大大意義小小慶功宴, 恭喜大家的新書順利出版, 而且銷量很好, 成為9月尾的第三名~~ yeah!! 而且這本書亦終於到我手la~~~ 等我坐定定睇吓先~~~~
Continue Reading楊宗緯
記得我有睇第一屆的星光大道, 當時最出名的幾個星光邦中, 我最鐘意就係楊宗緯 還記得他翻唱曹格的背叛, 真係好聽到爆~亦因為係佢我先去聽吓曹格d歌~~ 之後他出的第一張專輯的洋蔥, 每次聽到都覺得好感動~ 到而家已經過咗3年, 但佢哩張專輯的mp3 都仲係我部mp3 入面~ ^^ 但唔知點佢解發了第一張專輯同有一個演唱會後, 楊宗緯就好似消失咗咁 他同期出道的蕭敬騰, 林宥嘉等等都唔知出咗幾多張專輯la, 但他好似冇聲冇氣咁~ 每一次見到蕭敬騰有節目或者唱歌, 我就會不期然心裡冒出一個問題 “究竟楊宗緯去咗邊呢?”>,< 一直都好困惑吓~ 最近因為聽多咗mp3, 所以諗住上網搵吓歌聽 唔search 都唔知~ 哦~ 原來楊宗緯8月尾出咗新專輯wor~ 上wiki search 一search , 原來佢之前事業一直停滯不前係因為合約問題 佢俾好友呃咗去簽咗一份佢唔願意的合約 (因為好友的爸爸想從中抽俑) 最恐佈係佢哋有黑社會背景, 仲不斷恐嚇楊宗緯又唔俾佢解約 就係咁打咗3年官司, 最後終於搞掂咗可以簽返另一家正常的大公司環球, 而且得到李宗盛的賞識 親自幫他製作最新專輯~~希望佢之後的事業可以順順利利啦~~...
Continue Reading廣島之行-DAY 3
平和公園紀念館, 廣島城 講起廣島, 我相信最出名並不是廣島燒, 而是第二次世界大戰時成為第一個受原子彈轟炸的城市! 1945年8月6日, 美軍為了結束第二次世界大戰, 向日本投下了一枚原子彈, 令廣島市差不多全毁, 死傷慘重! 平和紀念公園面積很大, 是作為紀念因原子彈爆發而死亡的人而建築, 附近有平和紀念資料館以及原爆dome, 是每個人去廣島必去之地~ 我們第一個目的地便是原爆的地方~ 當時本黎美軍本黎以在空中最為明顯的T字形橋”相生橋”作為原子彈的落點, 但因為誤差的關係, 在600公尺外的廣島病院上空爆發! 以爆炸中心為圓心, 半徑2公里之內的建築物幾乎全毁, 而原爆dome 原本稱為生產奬勵館,卻是少數在範圍以內沒有”全毁”的建築物, 所以便一直保全下來作為紀念! 雖然沒有全毀, 不過從它的破壞情度下已經可以知道當時原子彈的威力! 當時在館內的人亦全部死亡 (在幾千度高溫吓冇可能唔死掛), 真係睇見到覺得心寒! 之後我哋繼續前進, 去平和公園出發~ 平和公園中心部有和平的雕像以及很多為了祈福的千羽紙鶴, 每年8月6日亦會在公園舉行紀念儀式, 懷念死去的人們! 公園中間有平和紀念資料館, 入面擺放了廣島的歷史背景, 被爆的一刻, 以及各種各樣的遺物及死難的死傷者的事蹟! 資料非常非常豐富, 是可以看數小時的博物館~ 入面特別是擺放遺物以及死難者事蹟那一部份,...
Continue Reading廣島之行-DAY 2
縮景園,嚴島神社 今次酒店冇包早餐, 一起身第一件事當然係去搵食la~~ 以為係好易的事, 只係想搵間cafe 或者m記食過早餐啫, 點知酒店附近咩都冇, 有d又要10點先開! 唔通廣島d人個個都唔食早餐??!! 自助租單車. 幾方便WOR~~ 好似福岡都有~~ 最後行返出大街(或者叫旺d嗰區la) 終於搵到間tully’s 食la~~ 食飽後, 當然要去第一個景點出發la!! 開頭諗住要去嚴島的, 打算買張2days pass, 因為抵好多! 點知2days pass 要去”酒店”先有得買, 唉! 早知一早買定la~ 黎到有早餐食的地方, 就變咗搵唔多酒店la~~ 最後行吓行吓, 終於搵到酒店, 亦發現大家已經就黎去到縮景園la wor~ 咁就順便今日參觀埋la~~ ^^ 縮景園是廣島藩主淺野長晟作為別墅庭院在1620年興建的, 它因為模彷當時中國西湖而命名為縮景園~ 庭園中有小橋, 荼室, 小路相連等等,...
