潛水

LiFe-每天的心情小記0 Comment on 潛水

第一次去泳池學潛水 諗唔到俾我想像中難~~ 其實我一向都唔怕水, 不過唔知係咪有D唔慣, 諗唔到就算係泳池入面潛水都有少少驚~ 對用呼吸器真係有少少唔習慣, 第一下潛落水真係驚驚哋, 好似好想快D上黎咁~ 不過練咗一陣好似好D, 係水入面停留都唔會好有想快D上水的感覺~ 希望係海度練習會好D LA~~ 最怕係清鏡! 發現對見唔到嘢個心真係有D怯! =,=  

Continue Reading

張衞健

LiFe-每天的心情小記0 Comment on 張衞健

最近可能太得閒, 唔知黏起邊條癮,好想 睇返張衞健D電視劇黎~ 其實我都唔叫睇得好多佢D劇, 不過都幾鐘意佢做戲的方法 有人會覺得佢誇張, 但我又幾BUY 佢嗰款平時精精靈靈, 但到重要關頭卻重情重義, 對女主角專一的角色~ 記得細嗰時好鐘意睇方世玉, 最近搵返黎睇, 雖然過咗咁多年, 但都一樣覺得好好睇~ 除此以外,西遊記同埋韋小寶都好好睇 係網上搵咗其他冇睇過的黎睇, 不過好多都係得國語, 粵語版比較難搵, 但我都係鐘意聽返DICKY 講廣東話多D~ 前年佢哋開咗BIG FOUR 演唱會, 可惜當時冇去睇, 而家都有D想睇添~~ 記得佢哋4個上D遊戲節目真係幾搞笑吓~ 最鐘意睇D好兄弟一齊上的節目, 哈哈! 又諗起韓國的龍年兄弟啦~~ ^^  

Continue Reading

整蛋糕

LiFe-每天的心情小記0 Comment on 整蛋糕

第一次買團購的整蛋糕, 見到款式幾靚, 而且都幾平吓, 就決定玩一次~ 今次係整伯爵茶朱味力毛士蛋糕~ 聽落去都好似好高級咁~~~ 阿SIR 教得幾好,  不過個蛋糕實在太難整, 冇阿SIR 幫手真係好難整得到! 我估係屋企都冇咩機會整得到GA LA~ 不過第時可以試吓一個簡易版! ^^ 但都未試味, 唔知好唔好食呢? >V<

Continue Reading

聽風者

ReViEw-總會有一點點感想0 Comment on 聽風者

之前冇睇過風聲, 但一直聽人講話風聲好好睇~ 今次聽風者又係麥家的作品, 而且今次演員仲係我一直幾鐘意的周迅同梁朝偉, 仲要今次偉仔係演盲人(我一向都鐘意有D缺憾的角色~ 哈哈~ 好似有D 變態咁~~) 所以由宣傳開始已經好想睇~ 睇完後, 其實個故事唔係差, 演員亦演得好好, 但總係覺得套戲有D平淡, 冇想像中咁好睇~ 有人話套戲媚共, 所以唔好睇~ 對我黎講, 我又唔會因為咁而好反感, 話哂套戲的背景組織701係共產黨的特別組織, 參加得佢就自然係勁愛國的人, 咁當然個背景會係共產黨係好人, 敵對的國民黨自自然然係壞人LA~ 其實我反而會覺得因為哩個設定, 黑黑白白分得太清楚, 所以令套戲流於平淡, 故事唔係唔好, 就係冇咩高潮起伏~ 上一幕周迅知道偉仔鐘意佢, 下一幕就介紹女仔俾佢識, 上一幕偉仔明白周迅唔鐘意佢, 下一幕佢就好橋咁識咗另一個女仔~ 你完全明白套戲點解要咁鋪排, 但就冇咩驚喜, 又冇咩深入角色的感受LOR~ 反而周迅同局長的似有似無的感情, 好似仲令人回味些~ 另外, 套戲除咗梁朝偉外, 全部都係用咗配音~ 當然,...

Continue Reading

兩星期

MiNd-腦海中, 總會有一些思緒在流動著~0 Comment on 兩星期

返咗黎香港兩個星期啦~ 日日都好似好忙都又好似好HEA 咁~ 因為生日的關係, 都係出去食吓飯, 去唱吓K 去睇吓戲咁~ 日日都有嘢做, 都就冇咩實際的建樹~ 工又搵吓, 但都冇咩消息咁 AGENT 又見埋, 但又好似冇進一步的消息 日文又繼續學啦~ 本黎去咗PASONA 考試報COURSE, 但最後覺得時間唔係太岩 決定搵私人日本人教~ (不過好貴吓~~~ >,< ) 電腦整好LA, 日本寄返黎的東西都收拾得7788 亦開始幫家人搵資料搞網上的團購 (不過真係有D無從入手) 好多嘢想報黎學, 想學潛水, 想繼續學返油畫, 壁球同KICK BOXING (或者應該係要學返琴先~ ^^) 太多嘢想做, 但連工都未搵到, 冇錢呀~~ 突然覺得生活好似唔係好實在咁添! 都係有返份工做會好D~~~~~

Continue Reading

Total recall

ReViEw-總會有一點點感想0 Comment on Total recall

一套出色的電影, 大約二十年左右就會俾人翻拍一次~ 1990年拍的TOTAL RECALL 一直係科幻片的經典之一, 當然唔會錯過重拍哩套的機會LA 舊版的TOTAL RECALL 我都係電視睇過, 其實大部份大隻佬阿諾的戲都睇過 可能自己最鐘意TERMINATER 系列, 所以對哩套冇咩太大印像 淨係記得最後條橋好震撼, 因為知道咗主角真正的身份! 過咗20年, 電視太大太大TWISTED 的結局或者橋已經用過 當時好震撼的結局, 而家睇返亦不及如是~ 新一套的特技當然比舊嗰套好好多, 不過因為出色的科幻片已經睇過好多, 雖然做得出色, 但亦冇咩太大驚喜~ 所以而家觀眾要求就係好高GA~ 唯一覺得女奸角真係好型吓~ UNDERGROUND 系列冇睇過, 但佢真係打得好型好睇~ 佢真後就咁死咗真係可惜! 留返條尾巴好似會好睇D~

Continue Reading