MUNCH

好友生日, 人越大就越懶, 諗唔到買咩嘢禮物,當然要食餐好d la~

munch 的裝修唔叫好豪華, 但就叫有氣質~

好鐘意佢d畫~

最開心係見到我最喜歡的畫家~ renoir的名畫~ ^^

食物方面, 份量比我想像中大~ 所以見咗4樣嘢後食到我哋2個勁飽~

個煎鵝肝配蘋果蓉好好味~ d stawsberry sauce 加埋落去岩岩好~

沙律好新鮮~ 都好好味!

但個意大利飯就硬咗少少, 鷄就唔錯, 配上南瓜的味道都好perfect~

肉眼扒方面, 其實個sauce 唔錯, 但件steak好似肥咗少少~

最開心係最後甜品心太軟會送上candle 加一份禮物~

份禮物係一對黑白色的咖啡杯~

幾靚吓ga~

我覺得哩間係生日可以一去的餐廳~ 不過我鐘意上次去佐敦嗰件~~~

christmas carol

christmas carol 同 charlie & chocolate factory 一直係我小時候最喜歡的外國小說~

仲記得第一次接觸christmas carol 係睇迪士尼版的圖畫故事書~

孤寒財主史高治由史高治叔叔做返, donald duck做佢nephew, micky mouse 做佢工人, minnie 做工人太太,

一大堆小micky 做工人的仔仔女女, 仲有可愛的tiny tim~

最搞笑係佢死鬼老友馬利由高飛扮演, 嘻嘻~

其他3隻spirit 唔好太記得, 好似past spirit係小木偶嗰隻蚱蜢…….

記得細細嗰睇個陣已經深深愛上哩個故仔, 印象好深刻~

讀中學時, 好似中一嗰陣, eng lit 堂本英文書就係christmas carol~

我開頭睇時已經覺得個故仔好熟, 原來charlies dickens哩本名著就係我小時候睇的迪士尼版故事~

哩本係我最有心機睇哂的第一本英文故事書!^^

好開心見到有christmas carol的電影版上映~ 仲要係3d 版添~

d雪做得好靚, 故事保持原汁原味, past spirit 嗰把火”fake”黎”fake”去好搞笑~

最後史高治真心悔改, 去搵佢nephew 食晚飯好touching~

佢見大家擺佢黎做笑柄, 怕佢nephew 可能已經對佢失望, 唔歡迎佢,

諗唔到大家見佢黎到好開心, 佢nephew 開心到即刻介紹俾大家識~~

that is family!

好有christmas feel的一套戲, 如果係聖誕節時睇會更加好~~

不過可惜聖誕太多戲上lu!

2012

唔好考究佢d情節究竟make 唔make sense的話, 都不失為一套娛樂性很豐富的A級大片!

主角一家真係死好命, 咁ga環境下, 人類就如螻蟻一般, 一樣可以無病無痛, 一d傷都冇咁最後大團圓結局~

很hollywood 式的一套電影, 雖然冇咩劇情, 但我幾buy 佢人性本善及捨己為人的main idea~

雖然係老土d, 但我都好希望humanity 真係可以如此美好, 如此無愧於心~

伯斯七天之行-day7

perth->KL->hk

玩咗咁多日, 終於係時間返香港lu~

今日, 唔係, 應該係今朝, 搭6:35機, 即係要5:00左右到機場la~

尋晚收拾哂行李後都成1點幾, 最後我決定唔訓, 上吓網睇吓戲就算~

不過bella 睇睇吓陣亡咗, 我哩d夜鬼當然冇咩問題, 可以再繼續la~

好多謝perth 屋主 simon 係4點幾都願意車我哋去airport~ 真係好感激佢~

阻住佢訓教真係唔好意思la~~~~ ^^

機場的mocha 好好飲, 原來mocha 加ice-cream 咁好味ga!

不過整得勁慢!

