今日係最後一日返我份PART TIME, 雖然3月都有機會繼續做, 但我都好希望唔駛再做佢~ 其實份工冇話特別唔好, D人都幾好, 不過只係太悶太攰 我唔鐘意做D咁勞動的工作罷了! 其實都係一字記之曰懶啫~ ^^ 不過諗唔到最後一天的工作, 卻有第一次的殘業! 其實做到一半我都覺得奇怪, 因為今日實在好多好多信 做到八點時我已諗今日點解做得咁慢的呢? 諗唔到真係要加班! 唔通個個見今日月尾所以寄多D信? 又或者1月有優惠? ^^ (笑!)
Continue Reading年初一. 大雪
仲以為自己係一個浪漫的人, 但發現原來唔係添~ 年初一夜晚日本落大雪, FB 上個個日本FD 都好鐘意 好似唯獨我一個覺得勁煩! 落雪唔係唔靚, 但當你攰都死, 又冇帶傘, 仲要涷冰冰咁係條街度 我真係FEEL 唔到落雪有咩好呀`~~ >,< 每次落雪我就唔想出街 出咗街的話落住雪返屋企時都唔知點處置部單車好 踏佢條路又好滑, 推佢行又辛苦又涷冰冰濕漉漉! 如果每逢落雪都唔駛出街, 你話幾咁好呢~~~~ ^^
Continue Reading農曆新年. COMING SOON~~
發現當你身在外地, 對農曆新年的感覺真係越黎越淡 差唔多連邊日年初一都唔記得咗~ 在香港, 聖誕是玩的日子, 新年是hea 的日子 很喜歡每天在新年期間悠悠閒閒睇吓電視, 係屋企hea 吓, 等被拜年或去拜年的感覺~ 可惜今年都上年都過唔到LU~~~ 今年大年初一仲要返工添…. (完全忘記了嗰日係年初一, 早知就放假LA) 不過都冇咩所謂, 其實都係咁過啫~~~~ 係LA~ 各位恭喜發財, 龍年快樂, 記得留返封利是俾我呀~~~ ^^
Continue ReadingSHERLOCK S2
睇開的英劇唔多, 只有幾套, 但每套都非常精彩~ 先唔講長做長有的DR WHO, 2010年的新版SHERLOCK 雖然每季只有三集, 哩個S2 我哋班FANS 仲等足18個月 但哩三集真係非常精彩 現代版的SHERLOCK 人物設定和舊版差不多, 不過SHERLOCK 比原著的更加任性, 更加不近人性, 雖然如神人一樣什麼也可以DEDUCT 出黎, 但係MENTAL AGE 我估只有12 歲, 哈哈! WATSON 是阿富汗打仗受傷回來的軍醫, 被SHERLOCK 騙了做室友後, 雖然開始完全受不了SHERLOCK 不食人間煙火的行為, 但卻在短時間和SHERLOCK 建立了深厚的友誼, 是SHERLOCK 唯一真心承認的朋友~ ^^ S2繼續S1 最後和MORIARTY 的對決, 最後因為一個電話而解決, S2 亦連出IRENE...
Continue Reading白馬滑雪之行
日本第二次滑雪, 今次終於叫有少少進步, 最少叫控制到吓塊SNOWBOARD, (雖然都叫CONTROL 得唔好), 但點都叫我控制佢唔係好似上一年滑雪時咁佢CONTROL 我LA!!! 今次第一次去宿泊的滑雪團, 酒店好靚, 食嘢都唔錯~ 不過連滑兩日已經好攰, 都唔知D人點解可以去連滑4日(和一個香港人搭訕得出來的), 滑咁多日, 唔攰GA 咩??? 第一次去埋滑夜雪添, 幾好玩, 只係GOGGLE 唔太OK, 有錢第一樣嘢要買個好D的GOGGLE 先~ ^^ 期待下一次的滑雪~~ YEAH!
