ironman and robert downey jr.

哈~ 我好鐘意睇大製作的電影, 所以superhero 片一直都好鐘意睇, 但記得08年上映ironman 時, 佢係唯一一套我冇咩興趣入去睇的電影~

可能因為係女仔的關係, 雖然喜歡comic, 喜歡superhero 電影, 但對armor 哩d嘢冇咩興趣, 而且又對ironman冇咩認識, 如果唔係transformer 我自少都有聽過, 我估我都未必會入場睇!

最記得有次去飲茶時,  我話冇咩興趣睇ironman, 覺得係爛片(好明顯係bias la~~ 嘻嘻)細父就話套戲其實幾好睇ga wor~ 仲同我講咗個故仔出黎~ ^^ (我發現我d記性都幾好, 到而家都記得個故仔講咩~) 雖然聽完細父咁講, 將ironman 由爛片升咗呢去”有時間可以一看的電影” , 但都一直都冇機會睇~

最近睇完sherlock homles, 覺得RDJ好正~ 亦知道ironman2 就快上映(好似今年5-6月), 決定搵ironman 一睇!

哈~ 諗唔到又幾得意wor~ 睇完後, 我冇愛上ironman, 卻愛上了tony stark這個角色~ RDJ, good job!

tony stark 這個角色和batman的bruce很相近, 一樣是多金的鑽石王老五, 一樣是公司的總裁, 一樣的父母雙亡, 而且亦是playboy一名(不過batman就係扮playboy, tony 就係真正的playboy! ^^) 不過2者的性格卻很不相同!

batman 是一個比較灰暗的hero, 他一直不能忘記父母的死亡, 他表面好像沒有什麼,但他內心一直憤怒, 所以他決定以自己的雙手打擊犯案. 但相反, tony的思想沒有batman 那麼複雜, 最少自他去阿富汗前, 他一直喜歡自己的生活, 最多有時會覺得迷惑自己作為軍火生產家有沒有錯, 但我相信樂觀的他沒有把這個看作一個問題~

阿富汗之行後, 他的心臟不能正常運作, 但卻令他看清自己的路! 他覺得武器不能使世界得到和平, 而且自己的武器很容易落入邪惡一方, 所以他決定要以自己雙手解決這些問題~

劇情簡單但流暢, 是有些公式法, 不過卻佷喜歡RDJ 的tony stark~

很喜歡他耍白痴扮帥這些浮誇表現!  

我就是多金, 帥不起嗎? ^^

戲中, 他試做升grade 版ironman armor時和家中各AI的互動非常有趣, 而且爆笑! 最鐘意佢恐嚇嗰隻機械手唔好係咪都向佢噴滅火器, 要等佢真係著咗火先好噴~

之後佢同佢PA pepper 小姐一段”換心小手術”戲都好爆笑, 真係好白痴~ ^^

而且睇完後, 亦都明白咗原來金色同紅色係可以keep him in low profile!!! >v< 真係唔知佢點set AI 落佢部JAVIS 管家度~ so funny!

另外, 佢同rhodey的友誼都寫得唔錯, 有d似sherlock & watson, 或者house & wilson ^^都唔明點解rhodey 會咁忍得佢~ ha!

期待今年的ironman2 yeah! rhodey, 加油ar~ 今次有war machine la!

Bad Lieutenant: Port of Call New Orleans (2009)

發現nic cage 真係比較適合做一d可以表現到內心戲的角色~

之前幾套比較荷里活式的例如national treasure, ghost rider, next 或者knowing 唔係唔好, 但都show 唔到佢ga 演技! 

一直都好鐘意睇nic cage 做戲, 覺得佢好特別~

相信好多人鐘意nic cage 係因為face off, 但我記得faceoff 唔係我第一套睇佢ga 戲, 而係city of angels~

當時就覺得, nic cage 雖然唔係靚仔, 但佢在戲內的氣質, 真係好似一個純真而不通人情世故的天使~ 憂鬱的氣質, 淺藍色的眼睛, 永遠透著無辜與溫柔, 說話時輕輕的, 真像一個天使! 和meg ryan最後的結局也很美, 是一套我很喜歡的romance movie 

雖然如此, nic cage 演一些壞人或者有內心戲的角色也入型入格~ 記得之後睇返佢套leaving las vegas, 真係覺得佢好好戲! 戲中角色那種despress,那種孤單, 入骨入血,我簡直有d懷疑佢演完哩套戲後會唔會好似張國榮咁有抑鬱症!