係機上冇咩嘢好做, 訓咗一陣後又醒咗, 個位太窄唔想訓, 就睇埋尋日套戲la~

無聊一拍, 你睇毛毛咬到我瘀哂呀~ ^^ 不過佢又真係幾得意ga~~~

去到KL轉機, 風和日麗, 可惜得返3個鐘, 決定食個lunch, 休息吓後, 早d check in入去shopping 一下~~

食咗一個幾好食的雞飯同一碗勁辣的lasha~ 真係好辣!!!

入到去有咁大間魷魚房揀魷魚, 好開心呀~~~

可以買d返香港做手信la~~~

KL d天氣就係咁, 幾年前黎過都知~ 每日都一定有d時間落吓大雨先安樂!

因為大雨的關係, 部機delay咗半個鐘, 我哋最慘係要企係出面等上機ma~ 哩個安排真係好怪! 我明白佢係怕太大雨驚我哋行出去濕身~

但佢都可以問吓有冇人濕身冇所謂, 但想快d上機坐吓ga ma~

企係度成半個鐘好攰ga~~~~ >,<

不過最後都好平安咁返到香港lu~ 7天旅程就完畢! 聽日又要返工lu~~~

伯斯七天之行-day6

margaret river->perth(king park)

一大清早的margaret river 真係好凍! 就算係11月的夏天, 我估大家落margaret 都最好帶返件長袖衫係朝早著一著~~~

7點幾就俾d雀仔聲嘈醒咗, 決定出去拎張map 黎plan 吓今日的行程~~ ^^

chocolate factory 以及幾間wineries, 之後就食返個lunch, 咁就perfect la~

8:30 有home-made 早餐食~ 終於可以見哂今日的住客~ 計埋我哋,應該有4-5組人~

坐係我哋旁邊的係一家3口, 由英國manchester 黎ga~ 同佢寒暄咗幾句, 講吓一陣行程同arsenal~ ^^ 繼續享用我豐富的早餐~

其實早餐都不外乎係蛋, bacon 同埋toast~ (不過我又真係好鐘意哩d breakfast ga wor~ 如果香港有d餐廳24小時都賣早餐就正la) ^^ 但margaret river guest river 個chef又真係幾掂~ 白汁mushroom  bacon 焗蛋, 好香好好味~真係想拎個recipe 返hk 整黎食! ^^

享用完美味的早餐, 我哋就去第一站, margaret river chocolate factory 出發~

d 朱古力好好味, 不過被日本白之戀人chocolate factory 遜色的地方係冇得入去參觀工廠, 只有一個小窗觀看幾個工人整chocolate 的工序~ 但另一個特點就係有得無限試食dark, milk 及white chocolate~ ^^ 唔知係咪澳洲d牛奶靚d, 我覺得d chocolate又真係特別香滑可口 ga wor~ 買咗一大袋手信後, 再繼續我哋酒莊之行la~

 maragert river 係WA一處好出名的釀酒好地方, 天氣同法國的Bordeaux相近, 所以令到釀出黎的酒特別甜美~ 我哋第一站去的酒莊叫 cullen winery, 係一家”家族”酒莊, 所以shareholders 都係cullen 家族的成員~

其實我對wine的認識唔深, 不過好彩第一份工做過有關red wine的工作, 所以都略懂一些wine的名稱~ ^^ (最少叫得出邊隻打邊隻, 知道邊d係red wine, 邊d係white wine lor~ ) 我哋識咗幾隻酒, 都幾好飲吓~ 比香港的酸d 同果味重d~ (我就幾鐘意la!) 最後bella 買咗支紅酒~

下一站係margaret river 最早的winery, vasse felix!

最特別的地方係佢cellar 係喺underground 的, 俾人一種好古舊的感覺~ 係入面試酒真係一流!

