整蛋糕 2

LiFe-每天的心情小記0 Comment on 整蛋糕 2

第二次去玩整蛋糕, 今次同咗媽咪去整~ 地址係西九龍中心的蘋果商場 地段方面, 不過門面實在太細 上次去觀塘嗰間好好多~ 而且我覺得上次阿SIR PRO D, 而且又有NOTES, 個蛋糕整出黎又靚D 下次都係要買返上次嗰張COUPON 抵D! 今年中秋節實在有太多嘢食, 又有月餅, 生果, 仲有我哋整的兩個朱古力蛋糕! ^^

Continue Reading

蘭桂芳食日本嘢~

DiNiNg OuT-今日, 你有享受到嗎?0 Comment on 蘭桂芳食日本嘢~

學日文的同學帶咗我哋去佢一向去開的日本料理店食日本嘢~~ 十分豐富又美味的一餐 刺身同埋龍蝦湯底的拉面勁好味~ 雖然之前已經食咗一餐中秋飯, 但都引唔住口食咗好多嘢~ 發現自己真係越黎越大食, 唔怪得越黎越肥LA~~ 😛 最後返屋企搭地鐵走時, 竟然去到彩虹就”終電” 返唔到黃大仙! 哈~ 住日本時都未遲過”終電”, 諗唔到返黎香港就試到添~ 好彩有ANNE SAN 車我返屋企咋~~~~^^

Continue Reading

萬曆十五年

ReViEw-總會有一點點感想0 Comment on 萬曆十五年

這次是進念.二十面體的《萬曆十五年》的重演~~ 因為係朋友叫我去睇, 所以事前冇咩做功課, 淨係知係歷史話劇, 但並不知係改篇自歷史學家黃仁宇的同名小說~ 所以同普通的話劇不同, 係比較多對白的話劇~ 岩岩睇有d 唔慣, 不過雖然佢講咁多嘢, 但其實內容好有意思, 而且做得好好,係一套好劇!! 劇中演員演技不慍不火, 雖然冇咩背景設計 , 對白亦古雅而又複雜, 但演出流暢自然, 難不倒他們~~~ 萬曆十五年雖然只是平平無奇沒有大事可記的一年, 但黃仁宇卻覺得這一年是明朝滅亡的起因, 他用七個角色的背景及經歷, 帶出所謂「儒家思想」什麼「君君臣臣、父父子子」,只是一堆于腐守舊,滅絕人性,拑制人民思想的八股文, 亦是儒家思想帶來的假道學是如何的庸人自擾和不切實際。 全劇的中心思想好好, 不過唯一我覺得實在太多對白, 冇咩留白俾觀眾思考~~ 所以我覺得應該小說會更加好, 可以俾讀者有多d反思的空間~~  

Continue Reading

DAVE CONCERT

ReViEw-總會有一點點感想0 Comment on DAVE CONCERT

幾經辛苦先去到睇CONCERT~~ 個場開三面再加前面放椅做貴賓區, 幾好FULL 吓, 有九成以上~ 我估應該同紅館差唔多人數LA, 氣氛都唔錯, 個個都睇得好投入 但係前面貴飛D人又係未聽完最後一首歌就走, 同香港其他演唱會一樣, 證明又係前面貴飛的好多唔係FANS, 可能只係有關係拎到飛的或者係送飛的~ 成個RUNDOWN 幾好, 好多舊歌, 新歌冇咩(不過其實DAVE都冇咩新歌LU~ ^^) 唯一唔好係音響係室外始終係差DD, 我都係鐘意室內多D~ 印像中的RUNDOWN, 唔知有冇錯呢~~ ^^ 萬歲 傷心1999 是否我一無所有 不浪漫罪名 讓我永遠愛你 說謊的女人 不孤單 Hello 回家 紅塵有你 英雄淚 ?? 從來未愛過 人在風雨中 忘了你忘了我 心痛 你怎麼舍得我難過 每次都想呼喊你的名字...

Continue Reading

消失的子彈

ReViEw-總會有一點點感想0 Comment on 消失的子彈

因為鐘意睇sherlock holmes, 見佢話想打造一個華人的sherlock holmes, 所以雖然好耐冇睇港產片, 但都入場棒吓場~~ 故事其實都唔錯, 特別鐘意劉青雲的角色, 真係幾funny 得黎又幾有性格 謝生之前唔係太鐘意佢, 其實而家睇返, 佢都幾靚仔~ 演技呢? 雖然佢拎咗影帝, 但始終同劉青雲有d 距離~ 但全套戲我自己覺得最差都係配音! 每一次睇中港合拍的電影一定係咁~ 雖然係講廣東話, 但勁唔地道, 勁造做! 劉青雲叫配得幾好, 謝霆鋒就真係…. 唔知點講, 或者佢把聲同佢角色實在太唔夾 佢明明做一個火爆一點的警察, 但好奇怪咁佢把聲勁柔, 而且有時講d地白太文皺皺 劉青雲的係”文” 警都冇佢咁文皺皺, 係咪好古怪呢? 上次睇聽風者又係咁 唉~ 結局好多人都唔覺得差, 我自己就覺得完全在意料之內, 冇咩奇怪! 只係對佢點解要咁做的動機其實冇咩清楚說明, 點解一個正義的警察會有這一個念頭呢? 搞到謝生的角色太過蒼白,...