Continue Reading廣島之行 DAY1
嘩~ 今次係我黎日本後最多人去旅行的一次了~~ 足足有六個人呀~~~ 亦係第一次搭新幹線去旅行(好似唔係WOR, 上次去滑雪咪搭過LOR~~>V< 唔係, 上次係滑雪, 唔係旅行MA~~) 岩岩仲要係學校放假的第一天, 當然心情特別興奮LA~~~ 因為搭十一點左右的車，所以朝早唔駛好早起身，仲可以執多一陣嘢先~ 好難得唔駛趕頭趕命！去到東京車站，因為大約要搭五小時的新幹線落廣島，所以第一次係車站買便當上車食~~^^ 好有去旅行的感覺！嘻嘻！我買咗個牛舌丼，諗唔到又幾好食wor,關鍵應該在於我個便當有得加熱！一拉條線就可以加熱的設計真係幾方便！所以大家下次買火車便當一定要買有得加熱的或者係魚生飯！ 唔覺唔覺就搭到去廣島，新幹線真係好方便！ 因為去到已經下午，我們的統籌人好醒咁安排了一個晚上的活動，那便是神樂加溫泉之夜啦！ 神樂是日本傳統的音樂，相傳是天照大神因為受不了弟弟的行為，所以便躲了在天岩洞中不出來！她是掌管光明的女神，她這一躲，全世界便黑暗起來，天下大亂！眾神便想出一毎廿辦法，一起奏樂和跳舞來引天照大神出洞，天照果然因為好奇是什麼聲音走了出來！這便是神樂的起源了！ 我們到達廣島後，便租車去了位於廣島北部安藝高田市的神樂門前湯治村,是一處可以融入泡湯.住宿及欣賞神樂的地方！地方幾大，而且還有一些模仿舊時的老店，十分有特色！建議可以早一點來逛逛~~ 廣島晚上的溫度有點涼，對正穿夏季服裝的大家來說的確有點冷！不過唔駛驚，哩度有溫泉浸，勁舒服！ 享用完美味的和式晚餐後，便開始今日的重頭戲-神樂之夜了 表演的地方是一個小小的劇場、可能因為一早訂好位的關係，所以可以坐得好前！yeah! 未開幕之前派了一張英日的簡介給我們略述今次表演的內容~原來這裡有八個劇目，每天表演的並不相同，不過內容大部份也是日本古時的神話或故事！今晚我們看的神樂叫滝夜叉姫，大約故事是說一個女子為報父仇而借助了魔鬼的力量把自己變成惡魔的故事，最後仇報不了還給仇家派來陰陽師收拾了！都幾悲劇吓！ 變了魔鬼了~ 真的睇唔出係點樣變臉GA~~~ 被消滅了`~~ >,< 神樂俾我的感覺有d似中國的大戲，有對白、有歌曲、有舞蹈！中間有一段變成惡魔的變面戲尤其精彩！雖然唔明佢唱的內容，但大約明白劇情，所以一d都唔悶！ 而且有一樣幾得意的事，可能因為神樂是傳統的藝術，有些似古時的中國戲劇，也是沒有女性的！所以入面的所有女角也是男性反串演出！ 戲服其實好重吓~~ 全個表演大約半個鐘左右，之後可以上台著角色d衫同影相~ 好開心！ 好特別的一晚！
Continue Reading空閒的下午
今日淨係返學校面談就冇堂上la~ 記得上個學期面談完後去咗上野國立西洋美術館, 今次又諗住去上野公園行吓~ 開頭諗住去睇尋日冇參觀到的動物園, 點知岩岩行到去counter 買飛時就開始落雨~ >,< 冇帶傘呀~~ 只好搵個有瓦遮頭的地方去行吓la~ 行吓行吓, 去咗東京藝術大學, 岩岩有一個台東区的collection 展, 展出大學由昭和56年開始的學生優秀卒業作品~ 雖然只係學生的作品, 用色或構圖上當然比唔上大師級, 但係個個根基都打得好好~ 我估佢哋而家應該個個都己經好有名, 或者已經成為一代宗師~ ^^ 或者可能係優秀作品的關係, 我有睇過香港及美國大學的美術學生的作品, 今次的展品真係高出好幾班~ 所以想讀art 入東京藝術大學應該大有作為~ 之後再去咗睇一個陶瓷展, 展品好多, 感覺好似去咗一個賣高級食器的地方咁` 嘻嘻! 不過如果第時屋企有地方可以放到一兩件陶瓷器的話, 的確係幾有格調~ 藝術完一翻後, 決定要去book off 買書睇! 為咗日文有進展, 唔知買d書睇吓會唔會有幫助呢? 嘻嘻~ 不過可只係三分鐘熱度~~ 最後買咗5本,...
