day 3 早餐-興記咖啡室 氹仔柯打蘇沙街18號 tel: 852-28827100 10:30-13:00 媽祖文化村 路環疊石塘山 13:00-14:30 里斯本地帶餐廳 路環水鴨街8號地下 tel: 853-28882226 氹仔買手信(官也街) again 威尼斯人行街 回香港 尋晚玩ga大電視真係high 到今朝都有少少聲沙~~ 一早起身, 當然要先食返個早餐la! 今次輪到我哋小一輩用coupon 去威尼斯人food court 食嘢lu~ 諗住有$300, 不如搵間餐廳坐吓, 點知原來9點的威尼斯人係除咗food court 外, 咩都未開ga 如果想冇咁多人影相, 就最好哩個時候黎la~ ^^ 我哋好勁咁食咗$301, 只係要補$1啫, 哈~ 早餐後, 我哋就拎張夏日fun...
Continue Reading澳門一家十幾口暴曬吃渴玩樂3日遊-day2
day 2 hotel breakfast 10:00:00-12:30 星星公園-龍環葡韻住宅式博物館 路氹博物館 12:30-15:30 官也街食嘢 加買嘢 莫義記 lunch 達榮魚翅 新利好咖啡店-燕窩撻, 豬扒包 大利來 文記果汁店 16:00-18:00 葡萄酒博物館 新口岸高美士街旅遊活動中心內 大賽車博物館 新口岸高美士街旅遊活動中心內 07:00:00-20:30 加米路葡式美食 倫斯泰特大馬路37號海景花園利景閣D鋪 電話 : (853) 2872 2889 回酒店 今日係比較跟行程的一日, 雖然d時間又係較後咗2個鐘, 不過都叫去哂我想去的景點, 仲要一朝早去咗游水添~ 威尼斯人有4個泳池, 不過全部都係合家歡戲水篇, 即係應該浸你唔死的泳池 ^^ 我哋住係北翼,...
Continue Reading澳門一家十幾口暴曬吃渴玩樂3日遊-day1
day 1 酒店check in 14:30-15:30 熊貓葡國餐廳 地址 : 氹仔施督憲正街4-8號地下 Panda Portuguese Restaurant 4 -8Rua Direita Carlos Eugenio R/C, Taipa 電話 : (853) 2882 7338 15:30-18:30 行威尼斯人酒店 19:00-10:30 MGM buffet 新口岸孫逸仙大馬路 (以上只係原定schedule, 係有更改ga~ ) 由細細嗰開始, 每年暑假都會同媽咪嗰邊一家一齊去旅行! 之前停咗幾年, 上年的長隆之行搞得幾成功, 所以今年決定又再搞到一次一家十幾口3曰2夜之行 諗咗好耐, 又要平平哋,...
Continue ReadingIPSC 開心玩槍槍
今次icey 同yan 同我去celebrate birthday, 去咗IPSC 玩射擊~ 一直都唔知道咩嘢叫IPSC, 因為冇睇槍王ma~ 哈! 又諗唔到原來好得意ga wor~ 而且幾考腦筋同手腳配合! 雖然睇落淨係拎住把槍黎射吓, 但可能玩足全日的關係, 而且又好緊張, 所以都幾攰吓! 玩到5點已經好似全身散散哋la~ 有機會應該會再去玩吓, 但佢話要有10個人先有fun day 搞, 唔知有冇機會儲足10個人去玩呢?
Continue ReadingProtected: macau 行程-itnerary
There is no excerpt because this is a protected post.
Continue Reading為菲律賓被挾持本港康泰旅行團死難者默哀, 仍生環的祈禱~
自從911事件後, 都好耐冇睇過一宗咁令人咁沉重同傷心的新聞 本黎開開心心的旅行, 最後變成7死2重傷多人受傷的挾持人質事件, 真係聞者傷心! 由下午開始, 一直留意事態發展, 到晚飯時間, 竟然在新聞中看到逃走的司機說全車人質死亡的報導 當時真係連飯都食唔落! 之後再睇住嗰邊所謂的特警, 用咗45分鐘時間先入到部車度, 最後造成7死2重傷哩個慘劇 真係非常憤怒!!!! “菲律賓總統府發言人里基表示，總統府不會與劫匪談判，這樣會助長劫匪的囂張氣焰。 http://news.sina.com.hk/cgi-bin/nw/show.cgi/12/1/1/1830000/1.html 究竟人命何價呢? 在我眼中, 人命無價, 點解菲律賓政府可以連談判都唔同劫匪談呢? 而家唔係叫你放恐佈份子, 只係一個要求復職的警察, 冇人話要一定俾佢復職, 但可唔可以有少少讓步令佢放返少少人質出黎先呢? 人命唔通唔係放在首位的嗎? 菲律賓政府的發言好有理性, 但若果沒有人性, 要理性何用呢? 只係為咗將來”有可能”發生的事件, 就完全冇將15條現正在水深火熱的人命放在眼內~ 竟然仲有香港人係fb度支持菲律賓政府的做法, 我終於知道咩叫冷血! 中國政府絕 對要譴責菲律賓政府冷血的做法, 我覺得嗰7個人根本就俾佢哋害死! 希望上帝可以保持生者, 亦願死者安息!