入面仲有一個小型的gallery, 有art pieces 展出俾人參觀~  相信莊主係一個好鐘意藝術的人! 如果我有一個酒莊, 有一個art gallery, 嘩! 哩個人生真係冇得頂ar~

可能因為係女仔的關係, 我最鐘意vasse felix 的酒就係佢隻dessert wine~ 可能大家覺得我唔識貨, 但真係好好飲呀~~ (有d後悔應該買多一支返黎!)

哩個牌係咪話要用鴨鴨的速度行駛呢? ^^

下一站係比較小一點的酒莊 juniper estate, 入cellar的地方好可愛, 有好多wildflower 包圍著, 好warm, 好friendly~ ^^ 個bar tender都好好人, 不段介紹酒俾我哋試, 最後我買咗支Reisling~ 好好飲的white wine!

雖然仲有d飽, 但我都決定要去leeuwin estate 食返一個lunch~

聽人講話leeuwin 食lunch 好好食, 格調好, 食物精緻美味~

bella話太飽唔想食, 我發現我消化系統十分好, 雖然今朝個breakfast 咁大份, 但我一樣係食到lunch ga~~~ ^^

最後我哋叫咗生蠔, grill fish 同埋一個chocolate fountain 拼 cherry ice-cream~

真係好美味, 我最欣賞個dessert, bella就話d包好好味! ^^

係一個風光明媚的中午, 嘆返一個美味的lunch, 悠悠閒閒咁, 又冇咩壓力, 真係好正!

leeuwin estate 最特別的地方在於佢有一個戶外的concert 俾人作音樂表演, 如果再有機會黎, 夜晚一邊聽concert, 一邊飲酒食dinner, 真係人生一大享受呀!

佢另一個特別的地方就係又有一個art gallery, 而且佢會拎d 畫黎做每一支酒的wine label~ 嘩! 真係一間好有藝術色彩的winery!

本黎諗住再去多一間, 但今日已經飲咗好多, 一陣仲要揸車返perth 黎, 都係忍忍口, 小心揸車返perth la~

又係一段很長的路程~ 不過哩兩日有咗simon 俾我哋隻cd 後, 我覺得揸車開心咗好多!

哈哈~ 都係中文歌岩聽d~~~ ^^

返到perth後, 我哋肓沖沖咁揸咗部車去king park 睇夜景~

就算有GPS, 係唔識路的情況下, 都好難係市區度揸得好部車!

d路真係好難搵~

去到king park, 發現俾我哋想像多人去, 我哋揸咗幾廿個圈, 終於上到king park aspect睇夜景! 夜景當然冇山頂睇香港夜景咁靚la, 不過都唔錯~

不過最怪係仲有d人夜麻麻去king park 坐係草地度野餐~

真係諗極都唔明點解? >v<

返到perth, 又要收拾好行李聽朝一早走la~

最多謝simon 帶我哋去入油同還車, bella 自從係city 沖咗red light後就有d驚, 所以俾返我揸~ (希望冇影到相, 唔係罰錢都幾”甘”吓!)

毛毛勁熱情, 係咁咬我條褲同衫, 係咪唔捨得我走呢?

伯斯七天之行-day5

cervnates->pinnacles->perth CBD->margaret river

因為尋日嗰幾件意外加上冇得入油的關係, 就搞亂咗我哋一早plan 好的行程~

同bella 商量過後, 決定放棄wave rock, (因為由perth去都要成300km先到, 來回咪要600km!!! 仲要落去margaret river 同埋返perth, 咁一日邊有可能行成1000km以上ga~ )

今日先遊cervantes 周邊, 再去多一次pinnacles,  之後返perth 收拾東西及遊一遊未去的地方, 再落margaret river 過夜!

