UP

感動的電影有很多, 但一套由開場第一分鐘就開始感動我的電影卻不多, 但up卻可以做到哩點~~

一段細水長流的感情, 一個老年喪偶的老公公,一間被無數個balloon拉飛的房子, 一個兒時一直未能達成的夢想, 一處無人踏足的仙境, 一場最後的探險, 交織成這個感人的故事~~

最喜歡最後老公公看著老婆那本探險小冊, 老公公一直以為老婆心中的旅程便只是個仙境, 但原來在老婆心內, 和老公公一起生活便是最愉快的旅程~~ 她很高興老公公可以陪她走完這段人生路, 但她更希望自己的老公可以繼續展開自己的adventure~~

所以最後, 老公公放棄了那間他視為生命的小屋, 去完成自己對那男孩的承諾, 亦都完成自己少時間探險的心願~

一個老年人, 也可以再開展人生新的一頁, 你的旅程又怎樣呢?

生日飯

今年d生日飯我估應該都食得七七八八了~~

有食過日本嘢, 泰國嘢, 土耳其嘢, 打邊 爐等等~~

有時間等我post d相上黎先~~

咁多間, 我幾鐘意apm間泰國嘢, 價錢唔貴, 而且幾好食~

望吓間公司, 原來又係king parrot 哩個集團~

我已經食過佢ga 德國嘢, 泰國嘢, 俄羅斯嘢同埋土耳其嘢~

唔知仲有邊d未試過呢?^^

Public Enemies

首先講明, 我係johnny depp的fans, 以下之言全部都係我HC之言, 未必中肯, 勿介意ar~~~

講起johnny depp, 我記得有人問我點解會鐘意佢,係咪由pirates 開始嗎?

of course not. 要早好多~~

其實我第一套睇johnny depp的戲係猛鬼街, 不過我估冇咩人會記得(哈哈~ 包括我,我都係之後先知有佢做!)

正正式式第一套應該係from hell, 不過我睇哩套只係因為我有興趣jack the ripper的故事, 同佢冇太大關係~

而第一套令我真真正正喜歡上johnny depp係sleepy hollow~

好鐘意tim burton 的電影, 充滿奇幻與黑色幽默, werid & creepy , 好有味道~

tim burton的電影襯上johnny depp 更加係一絕~ (不過冇depp的big fish 都好正)

scissorhand, el wood, chocolate factory, sweeney todd, (nightmare before christmas 同corpse birde 算唔算呢?)

脆弱, 神經質, 敏感, 善良, 單純, 詭異等等, johnny depp 可以說把這些特質完全發揮至極致, 和tim burton的電影混合成一體~

講吓講吓, 越拉越遠, 差d唔記得咗public enemies 哩套戲添~

睇完戲後, 只有一句說話, “如果我係女主角,有個咁型的賊鐘意我, 我都會好似個女主角咁跟佢走~~~ ” 哈哈!

drillinger 傲慢輕狂, 深情重義, johnny depp 骨子裡那種亦正亦邪的氣質, 活脫脫便是john drillinger的影子~

雖然johnny 這幾年大多數演一些比較”怪雞”的角色, 但就如陶傑所說, 只有一些真正有本錢的actor, 才會放棄自己天生的漂亮外貌, 專挑一些不以樣子作selling point的電影~ 但johnny 天生麗質始終難自棄, 演回”正常人”後, 一樣咁型咁靚仔~~

johnny depp的”漂亮” 在於冷俊這一詞上, 輪廓深邃,雖然是美國人, 卻有歐洲人的感覺, 特別是雙眼,眼神憂鬱凌厲,桀骜不逊, 帶有一份浪子的氣質~  (其實johnny 佢演vampire 應該會好正, 聽講burton 開新戲dark shadow, 唔知我係咪可以願望成真呢?)

public enemies 雖然起先有點平淡, 但之後完完全全被出色的演員帶動全劇(其實bale 都做得好好, 不過johnny 太出色了, 講唔到你……) 最後結局的bye bye blackbird 同belle 那流淚的雙眼, 真是很感動~

現在很期待The Imaginarium of Doctor Parnassus, 又係奇幻的電影, 而且又是heath ledger的遺作, 最重要係亦都有johnny depp~~ yeah!

The Imaginarium of Doctor Parnassus後應該到alice in wonderland 啦~~~

歐錦棠之獨腳戲

我岩岩考完會考的表妹話: 睇完哩套drama後, 深深愛上了歐錦棠~~ ^^

我都覺得好正, 勁揀笑, 講男女的關係講到勁到位~~

一個人帶足全場, 差唔多120分鐘, 全冇冷場~

不如阿棠你都去開talk show la~

應該有得諗ga~~~

又大一歲

混混 噩噩又一年, 今年好似冇咩得著咁~

工作方面又冇咩進展

又做唔到自己鐘意的東西

又脫離唔到單身一族

更加冇咩人生目標咁~

講到好似一無是處咁添~

都係唔好咁灰

希望在明天ma~

同自己講句 “生日快樂”先…

中國音樂劇-蝶

瑰麗悅目, 奇幻奪目, 鉅資6千萬, 歷時十年的中國音樂—蝶, 黎香港作表演, 當然一定要捧場la~~

overall comment, 個舞真係好華麗, 好靚, 歌曲亦都十分悅耳~ 最喜歡”心臟”那一幕男女的合唱, 特別係女仔唱嗰part, 真係好好聽~~~歌詞都好正, 有好幾句都能夠打動我的心弦, 十分感動~~~

不過另一方面, 我就覺得劇情唔夠深刻, 有少少堆砌,而且人物發展得唔夠深入~~

好似那個小女孩, 其實她的作用是什麼呢?除咗最後睇到浪花之外, 她的出發就好似賣火柴的女孩咁, 好似同個故事唔多match~

另外, 英台的媽媽最後自爆身份, 究竟佢對老爹或者蝶人起咗什麼樣的作用呢?

而且, 最後的最後, 浪花話要犠牲自己黎成全山伯與英台, 不過故事的設定唔係話蝶人死去後就會到另一個更美好的新世界, 又可必要浪花發成灰燼黎幫助她們化蝶呢?

全套劇俾我的感覺就有少少似賣火柴的少女, 天鵝湖, 美人魚以及romeo&juliet 的混合體~

我估在劇本上, 中國要下多少少苦工才能夠使人看到劇中的靈魂了~~