很久不見

很多年沒見的小學同學聚會, 發現大家好像變了很多, 又好像沒有怎樣改變~

期待下一次的相聚~

surrogate

本黎冇諗過睇哩套ga~ 點知time traveller’s wife 竟然差不多full house,grand cinema 應該少d人去睇ga la, 都 賣淨第一二行, 最後決定費時辛苦自己, 都係轉過另一套睇la!

睇過好多套機械人vs人類的電影, 以為哩套都只係大同小可, 諗唔到又有少少新意wor~

今次冇任何人工智能的存在, 入面的機械人純粹只係單單人類的替身, 沒有任何感情在內~

有感情的是人類, 促成戲中事件的便是人類擁有的負面感情, 嫉妒, 憎恨, 貪婪…….

主角最後的決定究竟是對或是錯呢?

科技進步到某一階段是否需要停下來或是退後呢?

都係幾值得反思一下的課題~~

不過戲中有一點我覺得幾怪~

明明個個人都用替身, 真身就日日係屋企, 又唔做運動, 又唔郁,

究竟點解佢哋除咗個樣殘d外, 一d都唔肥,

反而嗰個用真身返工的電腦天才就肥到隻豬咁ga 呢? ^^

呵呵~

姊姊的守護者

還記得第一次接觸這本書-姊姊的守護者時的感覺~

我很少用這個字來形容事物, 但它給我的感覺卻是如此~

驚豔!

簡簡單單的幾個角色, 深深帶出何謂愛, 何謂牽絆~

每個角色也有血有淚, 他們痛苦, 他們掙扎, 只在於內心有放不下的人, 放不下情感~

電影突出了姐姐這個角色, 把她身邊的角色淡化了~

在電影上, 這是成功的, 因為它和小說帶出的主題不同!

電影帶出的主題是學懂”let it go”

所以結局便和小說有很大不同, 而只有這樣的結局才可以成功勾畫出導演想帶出的主題~

但在於我, 我就比較喜歡小說的結局~

很多人說anna在小說的結局很悲哀, 但我正正覺得這是最好的結局, 更加貼近書的題目-my sister’s keeper

anna 便像一個小天使, 她帶給身邊所有人不同的反思, 深深影響了每一個人~

雖然anna 最後不在了, 卻完美地留在每一個人的記憶中, 成為每人成長的一部份~

p.s. 我睇哩套戲時, 全場都聽到d audience 係度 “事c cert cert ” 咁, 唔知係冷氣太勁定係太感人呢~ :p

真係差唔多可以淹沒又一城ga la! 嘻嘻

小小小傑迷

哈哈~ 勁得意ar~

諗唔到可以咁教BB wor~ 嘻嘻~

embedded by Embedded Video
Download Video

王傑 i’m back 2009演唱會

首先yeah 返個先!!!

yeah!

等咗咁多年, 終於等到王傑係香港的演唱會la!

希望今次可以順順利利舉行la~

最好加開多幾場, 等我可以聽多幾場, 補償一下我空等咗咁多年的青春ma~>v<

計返起, 都鐘意咗王傑好多年~

佢把聲真係好好聽, 好打動人心~

有時係小巴上或者行街經過d鋪頭, 一聽到佢d歌, 就算只係一兩句,

精神都會為之一振, 然後就俾佢深深吸引著~

我相信有d嘢, 鐘意係一生一世ga~

就算時間流逝,熱情冷卻, 喜歡之心始終如一~

10月23日, 約定你la~~

長隆吃喝玩樂3天遊-day3

祈福新村->歡樂世界->祈福新村->香港

都話快樂的時間過得特別快, 咁快就要返香港la~

一早收拾好東西寄存係商店街間旅行社, 之後就去商店街其中一間山東嘢食早餐~
雖然間鋪門面普通d, 但可能我鐘意食餃子葱油餅豆漿之類的東西, 我又覺得幾好食wor~

住咗幾日的長隆, 都有D唔捨得添~

今日的行程為半日歡樂世界, 之後就搭3:00的巴士返香港~
為咗急取時間去玩, 最後我哋都由搭巴士, 轉咗叫車去歡樂世界~

可能長隆的selling point 都係水上樂園的關係, 就算今日係星期日, 都好似冇咩人入去歡樂世界玩咁~ 不過之後先知係錯覺黎, 我哋有d機動遊戲都排咗好耐隊~ >,<

大激流	READY GO!
好濕AR~~~~~~	好似好勁wor
排隊中…. 唔驚….	起程la~

尋 日去玩水上樂園時已經好想去玩嗰個垂直過山車, 可惜個個聽到我咁講都話要同我絕交>,< 即係冇人陪我玩la~ 冇人陪我玩的話我又驚wor, 最後只好退而求其次玩咗個超級大擺錘同十環過山車, 同埋好親子的4D電視, 飄流河, 激流船, 同埋其他小型機動遊戲~ 不過最可惜係睇唔到2:00先開show的danger island! 之前係universal studio 睇過waterworld覺得好正, 我估哩個應該都唔差~ 不過因為要趕3:00車走, 只好放棄lu~

十環過山車 (我同軒軒玩哩個)	佢哋玩哩個wor~~~ 呵呵!