Continue Reading又完咗一個學期LA~
唔經唔覺, 就完咗3個學期, (應該係2個半, 因為其中一個返少一個月~ ^^) 日文都好似冇咩明顯的進步, 唉~ 點好呢? >,< 我估要再努力D先得LA, 唔係12月的N2又死GA LA~~ 可能參加多D 學校的活動可以有多D機會練習吓日文, 上星期去的BBQ 都幾得意~ 日本BBQ同香港好唔同, 香港的BBQ可以磨幾個鐘, 但日本的BBQ 是放一塊網在爐上燒肉 真係燒兩燒就玩完, 勁快! 所以我都係鐘意港式BBQ多D~ ^^ 尋日係學期最後一日, 測完驗後(最後一日都有TEST, SO SAD!) 後因為天雨關係 由原本去動物園變咗去江戶博物館 開頭仲諗住有PANDA 睇添`~ >V< 算LA~ 有機會再去LA~ 不過都幾開心~ (可惜之後俾打風破懷哂我美好的心情!) 岩岩我哋教科書第七課就係講日本的博物館, 講江戶博物館時就講哩條橋係照返古時嗰條黎起(見下圖MODEL),...
Continue Reading日本打風
日本可能有好多嘢好！但對打風的安排真係衰到冇朋友！天呀！打風唔係地震，係有得預測㗎！你應該一早做定安排，好似香港咁可以係掛風球前話俾人知，咁咪可以叫人早d返屋企囉！好啦！而家d車停哂，大家trap哂係度好開心咩??? 只係由両国回家, 我估平時大約45MIN LA, 今日足足用咗四個鐘先返到屋企! 明明哩個係一個可以避免到的事, 卻搞到咁麻煩! 明知嗰風咁勁, 先唔好講返工, 都叫人唔好返學LA~ 好似而家個風唔係由下面吹黎咁, 係從天而降好似魔術般變出黎! “哎呀~ 唔好意思呀, 咩原來個風咁勁呀! 咩原來係勁到電車係會停駛GA WOR~~~ 一早冇諗過添~~” 而家日本政府就係俾咗哩個感覺我囉! 最慘都唔止咁樣，都係唔知仲返唔返工好！打風的返工制度係冇㗎！我唔係唔想返，係返唔到…… 仲要自己打電話去告假, 好似我唔想返咁樣! 又話一個月唔可以告多過三次假, 都唔知今次計唔計添呀! >,< 勁無良呀~~~ 經歷了今次的打風, 我突然好掛住香港呀~~~ > < 同地震時一樣咁多人.. 不過今次明明係可以避免, 但點解要搞成咁呢?
Continue Reading日本人的工作態度
每個民族的個性真係好影響工作的態度 我相信全世界上, 日本人的工作態度的認真程度都可以稱得上最高嗰幾位 那麼工作效率又如何呢? 以佢哋工作咁”認真”黎講, 工作效率一定唔夠高 好似唔知點解每做完一樣嘢一定要收拾好, 但可能下1分鐘又會黎返出黎用 係香港人眼中, 其實咁樣係好浪費時間 不過每個日本人做嘢都好似加咗120% “摩打咁, 唔知點解好似冇休息同慢落黎的時候! 所以效率一樣好高吓~ 哩一樣嘢同香港真係好唔同~~ 香港人效率快在機靈和識轉彎, 大家都希望諗一d方法黎加快速度而又唔駛咁辛苦, 絕對唔會好似日本人咁密密做密密做咁樣加快速度~ 哈哈! 另一樣嘢, 就係日本人好鐘意say sorry~ 第一次見到有人跪係地下同人講對唔住~仲要對象唔係老闆, 我估只係senior 咋~ 香港我估一定唔會有哩d情況發生la! 有時d junior 仲惡d senior, 唔好咁尊重, 俾個面你都冇呀~ 再況就算真係生死猶關 最多咪東家唔打打西家, 何必做成咁呢? 不過我估日本文化上可能咁都係好平常, 所以冇咩所謂掛!
Continue Reading出席率 vs バイト
最近發現唔返學的日子真係增加咗~~~ >,< 9月份的缺席時間可能已經係我上半年的總和la~~~ しょうがない~~ 最近實在太多嘢煩, 亦都太忙la~~ バイト都算la, 做做吓都慣la~ (雖然都有太攰唔返)橫掂我平時都好夜先訓~ 最慘係部單車壞咗…. >,< 哩個真係十個煩~ 冇氣, 去買打氣bump, 唔得 (可能太cheap) 去交番搵警察幫, 今日前輪ok 點知隔日就到後輪唔得, 點樣打氣都入唔入 日日拖住條冇氣的軚係咁行都唔係辦法, 都唔知有邊個可以幫到我手! 唉~ 真無助~~~ >,< 最後, 去咗修理店, 俾咗錢後就搞掂la~ 但搞到我上唔到堂~ 真慘! 雖然係部單車搞到我上唔到堂~ 但唔係バイト我又點會要搞到朝早先有時間去整呢? 唉~ 萬惡呀~~~ 所以出席率我睇遲d都係會直連下降ga la~ 10月份轉上午班我都唔知點死好!!!!
Continue Reading