冇得食~~

唔通真係當減肥?????

係減到的話都唔錯ar~

可惜又唔記得減咗好多呢~~~~

好攰呀!

今日同咗friend 去玩跳舞~

勁攰!

跳到氣都冇~

嗰一個鐘我估相等於我一個月的運動量la!

不過我都跳得幾差吓~

嘻嘻~ 都唔係好知我跳緊咩~

不過當做吓運動, 跳成點都係其次啫~

好! 下星期二再戰funky dance!

病咗~~~

差唔多全年冇放過一日病假, 終於都要放半日sick leave la~

又係勁胃痛, 唔知我真係作息時間太差, 搞到咁?

明明我身體都幾好ga, 但一胃痛係上黎真係幾辛苦wor~

我估我要反省一下自己先得~~

(哈哈~ 講住先la~ 一好返之後應該咩都唔記得ga la! )