cervantes 附近有一個叫lake thetis的小湖, 有好多叫stromatolites的”石頭”^^  (應該唔係叫石頭, 而係一d 叫 cyanobacteria的東東, 係生物黎ga~~~) 根據解釋(參考返guiding board), stromatolites 係由好多好多年前的bacteria 黏結堆砌而成, 簡單黎講,嗰一舊舊叫stromatrolies的東東(中文叫層疊岩) 就係由哩d bacteria 的生長與metabolism所形成的生物沉積構造而成~ (我估大約係咁la! ^^或者大家可以再苦讀一下geog! )

參觀完西澳其中之一的stromatolites 之後, 我又要去食早餐la~

今日我哋揀咗海邊的藍色cafe 食breakfast~ 睇住清澈的海灘, 再嘆一嘆美味的早餐, 真是人生一大樂事! ^^ (在我黎講, 一早之計在於晨ma, 早餐真係好重要ga~嘻嘻! >v<)

cervantes 的海灘同rottnest island 一樣咁清, 真係好明點解佢哋d beach 可以keep得咁好, 普普通通一個beach d 水都可以咁藍咁清, d沙又可以咁幼, 個天又可以咁藍wor~~~~ (陶醉中…..)

食完breakfast後, 我哋就繼續去返尋日冇心機參觀的pinnacles ~ 

pinnacles 位於numbung national 之內, 那些尖石形成的原因為lime leaching, 就係好耐好耐之前有好多vegetations 係哩片土也上, vegetation 的roots 令土質改變, 形成leaching, 咁經過長年類月的wind blowing 及其他erosion後, 就形成pinnacles 哩個自然景觀la~~ (唔明的話又去惡補下geog la~~ ^^) 

 我哋經過尋日發生小意外的地方, 當然會小心好多駕駛la~~~ (意外就係俾你學習ga ma, 如果發生咗意外後都冇改善, 你就真係唔好再揸車la~~)

pinnacles 係幾值得一遊的地方, 沿住pinnacles drive行車, 真係好有入咗沙漠的感覺, 哩d嘢係香港絕對感受唔到! 諗返起之前去perth mint 時, 個guide 講話以前好多人係WA淘金熱時都不惜一切前來淘金, 但因為WA環境太惡劣, 好多人就死係沙漠度~ 睇住pinnacles 哩嗰咁有沙漠feel的地方, 都有d親臨其景的感覺!

pinnacles後, 我哋就趕返perth 收拾行李落margaret river~ 見到時間都唔早la! 橫掂都要揸夜車, 決定先遊perth 的bell tower 及食d嘢先再出發~

(途中經過油站, 經過尋日冇油事件後, 有油都照入定先! 順便可以洗洗車添ma~)

bell tower 設計好特別, 不過諗住聽夜返perth 時會去king park 睇夜景, 所以就冇上到bell tower la~ 旁邊的wheel 好有london eye的感覺, 又係喺河邊~ (不過london eye大好多!) HK 又幾時整返個 hong kong eye 呢? ^^

食返好耐冇食的subway後(我之前係melbourne 好鐘意食ga!),

繼續去margaret river 出發~ 唔知係咪今日揸得太耐車的關係, 再加上個gps 又流流哋~ 成日叫我哋係條高速公路上面右轉wor~ 搞到我勁燥, 係咁發脾氣~~ 最後俾咗部車bella 揸, 我決定要休息一下~~ (我相信我一日揸車的limit 應該係400km左右, 過咗哩個數真係要休息一下, 唔係精神上會好攰~~) 轉咗手後, 可能大家都醒一醒神, 終於figure out 嗰gps 點解要我哋右轉la~ 原來係要exit條high way, 再由上面條天橋右轉!!!