Continue Reading

最後的晚餐

ReViEw-總會有一點點感想0 Comment on 最後的晚餐

幾有驚喜的一套話劇 雖然只有2個角色(哈哈, 諗唔到最後會有多一個), 佈景亦只是簡簡單單的唐樓設計 內容亦只是阿媽與阿仔食晚飯時的對話, 但卻演得精彩, 看得投入 兩個演員的非常好戲, 劇本好, 對白地道得黎非常貼入香港人的心 他們兩個生活得絕望, 關係亦疏離, 但是在他們內心的深處, 還是很愛對方的 母親雖然有少時無知, 在18歲時便生下兒子, 她可能不懂怎樣愛兒子, 但她確實是愛兒子的 兒子不喜歡這個家, 或者說他很希望有一個正常的家, 只是不喜歡有這個爛賭愛打人的父親 在兒子心中最愛的是母親, 他也希望得到父愛, 可惜一直也得不到 自少便因為父親毒打他而在保良局長大, 所以養成他悲觀的性格 這次晚餐, 也是他們本黎打算輕生前的最後晚餐, 所以他們把一直藏於心底的話說出來 其實說出黎後, 問題是沒有解決的, 但在我心目中想, 他們應該不會再輕生了 因為就算他們真的是沒有人留意的兩個飛走的氣球, 最少他們也知道自己不是世界唯一孤零零的, 還有一個氣球在身旁 結局爸爸回來了, 性格一樣暴躁自大, 究竟最後他們會否實行之前說笑般要殺死他的大計呢? 究竟爸爸死了會否把問題解決呢?...

Continue Reading

the hollows

ReViEw-總會有一點點感想0 Comment on the hollows

哩個星期真係睇得drama 多la, 一星期睇3套~ the hollows 係agatha Christie 把自己小說改篇的推理舞台劇 故事發生在英國郊區的一間大屋內, 是典型的偵探小說佈局 入面的人物並不多, 不過每一個又和死者有千絲萬縷的關係 表面上每人也喜歡死者, 但實際上每人又有恨他的因素 不過agaha christie 大部份小說成功不在於布局的精妙, 而在於人物心理設定上的精巧 人性的描繪是她小說中最出彩的一環 翻譯劇我一向都好鐘意, 因為最少劇本可以有質數的保証~ ^^ 有時好怕一d 眼高手低的創作劇, 不過每人也不能一步登天, 都要俾d時間佢慢慢實驗吓~~ ^^ 希望下次可以快d有d高質數的翻譯劇繼續演出la~!  

Continue Reading

賈寶玉

ReViEw-總會有一點點感想0 Comment on 賈寶玉

一套已經想睇好耐的舞台劇 今次返香港咁岩佢第三次重演, 當然要即刻買飛睇LA~ 神瑛侍者重返白茫茫的太虛幻境,發現對自己的種種過去、凡間往事毫無記憶,感到非常困惑。不甘忘記過去的他,要求警幻仙子重新讓他再次下凡,重新經歷一次 塵世間的貪嗔癮愛,臨行時警幻仙子叮囑他即使預知「未來」,亦不可以改變別人命運,只能忍痛經歷一切。頓時,神瑛侍者再次化身成賈寶玉回到賈府內,就在林妹妹進入賈府的那一天。 故事大部份也是根據紅樓夢的原著, 不過就加咗作者的觀點落套劇做改編~ 我對今次話劇的編排其實都幾鐘意, 特別係前言用倒敍方式介紹紅樓夢一書的第一幕~ 這個安排對我哩D 略知紅樓夢大概但沒有睇完全書的人特別合適~ 全劇的佈景我個人都好鐘意, 雖然沒有華麗的裝飾, 但卻很有FEEL, 特別係幕後飄雪那一幕, 真係好詩情畫意~ ^^ 演員方面都幾特別, 全劇13個演員全是女生, 所以男性的角色也是他們反串演出~ 何韻詩反串賈寶玉的扮相都好詩好, 有點孩子氣的賈寶玉很可愛, 而且唱歌亦好好聽~ 不過後半部比較深情的地方HOCC 明顯沒有其他科班出身的演員做得咁好, 有少少力不重心的感覺~ 不過哩D都係經驗的問題, HOCC 主打係唱歌, 佢已經做得唔錯~ ^^ 但有一點我唔太滿意, 就係本黎套劇的主旨好好, 就係因為賈寶玉重生的關係, 所以佢已經知道未來會發生什麼事, 所以好多事都可以有另一個角度去睇~ 就好似賈父打他一段, 便可以從另一角度睇出賈父的用心~ 先不理這個是否太現代, 或者是否曹雪芹真正的想法,...

Continue Reading

第一次潛水~

LiFe-每天的心情小記0 Comment on 第一次潛水~

上次去咗泳池難潛水, 今次出海第一次真潛水 一早去西貢碼頭出發去橋咀潛水, 天氣好好,  勁哂 以為陽光好D水應該會清D, 諗唔到比上次同班潛水同學去潛時更濁~~ 唔知係咪因為哩個原因, 竟然潛水時唔敢潛落水, 勁驚!! 發現自己真係好細膽吓~ 其實不嬲我都好細膽, 哈哈~ 做每件新嘢都會擔心, 不過我個人另一方面又鐘意試新嘢, 所以會迫自己唔好咁細膽~ ^^ 搞咗好耐先潛到落水, 好彩最後都冇事, 但都煩咗阿SIR 好耐~~ 都有D內疚添~~ 不過潛咗落去就唔驚LA,第二次的潛水都好順利 希望下次都十月最後兩次潛水一樣可以順順利利LA~~~ ^^

Continue Reading