Continue Reading新學期開始
去完大雪白茫茫的東北後,(遊記後寫) 又係新學期的開始la 雖然冇係日本”住咗” 一年, 不過都叫做去咗日本一年la 哩一年, 其實都幾開心, 人又獨立咗, 只可惜日文的進步唔太夠, 要再努力d先得la! 今日一返學, 就有老師在門外守候, 之後就去咗一樓休息室講今次台灣女生被殺事件 唉! 真係一件好遺憾的事! 台灣女生的家長亦在昨天舉行了funeral 後便回國了! 其實整件事已在疑兇自殺後不能知道全部真相了! 不過, 雖然死者已矣, 但為什麼一個人有膽自殺卻沒有guts 在死者家屬前清楚還他們一個真面呢? 我相信在那兩個女生的家屬心目, 這個是一輩子也不能忘記的傷痛了! 願主保佑還在生的家屬, 希望他們早日回覆平靜吧!
Continue Reading快樂的兩星期
哩兩個星期真係好開心~ ^^ 以前都唔覺係香港咁開心, 今次返黎過聖誕真係好正~ 每晚都有飯局, 見吓d朋友, 同學 或者同屋企人去食buffet 雖然哩d係往日係香港都會做的事, 今次唔知點解今次特別happy~ 可能真係有一段時間冇返香港見朋友屋企人la~ 今次返香港仲去咗disneyland 玩toy story land, 又去咗睇drama 同movies 哈哈! 係短短2星期內我睇咗5套戲, 係咪好勁呢? 係香港睇戲真係爽!
Continue ReadingR.I.P
岩岩新聞報導在日本被謀殺的兩個台灣女學生原來是我日本語學校的同學, 雖然我並不認識她們, 但感覺卻如此貼近, 原來好多事都可以在身邊發生! 希望真相早日大白, 願她們安息~~
Continue Reading龍紋身的女孩
其實一早已看過瑞典版的三部曲, 對我來說, 第二三部劇情太複雜, 而且有些政治性, 所以第一套這個serial killer 的故事是我在三部曲中最喜歡的一集! hollywood 版的選角比瑞典美形, 男女主角都好看, 當然瑞典版兩位演技很好, (咁岩最近兩套大片, mi4 和sh2 都有兩位現身) , 但冇可否認007 和 social network 入面的女友是比較俊男美女一點~ (當然帀人位演技也很好) 不過如果講氣氛, 我會覺得瑞典的好一點, 又或者因為這是第一次見這個故事, 所以當時絲絲入扣的情節看得氣也喘不過來~ 女主角會在最重要的關頭save the day, 這點和平時英雄主義一點的男性電影有點不同~ 不過可能有人覺得這本書叫girl with dragon tatoo, 咁應該女主角才是最正的主角, 為什麼好像hollywood 版女主角沒有瑞士版那麼英勇呢? 其實我比較喜歡這個改法, hollywood 版中女主角已經會在適當的時候打救男主角,...
Continue Reading2012 new beginning~
又到新的一年了, 聽聞2012 年係世界末日, 是真的嗎? ^^ 就算係真, 日子都係咁過~ 好希望今年有新的轉變, 我其實係一個好奇怪的人 一方面好鐘意新的改變, 新的事物, 新的東西 但一方面又好懷念舊日的時光和生活 我很喜歡外國的生活, 但一返到香港, 又唔太捨得離開了~ 可能香港實在太多朋友, 太多親人, 太多太多….. 不過又可能唔離開吓, 唔知道香港的可愛可親吧~ ^^ 今次返香港玩得好開心, 不斷gathering, 不斷睇戲(movie 睇咗五套, drama 一套) 日子真係好快活!! 突然真係唔太想返日本了! (可能我實在太懶唔想做PT, 返PT 的日子好痛苦! ) 唉~ 可惜錢唔會自己從天上落下~>V< 2012年! 希望有一個美好的開始~~ ...
Continue Reading