Continue Readinggeog re union
哩幾年黎, 好似都係第一次有大re-union, 平時都係我哋玩開咁班一齊出黎~ 幾開心, 可惜都未齊人, 希望下次re u 可唔可以齊哂人呢?
Continue Reading唐山大地震
未入場前好驚會好慘, 好感人, 會睇得好辛苦~ 但得出黎的結果卻不是這樣~ 有時睇d慘戲真係睇到心都痛埋, 個人勁辛苦, >,< 所以如果套戲唔係特別吸引我, 明知佢係慘戲我就未必會去睇la~ 其實災情片我就一般喜歡la, 但身為中國人, 唐山大地震哩個名卻吸引咗我入戲院睇 故事是環繞唐山地震後生還的方家3口, 媽媽, 弟弟及姐姐的大半生 因為媽媽的一句”救弟弟”, 令姐姐覺得被拋棄, 所以被人領養後就算記得自己本身的名字也不想回家找家人 在兩個幾鐘的時間, 說了30年的故事, 還要是3個人的故事, 故事感覺比較平淡 但有些位卻做得太過煽情, 是感人, 不過卻太造作!~ 觀眾是會哭, 但感覺卻是商業的味道, 感情到達不到心坎, 散場後便蕩然無存了! 我自己會覺得浪費了一個好題材 但想不到大陸卻收了旺場, 可能真的是口味不同吧~>,<
Continue Reading學油畫
之前諗過有幾樣嘢想學, 壁球, 油畫 同埋古琴~ 其實報讀唔難, 有好多門路, 但係要平要抵, 嗰應該都係得返康文署同工聯會, 要同好多人爭黎報la~ ^^ 壁球學緊, 可惜下個course 報唔到, 又要再等多一個 古琴應該冇咩機會學到, 因為嗰個法往機構應該冇咩機會俾外來人報到 或者等第時有機會搵私人授教la~ (等我有錢先la) 今次終於到油畫la, 好好彩工聯會報得到, 因為岩岩開咗個新班! 學費都幾平, 但油畫原來都要幾多投資吓, 我都知顏料貴ga la, 原來比acyrlic 貴好多同多好多工具 會唔會去淘寶網買抵d呢?
Continue Reading好人 壞人 病人 有錢人 窮人
最近包致金嗰名真係好紅, 不過唔係佢出位, 而係佢個姪女出位! 問吓香港人, 究竟有幾多人知道入面女主角叫咩名? 我相信 大部份淨係知道佢係包致金姪女~ 哩位姪女小姐3次襲警都唔駛坐牢, 第三次仲要係俾人拍到, 全香港市民見咗佢點樣怒摑警察一把 阮官話佢係好人同病人, 唔係壞人, 所以唔駛入獄, 仲反問香港人如果佢係窮人究竟會唔會覺得判得唔公平呢? 阮官雖然受過良好教育, 但係好似連基本邏輯都搞錯咗wor 而家香港人及警方質疑的並不是單單判刑的結果, 而係質疑判刑的理據而做成的結果 究竟好人同病人的定義點黎呢? 係咪只要係好人同病人去打警察就ok呢? 係眾多警察面前打警察就係唔正常人的表現? 唔正常的表現就等如病人? 咁點解之前d示威者就要坐牢呢? 因為佢哋係壞人? 佢哋係眾多警察面前用大聲公傷害警察耳朵點解又係正常呢? 正常人未必咁激烈示威ga wor~ 可能佢都有情緒病都未定ga wor~ 精神科醫生的報告是姪女小姐單方面提供定係有政府第三者驗証呢? 係咪有錢有精神科醫生報告就等如一切? 識玩法律遊戲就可以橫行霸道? 當全香港人都有哩d質疑的時候, 係咪應該公開一d令大眾解開疑團呢? 你再講咁多嗰subjective的理由, 什麼好人, 壞人等等可以可以令人信服嗎? 究竟怎樣安撫民心覺得法律係香港仲係公平呢? 就算哩點唔係真, 呃吓大家都好呀!
Continue Reading