下次再黎我一定要抽返一日時間黎哩度, 再玩齊咁多個機動遊戲同睇埋表演先ok~ 不過究竟有冇人會陪我玩嗰部垂直過山車呢? 哈哈~ 哩個應該係一個謎!

哩個有冇人會陪我玩呢????	下次我要睇哩個

最後食咗一個勁快的午餐, 就為哩個旅程畫上一個完美的句號, 由祈福乖乖哋坐返巴士返香港lu~~~

長隆吃喝玩樂3天遊-day2

祈福新村->長隆水上樂園->長隆大馬戲->祈福食街宵食

雖然張床好大, 但唔知係咪”生寶”床的關係, 唔係訓得咁好~
又係同尋日一樣, 未夠8點就俾人叫醒咗la~
不過我係最早起身的一個~~ 所以唔駛俾人偷拍訓教照~

尋晚行返渡假屋時條街真係幾黑吓,所以大家覺得有需要的話可以拎個電洞出街!
因為我哋相信等村巴仲慢過自己行出街, 所以最後就一行8人浩浩蕩蕩咁行去食街搵嘢食la~

仲以為祈福食街會有好多選擇添~ 點知原來朝早得返一兩間鋪開門~
最後去咗食粥粉! 幾咗d點心, 粥粉等等, 8個人食到抱進個肚都係$100左右, 係大陸食嘢真係好抵!

朝早的食街好似冇咩人咁wor~	食得勁急~~

我哋一早book咗一部9人車去水上樂園, 來回(夜晚由大馬戲返)要$110, 其實都幾貴吓~ 搭巴士去漢溪站都只係$2, 而且我哋見地鐵站E出口離長隆嗰幾個樂園都幾近吓~ 不過諗住可以8個一齊搭車, 而且夜晚睇完馬戲後又唔駛煩, 貴少少都算數la~

雖然已經過咗暑假, 但水上樂園都幾多人~ 入去時見到好一團團人咁, 仲勁驚入去要排好耐隊!
不 過好彩都叫黎得早, 我哋未夠12:00就玩完急馳競賽, 人造沙灘(睇咗一陣表演)同埋合家歡和大滑板滑道~ 每個最多都係排咗半個鐘左右, 我覺得以哩個時間黎講冇長隆酒店fast pass 都ok~ 之後就出返去尋日食唔到的四海一家食buffet lunch~ (不過都搞咗好耐, 開頭問d職員出咗水上樂園可唔可以再入返黎, 有d話得有d話唔得! 不過最後知道如果你係買套票-水上樂園加馬戲的話, 只要有票及手帶就可以出去再入返黎) 四海一家真係200個大, 我都未去一間咁大的餐廳食buffet~ 由我哋坐的地方行去大廳中心攞嘢食都要行幾分鐘,真係好大! d嘢食都唔錯, 係dessert 方面弱咗少少, 如果有幾d chesscake 同ice-cream 就更好la~

急馳競賽	合家歡滑道
超級造浪池
記住, 哩個係要有”130cm”以下的小朋友先可以玩ga~ 唔係就會俾人叫返去玩大喇叭ga la~ 呵呵~~

食到飽一飽後, 今次終於搭到免費車返地鐵站la~ 不過由地鐵行返去水上樂園條路都幾長, 大約10-15分鐘左右la~ 不過當飯後運動都唔錯~ ^^

間嘢大到有地圖wor~	一枱都係嘢食~ yeah!