好心個gps唔顯示清楚都講多句要我哋exit 條highway la~

夜晚揸車都有d恐佈, 有好多路係冇街燈ga~~~ 黑麻麻咁, 開住盞大燈, 淨係見到前面d路ga 咋~ 

 而且又驚有d動物跳出黎wor~

最恐佈係bella 揸d彎位勁轉, 特別係d迴旋處, 哈哈! 如果有車的話應該已該入咗人哋條線, 撞咗車ga la~ ^^  

不過好彩都平平安安, 最後都係10:30 到達我哋的目的地, margaret river quest house~ 間房勁靚, 仲有美味的糕點同coffee & tea~~~ 食咗個宵食後就開開心心舒舒服服咁訓教lu~~~

伯斯七天之行-day4

perth->Caversham wildlife park->lancelin->pinnacles->cervantes

今日第一日自駕, 諗唔到有d意外!

今日搵左好多人打救我地, 又要tow 車, 真係諗唔到lincelin d沙咁soft~~ ^^

第一日自駕, 好緊張添!
一清早就出去bayswater 拎車, 諗唔到$5一日的gps 好細部, 仲要殘殘?咁, 真係有d驚!
冇辦法的情況下, 搞咗一大輪後 (我估d職員都覺得我哋好笨) 哈哈! 終於去我哋第一個景點出發啦!
第一個景點當然又係填飽個肚先la~~ 諗住一日咁長, 都去定coles 入定貨先, 諗住下午要long driving 都有d補給ma!

第一個真正的景點係caversham wildlife park, 入面可以睇到好多動物, 包括可以摸摸可愛的koala 同feeding kangaroo!

d 袋鼠勁懶, 可以一邊訓一邊食嘢, 哈哈~~ 真係嘆!

我哋仲同樣子笨笨的wombat 拍照, 講真, 我都唔識點形容wombat , 話佢似豬定係似熊仔呢? 嘻嘻!

我哋仲混入咗一個泰國人團入面睇farm show, 不過可惜miss咗剪羊毛, 但之後可以親手渣牛奶同摸羊仔, 都幾得意!

參觀完wildlife park後, 我哋繼續去lancelin 出發!

睇睇車程, 要成百幾km, 都幾長途吓~~ 可惜又冇mp3聽, 睇住條長路, 都幾悶吓!

下次一定要記得帶d歌去聽吓先得!

lancelin 係一個旅行的熱點(我估la), 因為又可以玩滑浪, 又可以玩滑沙, 沿路我都見幾多四驅車駛入哩個小鎮!

我哋首先係油站借咗sand board, sandboard有得俾你揀坐or企, 因為我有d驚佢會滑得太快, 所以揀咗坐(玩完後有d後悔, 我覺得可以揀企! )之後就去一望無際白色沙丘出發!!!

可惜出師未捷身先死, 未去到sandboard, 就因為估計錯誤的關係, 被困沙堆中~~

我哋2個女仔好傍惶之時, 好彩有幾個好型的玩bike的大隻佬黎打救我哋~~

可惜雖然佢哋好大隻(靚唔靚仔就唔知la~ 帶哂頭盔咁~), 但都推唔郁我哋部車! >v<

之後佢哋就好型佢走哂………………………………..去叫救援! ^^

好好彩咁, 最後我哋部車成功tow出哩個沙堆~~ 真係好感激打救我哋的各位壯男~~ :3

滑沙比我想像中辛苦, 辛苦不在於滑嗰一刻, 係在於拎返”快” board上山頂嗰陣~~

真係勁攰~~

唔知點解, 我哋”快”sandboard勁慢, 最後要幾個拎WHA的台灣朋友幫吓手, 教吓路先可以享受到由高處滑下的刺激~~~ 嘻嘻~

滑完沙, 發現成隻鞋都裝滿沙, 好似踏住個小沙丘咁~

出到去, 見到有部怪獸車, 好似好好玩咁, 下次有機會可以join local tour 黎玩, 我估應該會好exciting!

再下一站係pinnacles, 見咗已經4點幾, 所以要加快速度入pinnacles la~

諗唔到就因為哩個加快, 係就到numburg national park 時發生咗小意外!

