上海世博勁攰之行-後記

TrAvElIng-上海世博勁攰之行0 Comment on 上海世博勁攰之行-後記

其實都冇咩特別分享, 因為今次去世博可以算係我最冇計劃去旅行的一次~ 連邊d展館有d咩嘢特別都冇詳細上網或搵書黎睇, 只係直覺鐘意邊個國家就去邊個國家~ 可能因為覺得世博係上海咁近, 而且搞半年, 就算真係覺得有d好重要的地方miss 咗, 我相信都有機會再去一次掛~ ^^ 我今次個package 係真旅網買, 連埋兩張門票4D3N搭上海航空住蒲東新區4星(我覺得冇4星掛, 不過間酒店都叫OK, 係舊咗少少)大約$3000, 平就唔係叫最平ga la, 但我自己覺得個價叫ok la~ 入場是用團體票, 所以每日都有由gate 4 入, 一入就係最多人的歐洲區~ 因為知道中國館會永久保留, 所以冇諗過入中國館, 亦冇買passport 蓋印仔! 講真, 其實排隊入館已經好辛苦, 入到展館仲要排多一次隊蓋印個feeling 都幾bad 吓~ 好可惜冇入到蒲西的展館, 如果哩幾個月再有機會去多一次上海的話我會主打蒲西, 個案館同主題館等等都好似好有趣! 兩日裡面, 數數埋埋應該都去咗15-16個展館, 當然有d係hea 館,...

Continue Reading

人間喜劇

ReViEw-總會有一點點感想0 Comment on 人間喜劇

很久沒有看港產片了~ (不過如果唔係有free ticket, 我都未必睇…) 作為一套笑片, 的確唔錯, 而且笑料也很港式, 入面有很多最近的話題, 感覺很地道~ 不過我自己就覺得套戲message 太多, 起承轉合位唔太夠, 亦令我theme idea 唔夠出~ 王祖藍同fiona 條感情線太過突然,  反而放多d落王祖藍同阿澤的友情同埋套殺手電影度我會覺得更好~ 咁令主旨集中d ma~ 最後有導演同阿澤黎分享一下, 發現阿澤真係幾好笑, 而且佢講嘢都唔錯~  ^^ 最贊成導演冇俾到條感情線阿澤, 唔係就真係幾核突吓, 好彩!好彩!

Continue Reading

海洋天堂

ReViEw-總會有一點點感想0 Comment on 海洋天堂

雖然好多人話李連杰d演技一向麻麻, 但唔知點解, 我細細嗰開始就好鐘意睇李連杰的電影~ 好似方世玉系統, 黃飛鴻系統等等, 我屋企都買咗vcd收藏~ 到之後李連杰進軍hollywood 的電影, 差唔多大部份我都有入戲院睇~ 李連杰雖然唔高, 又唔係大隻, 但打係上黎真係好型, 好鬼正! 我自己一向都覺得李連杰演技唔錯, 好似上兩套danny the dog 同埋霍元甲都做得好好~ 今次挑戰文藝戲, 我絕對相信佢冇問題, 睇完後亦都冇令我失望! 一個含辛茹苦的好爸爸, 在自己最後人生的路途上, 只希望自閉症的兒子在將來能有好日子過~ 由開始打算和兒子一起自殺, 到自殺失敗後用盡所有心力幫兒子找安置的地方, 教他怎樣獨立過簡單的生活 戲情並不扇情, 並令人很感動~ “如果爸爸不在了, 你會想念我嗎?” 自閉的兒子沒有回答, 睡著了 “我會想念你的” 爸爸輕輕說著 他為自閉症的兒子可以一直活在自己的世界,就算和自己分開也沒有表現出傷心或難過而寛心, 但令一方面又怕兒子完完全全沒有把自己放在心上 他希望兒子可以有作為一個普通人的情感, 可以明白或學懂記掛著一個人, 但又不希望他會傷心難過~...

Continue Reading

Prince of Persia: The Sands of Time

ReViEw-總會有一點點感想0 Comment on Prince of Persia: The Sands of Time

記得小學時, 曾經係暑假時在舅父家玩過486電腦的波斯王子, 當時覺得好好玩, 到而家都記憶猶新~ 見到改篇到電影wor, 當然要支持一下la~ 作為迪士尼2010暑期大作, 俊男美女, 動作出色, 是一套更為吸引的娛樂片~ 雖然劇情好大路, 但作為一套合家歡的電影, 唔駛太用腦, 但起承轉合位卻做得唔錯, 唔會俾人有空洞的感覺~ 但結局同奸角真係一早估到, 先唔好講uncle, 佢一出場個已經知道佢係奸ga la~ (^^ 化妝師化得好~) 到二哥死嗰陣, 已經估到個結局~ 你睇, 正常一套迪士尼戲, 死咗父王叫做推動劇情~ 但當王子身邊d親人朋友愛人全部死哂, 咁係咪太過分呢? 你估天煞孤星咩? 如果哩套係中華英雄真可能唔同d~ 所以結局只有一個, 只有哩個結局導演先殺得d人殺得咁順手~ ^^ 主角方面, 我冇睇過斷背山, 但總係覺得王子樣好面善, 一定睇佢d戲~諗吓先~ 啊~ 原來睇過佢套day after...

Continue Reading