我 哋繼續玩埋未玩的超级巨兽,碗超级大喇叭同埋垂直极限, 因為中間又去咗個超级造浪池度hei吓,又要趕睇夜晚嗰場馬戲, 所以有2個遊戲-嘖射滑道同埋離心滑道就玩唔到lu~ 殘念~ 只好下次再玩la~ 個人黎講, 我幾鐘意急馳競賽同埋大喇叭, 特別係大喇叭, 真係幾得意~ 如果大家有時間, 或者係長隆hotel fast pass, 我覺得可以再玩多一次~

巨獸腕	大喇叭
垂直极限 垂直极限

水上樂園對出(要過馬路再行前)有shuttle bus 去大馬戲, 不過會繞路經過hotel再去, 大家見過咗大馬戲唔駛驚, 會返翻去ga~~ >v<

漢溪地鐵->四海一家	四海一家->漢溪地鐵

大 馬戲7:30開場, 不過應該6:45就好去霸位la~ 我哋7點05左右先到, d靚位都俾人霸哂lu~ 最後我哋坐咗最左邊比較側的位置, 不過就坐得好前(頭幾行), 都唔錯~ 大馬戲我覺得絕對值得去睇! 特別係嗰個聖火魔輪, 睇到我捏一把冷汗! 真係好刺激!! 其他有好多表演視覺享受勁佳, 繽紛絢麗, 浪漫迷人, 係一場很出色的表演~ 唯一可惜就係冇冷氣的關係, 好熱! 不過咁大, 要做埋有冷氣, 就唔係哩個價la~

好似星星咁	空中飛人
bear fighting (成個人咁ar)	籠中電單車
聖火魔輪	謝幕

夜晚返去食街食宵夜, 去咗一間中山菜食~ 間嘢唔係唔好食, 只係勁漏單, 有d之前話有,之後又話冇, 搞到我哋食得咁唔開心, 我下次一定唔會黎哩間食!

哩個蕃薯餅幾好食	魚腐
陳村粉	下次估未必會再黎….

聽日去歡樂世界,又係要早d訓, 養足精神!

p.s. 所有長隆相片come from 長隆官網

長隆吃喝玩樂3天遊-day1

香港->祈福新村->四海一家(失敗咗)->餘蔭山房->祈福新村 藥膳坊

尋晚拾行李搞到勁夜, 今朝起身都覺得頭痛痛咁~~
其實只係搭9點15分車啫, 媽咪唔駛8點都未夠就叫醒人掛?
>,<
不過早d起身都好, 唔駛咁趕~ (我哩d人本來唔到最後一秒都唔起身ga ma!)

順順利利咁搭車經由深圳灣去到祈福新村, 大約3個鐘左右~
深圳灣真係非常方便, 一地兩檢, 第時去大陸我都要揀由深圳灣入先得~ ^^

祈福新村比我想像中大, 不過就冇碧桂園嗰邊咁靚, 出面d交通好似亂咗少少~
如果可以有返d規劃, 我覺得條村會做得更加好~(哎呀~ 工作病?)

我哋租咗祈福的一間4房渡假屋黎住, 大約2千幾呎, 3層高, 大約有3星級酒店的樣式la~ 當然住酒店會舒適d, 不過一家8個人住係同一間屋又真係方便d~ 夜晚打麻雀或者朝早叫人起身都易d ma~ 嘻嘻!

揀 好房後(我同mimi揀咗樓上有閣仔嗰間, mimi仲話好有外國住house的感覺~),我哋就出發去四海一家~我哋搭出面的10A到達漢溪長隆地鐵站, 聽人講話去四海一家係地鐵站附近有免費車搭, 仲以為好易搵添>V< 點知搵咗好耐都搵唔到, 最後老豆用佢一口”勁流利”的”煲東瓜” 去問人, 好在有一個好心的姐姐教我哋搭車~

不過去到後, 先知其實我哋應該去E出口搵免費車, 而唔係D出口的巴士站~ 好心姐姐教我哋搭ga免費車都去到(部車係去四海一家隔離的傢俱OUTLET), 不過就行遠咗少少lor~

一 心諗住可以去四海一家食返個超級buffet la~ 點知原來佢lunch 只做到2:30!! (同hk真係好唔同, hk真係任何時間都有嘢食ga) 我哋去到已經差唔多2:15, 最後只可以影返張相, 再拎張shuttlebus timetable, 睇吓聽日有冇時間黎到食la~~

大家雖然好失望, 但都要醫返個肚先~ 諗住是旦去附近的酒樓食la~ 點知惡夢就開始la~ 諗唔到原來大部份餐廳或者酒樓都收2:30, 行咗好耐, 諗唔到都搵唔到嘢食~
最後我哋仲橫過咗一條好似彌敦道咁多車的馬路, 去咗一間湘菜館子食~(我哋就驚驚青青咁過, 隔離個女人就抱住個仔好似落街行街咁…… 就係睇到我哋o哂嘴~~) >o<

記得唔好學佢ar~

間嘢本黎已經打烊, 不過見我哋入黎先開返燈同冷氣~ 湘菜wor, 我叫佢唔好加辣, 諗唔到煮出黎都幾好食wor~ 而且仲勁平, 5個人, 4餸一湯, 白飯任裝, 先係$88 咋wor~~~ 