講返今次套戲, 演多咗荷里活片, 都係時間演返一d有演技的角色~ (雖然好多人都唔鐘意前幾年nic cage的戲,話係爛戲, 但我又幾鐘意national treasure 系列wor~)

戲種並不是一般的荷里活槍戰片, cage入面是一個游走於正邪兩面的警察, 他壞, 他吸毒, 他威脅証人, 他豪賭, 他威脅人打假波, 他甚至出賣警方消息給壞人… 但另一方面, 作為警察, 他有敏銳的觸角, 而且做事認真, 他孝順父親, 亦都對做妓女的gf很好, 最重要是, 在他心中, 還有最後的道德底線存在! 他會和普通警察一樣譏笑快要浸死的犯人, 但最後一秒, 他卻選擇了下水救人. 他吸毒, 偷證物, 但卻會因為一個victim family 對佢哭訴而想用盡一切方法把殺害那女人全家的人成之於法~

劇情並不是我喜歡的, 但nic cage的表現很好, 那個吸毒後有點神經質的警察很適合他做! 最後的結局有點猜不到, 不過現實可能便是這樣, 很多時也沒有惡人惡報這種事, 而且何況只是個游走在正邪間的警官! ^^

很多人覺得nic cage 很多奇奇怪怪的戲很接拍, 是不是很缺錢用? ^^ 我也不知道, 不過我猜可能和他那間saturn production 有關, 所以會令他接觸到這麼很多B片吧~

今年好像有2套nic cage的戲上畫 (season of witch 同埋魔法師的學徒), 不過我想睇national treasure 3 多d wor! ^^

好靚的poster (doctor parnassus)

係邊個國家的呢? 德國???

點解唔見hk 有哩set poster ga 呢?

(其實就算唔鐘意套戲, 個美指真係一流)

好靚ar~~~~

The Imaginarium of Doctor Parnassus

記得好耐之前寫過一篇話好期待睇The Imaginarium of Doctor Parnassus的文, 今日終於完成咗la~

人生拍賣會

你看中哪條命? 歡迎蒞臨人生拍賣會!

每條人命都是商品

別人的命, 總是更好.

他比你好命? 歡迎褫奪強搶!

每年書展, 深雪的書是其中一本我必買的~~

自從睇過當鋪系列後, 就愛上了她的小說~

上年書展的書, 要到今年先有mood去睇, 但又諗唔到幾好睇, 抽出2個晚上就睇完了!

我相信深雪寫書是隨著自己的情緒寫的, 上幾本如靈魂舞會, 朝聖 愛 傳說等實在太極端了, 極端到若它們是我第一本接觸的深雪小說的話, 我一定不會像現在那麽熱愛她~

今次的人生拍賣會感覺正面, 3個故事都不錯, 起初覺得3個故事也不完整, 以為是open ending, 之後看一看最後一頁, 原來是未完待續, 即是3個故事, 6個主角不論是好是壞, 都會有一個結局!

其實3個故事也不錯, 帶出的道理亦值得大家反思~

是否別人的命, 總是比自己好的呢?

當然, 有些人的命真的很好, 大富大貴, 英俊美麗, 而且才華傑出~

可惜這些命並不是會在拍賣會出售的命, 出售的命是那些人不喜歡, 一直想捨棄的命…

因為他們一直想想自毁, 自殘, 自殺, 所以神衹決定收會這條命, 給其他有需要的人競投~

哈~ 多環保的天神! ^^

所以競投回來的命一定有好有壞, 你得到它好的一面同時, 要接受原物主忍受不到的一面~

問題便來了~ 為什麼原物主那麼忍受不到的東西, 還有這麼多人喜歡, 看爭相競投呢?

因為他們發現這條命好的一面, 覺得自己有能力控制到壞的一面的負面情緒~

其實萬事有好有壞, 只是在於你怎看~

像第一個故事的主角, 他的命被人買去後, 他才發現原來的東西有那麼好!

他一心想奪回自己的東西, 但他有否想過起初自己是那麼想捨棄它呢?

或者當他重奪回時, 他又會忍受不了那長期的失眠, 又想捨棄它了~

有誰知道呢?

(很好的小說, 不過我還是喜歡當鋪系列, 不過我猜深雪不會再繼續那系列了…. >,<)

Invictus

Out of the night that covers me,
Black as the pit from pole to pole,
I thank whatever gods may be
For my unconquerable soul.

In the fell clutch of circumstance
I have not winced nor cried aloud.
Under the bludgeonings of chance
My head is bloody, but unbowed.

Beyond this place of wrath and tears
Looms but the Horror of the shade,
And yet the menace of the years
Finds and shall find me unafraid.

It matters not how strait the gate,
How charged with punishments the scroll,
I am the master of my fate:
I am the captain of my soul.

很勵志的一套電影!

奇連伊士活的電影一向都好有meaning, 題材以為好悶咁, 但睇落去後卻發現劇力萬鈞~

morgan freeman 做的曼德拉做很好好, 反而matt damon 就沉咗少少, 可能角色的發揮唔多la!

運動的力量真係強大, 可能令到不同膚色的人可以融洽一起, 看著那幾個保鏢由互相不相任到一齊玩rubry 的情節,看著那那白人警察由要趕走那黑人小孩到一齊歡呼祝賀南非隊勝出, 真的十分感動!

一個國家, 有一個這麼為人民的總統, 真是幸福!

the box

我係睇優先場ga, 不過真係唔多滿意影藝的安排!

之前睇開的優先場都冇hold 位哩樣嘢, 但諗唔到哩間戲院竟然hold係後面嗰幾行做vip 位, 仲要超派戲飛!

好彩我哋早咗15min去, 都幾坐到頭5-6行, 唔係坐第一行或者要坐地下嗰d就真係慘la!