因為條路太彎, 速度又快, 再加上條路冇線, 當我見住前面部對頭車好似唔太夠位過時, 我好大意咁一腳踏咗落個break度,咁就出事la~~ 部車係咁轉咗幾個圈, 好彩最後只係入咗d草叢度, 可說有驚冇險~ thx god!  (不過當時真係一d都唔驚, 但而家諗返起就有少少驚la~~~) 嚇到對面嗰部車即刻黎問候我哋anything alright? 好彩冇事~~~~ ^^

小插曲後, 我哋繼續去pinnacles 出發~~~ 但第三件意外又發生la! 就係就快冇油~ oh! 我哋又好驚咁搵咗個ranger 黎求救, 問邊度有最近的油站! 答案係20km外的cervantes 小鎮, 我哋好開心咁諗住淨返d油最少行到50-60km, 今晚應該可以返perth la, 點知佢竟然話間油站6:00已經close 咗~~~ oh! my god! 有冇理由咁早close 呀?????

>,< 原來哩度D油站(細town仔個d) 6:00就close, 搞到我地入唔到油, 要係cervantes 留宿一晚先得!

真係慘!

冇辦法之下, 大家連pinnacles 都冇咩心機行, 諗住聽朝再黎過la~ 就去咗cervantes 的backpacker留宿一宵~ 不過都唔錯, 有好多星星睇, 間嘢都好好住, 床位的價錢, 一樣有一間private room (因為間房咪又係得我哋2個! ^^)~~~

不過失約咗perth 屋主的晚局, 真係唔好意思! >,<

有哩3件意外後, 我哋會小心d ga la~~~~~

伯斯七天之行-day3

Rottnest Island
澳洲真係一個好多動物的國家!不但有Koala 同Kangankoo, 仲有好多不過類的鼠類動物~~
我哋今日去的ROTTNEST ISLAND 就係以此為名!

去哩個island, 你可以由Perth 或者Fremantel出發!
Perth個Ferry station 喺BELL TOWER 附近, 而Fremantle 就係railway station 附近的C SHED~~兩者的分別為25MIN 同90 MIN, 我哋就揀咗由Fremantle 去,開頭擔心隻船會搖,所以諗住坐少D時間!
不過諗唔到又幾定WOR~~~

Rottnest island 係一個小島, 有巴士但冇私人車, 所以大部份人都會租單車玩!
我哋都唔例外, 不過大家要有心理準備, 其實個島都幾多上山落山路, 都幾辛苦吓GA~~

記得上次去北海道富良野時我哋駕車, 見住D人騎單車, 覺得自己好幸福, 哈!
諗唔到今次到我哋la~~~~風水輪流轉呀!

我哋踏咗成日單車, 去咗LIGHTHOUSE 參觀同埋去埋玩浮潛添~~
哈~ 我哋淨係借咗用具, 之後就自己走去玩水, 係冇人教GA WOR~

唔通佢真係諗個個都識用???

不過好彩都好易用(或者我當自己識用LA~~ 哈哈), D水非常清, 真係靚過香港D海

灘多多聲! 可惜因為得我一個游, BELLA又唔太識游水, 我都唔太敢游得太出, 怕有事冇人救ma!求救冇援就唔好la~~~
不過都幾好玩, 珊瑚就唔見la, 但見到好多海草同海藻波波, 都幾得意GA~~

回程時同BELLA 差D失散咗, 好彩最後有驚冇險, 但就MISS咗班船, 但又好在仲有一班7點15分的返Fremantle!唔係就真係要係島上停留一夜la~
最後我哋去咗海邊餐廳食嘢, 又唔錯WOR~ D FISH AND CLIP 都好好味! ^^