蕃茄蛋湯	美味蒸鯇魚(可惜我唔食鯇魚ga)

唔辣的炒雞丁	清炒菜

豬肉蒸水蛋	就係哩間鋪la~ yummy yummy

飯 飽食醉後, 就去餘蔭山房出發! 我哋搭公車由塘東(原來唔經唔覺已經行到去塘東)到南村~ 我睇網上d遊記話搵到南村鎮就可以跟進d路牌搵到餘蔭山房, 以為好易la~ 點知去到南村後我一個路牌都見唔到~ 不過俗語有云”路在口邊”, 即係四圍都係路牌la~ 最後都好成功咁搵到目的地!(記得唔好係總站落車, 係南村-牌坊位落車就一直行到尾就到ga la)

好明顯係返咗大陸la~不過個路牌究道係邊呢?	終於係餘蔭山房附近搵到佢個路牌, 不過去到附近先見, 究竟有咩用呢??? >v<

餘 蔭山房係廣東四大名苑之一, 假石小橋流水, 又保養得幾好wor~ 而且仲有滑一滑雙皮奶食, yummy yummy~ 我覺得係值得一遊ga! 大約行咗個多小時左右, 就行返出去搭車返祈福接我哋餘下的成員~ (途中我哋仲買咗一個好甜的大西瓜, 只係$17咋, 之後8個人食咗2日都食唔哂, 勁抵!)

夜晚係村口接完人後, 就去食見到網上勁多人推介的藥膳坊! 嗰度d餸幾特別, 唔係平時酒店食的一般菜色, 而且味道唔錯, 仲幾抵食添~ 佢個芝麻糕好好食, 湯水都好清冇咩味精~ 不過佢9:30關門, 記得要早d去, 唔係你以為去食個宵夜咁就摸門釘la~

係咪好豐富呢?	好香的芝麻糕
鮮果牛仔粒(夏天食最岩)	美味的乳鴿
我食得一件就咩人食哂的牛仔骨	大陸d雞真係好食d~~~

夜晚打咗一陣牌, 12點幾就去訓la~
養足精神, 聽日去水上樂園出發~~~~

9:30就熄哂燈la~	叫到糊未呀???

廳中一角	自摸wor~~~ hohoho

長隆吃喝玩樂3天遊-序

序

算一算, 有幾多年冇全家人去旅行呢?
記得細個嗰陣, 差不多每年都會全家人(全家的意思係加埋媽咪嗰邊d家人)去大陸旅行~~
可惜我哋細哩輩大咗d後, 都少咗一齊去旅行lu~~

早排無線介紹長隆, 見到佢個水上樂園好似好正咁~
又勾起咗我條去旅行癮添~~
咁岩嘉嘉又話想同大家一齊去旅行,
所以就決定攪哩個長隆三天團la~~

不過諗唔到, 原來夾時間係咁難ga! >,<
最後, 我哋只有8個人夾到時間去~
雖然係冇以前十幾個一齊去旅行咁浩浩蕩蕩,
但總叫了咗我一齊去旅行的心願!

好, 唔講咁多, 長隆吃喝玩樂再加飲飽食醉三天團……….
出發~~~~~~~~

(請按”詳細內容”看遊記內文)

海雲臺

其實我唔算太鐘意睇災難片, 雖然災難片特技係好睇, 但每次見住d人在大災難面前好似樓蟻咁脆弱, 總係覺得有d於心不忍~~~

今次海雲台有優先場俾我睇,又見係韓國年度大片, 所以就去睇吓~

總括黎講, 個故仔都叫ok, 幾個主角都叫做到性格鮮明~
不過有d劇情又真係”行”咗少少, 或者韓國人buy 哩隻style 掛~
野蠻女友vs電車男
界乎於兄妹與情侶關係的男女(仲要加多個害死爸爸的關係在內)
因收購土地而關係破裂的叔姪
感情變淡的夫婦
係咪聽落都有d耳熟呢?

雖然係咁, 但有d位我都覺得好感動,
特別係最後那對夫婦送走自己女兒的一刻~
只要自己的子女平平安安, 就算自己要死又走得安安樂樂~~
父母對子女的愛真的很偉大~~
這一幕, 我也有點想哭的感覺!

不過有些地方又也怪怪的, 搞笑氣氛是有, 但卻沖淡了劇情~
如果可以在海嘯方面加多一些情節, 減少前半段的一些輕鬆的情節, 我相信套戲會更加好!