首先, 就算冇free ticket, 我一早就想睇哩套戲~

唔係為咗比較出名的女主角cameron diaz, 而是喜歡男主角james mardsen!

因為由x-men 開始, 我已經幾鐘意james mardsen, 之後27 dresses 同埋enchanted 我都有睇,可惜佢d產量唔多, 一至兩年都係一套戲左右~~ >,<

故事本身幾吸引, 一個陌生人俾你一個選擇, 你要一百萬美金但會有一個陌生人因你而死, 或者什麼也不要拒絕那個offer 呢?

即是財富與良心, 你要什麼呢?

這是一個dialema, 死去的人你又不認識, 可能只是一個身患重病的人, 或者是一個十惡不赦的罪犯~

你會怎樣選擇呢?

本身是一套幾吸引的電影, 不過真係唔睇都唔知套戲的戲種竟然係sci-fi 戲!?????

而且哩個testing 實在太殘忍la~

根本就冇活路可言, 一子錯, 滿盤皆落索, 仲要係死得好慘嗰種!

睇完後, 我覺得哩個考驗只是一個殘酷的玩笑, 人類既然已在佢哋掌握之中, eliminate 就eliminate lor~

何必搞d咁ga嘢黎torture 人呢???!!!

christmas carol again-musical

2個月連睇2次christmas carol~ ^^

上次係電影, 今次係musical, 正在planning 不如再睇多一次小說, 咁就可以連睇3次christmas carol la~~~

一樣的故事, 不同的表達媒體, 不一樣的精彩!

雖然電影是3d 立體, 色彩更加繽紛, 但可能話劇是musical 的關係, 熱鬧情度反而是musical 更為出色!

但在情節改編上, 我卻更喜歡電影, musical 有些情節很搞笑, 但感動及發人深省情度卻不及電影版!  好像最後ghost of future show 俾主角睇佢死後那一幕, 主角好像一直也不知道那個死去的人便是自己, 亦都不知道是自己的死亡令全鎮人那麼高興!

相反, 電影版中, 主角最後是”get” 到死去那個便是自己, 最後看著那板墳墓, 一點一點顯示自己的名字, 之後到日期, 之後到年份, 在發生與未發生之間, 主角希望自己不用在當天死去, 希望自己還有時間贖自己的罪!

在這些情節上, musical 便不如movie 版了!

不過overall, 可能我很喜歡這個故事, 我覺得兩套都很好好睇~

bravo!

sherlock homles

一直都福爾摩斯, 福爾摩斯咁叫, 記得第一次睇英文版小說知佢叫sherlock homles 後, 到而家都唔明點解會翻譯成福爾摩斯!

唔知有冇人解答到我哩個謎呢?

等待咗差唔多半年的holmes 電影, 終於成功睇到la~

故事唔錯, 不過未叫好perfect~

可能係謎題的線索太少, 佢唔係最後解釋的話, 根本冇咩可能估中blackwood的陰謀!

但我幾鐘意嗰個時代的英國背景, 亦都好鐘意當時的服裝, 好有氣質!

而且, jude law 的watson 同robert downey jr. 的homles 實在做得太好!

同以前一直以為的華生與福爾摩斯的感覺好唔同, 好有新意, 而且人性化咗好多~

特別係華生同福爾摩斯的感情, 真係好搞笑~~ (好sweet?)

唔怪得有d腐女會睇到陰陰嘴咁笑la~~~

佢哋話套戲可以改一改名叫”福爾如何阻止華生結婚” 哈哈~

笑死~~~

好期待下一集, 聽講話會搵brad pitt 做professor, really???

今年聖誕睇咗……?

今個假期睇得三套戲咋~

avatar, 風雲2 同埋 old dogs~

風雲2 講真, 真係幾失望!

我又唔覺得好似網上d人講到咁差, 不過可能太鐘意睇97年嗰套風雲

期望得太耐, 所以失望大d la~

記得當年我係聽fion 係電話講個故仔俾我知, 我覺得好吸引, 之後再睇ga~

當時對聶風同步驚雲個故仔好感興趣, 但一個女仔去買港漫好似好怪咁, 咁去上網搵黎睇! 之後知道風雲有出到小說, 仲廢寢忘食咁睇ga! (不過d 小說其實真係唔錯, 個idea 幾好, 真係可以一睇ga!)

彭氏兄弟哩套風雲2, 點講呢? 其實特技真係唔錯, 但用得太多lor!

一套戲要係情節或者人物性格上面感動到人先叫一套好電影ma~

如果真係可以有風雲3的話, (我都願意俾你呃多一次咁多la!) ,希望可以有所改善la!

avatar, 好睇, 之前寫過, 唔再寫la!

哩套其實都幾無聊, 不過有幾好笑, 我覺得幾岩新年睇~

尊特拉華特同robert william 調轉藥寫嗰幾幕真係好搞笑, 哈哈哈~~~

holmes 我想睇好耐ga la~

由上年年中想睇到年尾, 但到今年都未睇到呀~~~~~~ >,<

究竟幾時有得睇呀!!???