最後都成11點返到PERTH, 聽日要自駕, 有D緊張添~~~~

聽日自駕la~~ 要早d訓先~~~

伯斯七天之行-day2

perth CBD+Fremantle

今日主力遊Perth的CBD 同埋Fremantle哩兩度地方~~
Perth的主要景點都係EAST Perth, 我哋一早就搭車出去行街街加食早餐~

第一站係ST GEOGRE CATHERDAL, 細細間的教堂仔, 但好精緻, 好靚~
之後我哋行Barrick Street, 算係一條好繁榮的街黎ga la! 去咗間CAFE 食早餐~
第一次見識到Perth真係有好多蒼蠅, 仲要唔怕人ga wor~~
佢哋差D同我哋爭食早餐, 真恐佈! (不過個早餐好好食, 可能肚餓掛~~)
不過個早餐好好食, 一早之計在於晨MA, 早餐當然最重要LA~~

食飽飽後, 我哋去咗WA MUSEUM 同 埋art center(不過冇入去參觀, 有d可惜~)
MUSEUM 有好多學生團黎參觀, 幼稚園, 小學同中學生都有, 真係一個好有文化的國家!

我記得之前去MELBOURNE, 又係有好多學生去MUSEUM ga, 真係好~
下一站係Perth MINT~ 個tour 最有趣的部份係睇點樣鑄金, 真係好FUNNY ga~

1000度以上的高溫, 真係好厲害~~ 係觀眾席都覺得熱,台上應該好熱吓~~~
而且你仲可以入去見到好多唔同國家的金幣同金磚, 可以話係我一生人見得最多金的一日!哈哈!而且入面D職員都好NICE, 最搞笑係有個叔叔幫我哋10蚊唱6個2蚊, 勁好人~

遊完Perth後, 我哋繼續去Fremantle 出發~
Fremantle充滿歐洲建築物, 係一個好有特色的小鎮!
我哋去咗Fremantle PRISON 參觀, join 咗個TOUR 聽吓哩個監獄的歷史, 都幾得意!
聽聞有D時間夜晚都有TOUR,好似仲吸引WOR~~~ 會唔會有鬼故聽呢?

之後行咗陣city, 就去咗FISHERMAN HARBOUR 睇日落同食嘢~~ ^^

D海鮮真係好好味, 勁新鮮, 本黎我唔食生蠔, 但最後都食?幾隻, 好正!
FISH N CLIP 都好好味, 加埋杯white wine 同埋飯後dessert gelato, 真係好享受呀~~~

好滿足的一餐~~~~~~

夜晚要搭返巴士返perth, 不過d巴士都幾疏吓, 差唔多一個鐘一班!
好彩我哋又搵到部去victoria transit 的巴士wor, 最後盲宗宗咁又行到返屋企wor~~

真係神奇! ^^

伯斯七天之行-day1

哩個行程已經plan咗好耐, 係今年2月已經買定ga la!

因為當時asia air 做緊promote, 記得我哋仲捱眼訓咁好買飛, 好彩最後都買到平飛,

唔駛$1600就可以飛黎perth, 係咪好抵呢?

不過抵都有d代價, 就係要去吉隆坡轉機先! 雖然係浪費了一天時間, 但係可以有時間一遊吉隆坡, 重溫一下year 2 field trip的馬來西亞, 都叫幾好呀~~

asia air 哩d平價機位, 真係要幾多服務就付出幾多金錢, 所以連飲杯都係要俾錢ga, 我哋一上飛機就係咁訓, 非常慳家!

吉隆坡幾年前已去過, 今次仲要得幾個鐘頭, 都係諗住出去食吓嘢就算!

係豪無準備的情況下, 可以出到去市中心, 食到嘢, 仲要行埋central market, china town 食串燒, 仲要行返上次去嗰陣晚晚出去飲咖啡嗰條路, 都真係幾厲害吓!(記得之前raymond話我哋橫過一條好似彌敦道一樣的馬路就係嗰度la!)

我都好佩服我哋的安排呀!  哈!

唯一係最後搭車返機場時部shuttle 遲遲唔開, 嚇得我哋, 真係驚佢會唔會又搞到我哋miss咗班機ga ma!

好彩最後都平平安安, 成功到達perth!