SiNyI's BlOg

今年電影節的第一套電影! 電影同戲名一樣, 就係講YSL 的一生 年輕有才華的帶了害羞的藝術家, 天才的fashion designer. 我對fashion冇咩認識, 不過入面D衫真係好靚 人靚衫靚 不過唔知係唔係越美麗的東西便越墮落! 感情生活同私人生活可以話係一團糕! YSL 估計可能同好多藝術家一樣, 但係雙性戀? 或者係唔係對美麗的東西便越要想擁有呢? 他第一個想MARRY 的是美麗的MODEL VICTORIA 之後他遇上本身已經名草有主的Pierre Bergé 對方和YSL 性格剛剛相反, 雖然沒有那天才般的fashion 觸角, 卻是一個堅強穩重的商人 若沒有Pierre 的幫助, YSL 一定不能有今天的地位 Pierre 在戲中便像是YSL 的賢內助, 他幫他集資, 建立自己的品牌 把一切YSL 不懂做或者叫不想做的世俗事通通也打理得井然有序 在我眼中, 這個故事根本是一個美麗的愛情故事 說真的,...

又是另一套OSCAR 的入圍作品, 更加是最佳原創劇本的得主, 所以可能有多D期望 其實套戲唔係唔好睇, 不過冇我想中的浪漫同吸引, 或者應該講只係不是我杯茶, 劇本還是出色的 電影由《玩謝麥高維治》《何必偏偏玩謝我》金像金球提名導演、並憑本片榮獲金球獎最佳劇本的史碧鍾斯(Spike Jonze)自編自導自演, 講述一個離婚的專業代筆寫信服務員 與一部AI 電腦OS 的一段愛情. 男主角的生活得非常中產，但因為與青梅竹馬的妻子搞離婚，而而心碎傷悲內向封閉，又不願與好友分享內心感受，基本而言他是毒男一枚，醉心於網上聊天室，但現實中卻不擅表達真實的情感。但是他卻可以和熱情天真的AI 秘書放開懷抱去述說心事, 從而發展出一段感情 不過我諗唔到睇到中段我竟然會訓著咗一陣, 哩樣嘢我睇戲絕少發生! 唔知係咪太攰或者我唔係太鐘意個故事掛! 至於女主角，即係嗰個AI 秘書, 係由性感女神Scarlett Johansson聲演，SCARLETT 的聲線懶慵感性，的確迷死人! 不過我不滿意或者叫不太喜歡套戲的是那個AI 實在太HUMAN, 其實咁HUMAN , 何必要話佢係一個AI OS 呢? 簡直同一個普通LINE 友冇分別, 唔知係咪因為哩一點, 我真係唔太代入到入套戲入面, 我成日都會覺得會有一個真真正正的人出黎, 但咁又失去咗套戲本身的意思! 可能真係咁諗黎諗去, 令我失去咗代入哩套戲的情節掛!...

一套OSCAR 好受各方盛讚的電影, 講述一個身為自由人的黑人solomon俾友人出賣, 賣咗做SLAVE, 之後過咗12年刻苦的生活, 先可以返到自己親人的身邊! 電影不只是告訴觀眾所羅門發生了哪些可怕的事件或者是交代那些事件有多麼駭人恐怖而已，他把那些時刻和周遭其他人的回應一起完整呈現。 電影中有好心的主人, 佔有慾超強的主人, 販賣黑人的商人, 還有最後好心幫助主角的加拿大人 在這個時代, 販賣黑人, 把黑人當奴隸來工作是當時的法律, 就好像古時的中國一樣, 女性亦被一些在現今看似無理的法律所管束 在當時, 可能有人不喜歡這個制度, 但真正會反抗的又有多少呢? 好像影中卷福做的好心主人FORD, 他有同情心, 愛護主角, 知道他懂小提琴會買一支小提琴送他, 亦接受主角俾他的ADVICE 雖然他內心是當主角是自己的員工而不是奴隸, 但當主角和白人有衝突時, 他也只好為求自保把他賣給另一位白人 另一個主人是比較躁狂和佔有慾超強, 這些黑人在他心中只是自己的物品, 他並沒有把他們當人類看代 看到這里, 我完全不明白為何一個信奉基督的國家可以有一些咁邪惡的人 他迷戀女奴Patsey, 但亦當她是自己的玩物 patsey 是一個可憐人, 她沒有迷惑主人的手段, 但也受盡女主人的凌辱, 簡直生不如死! 其實當時的黑人是否奴性太重,...

正所謂家家有本難唸的經, 哩套戲絕來係表現哩句說話的佼佼者，故事發生在一個炎熱的八月, 在一個美國城市, 故事由戲劇改編，非常的Dramatic。母親精神有問題，藥物依賴，口腔癌症，還抽煙父親多愁善感,，本是一個作家，但多年來鬱鬱寡歡，喜歡飲酒　最近請了一個工人照顧妻子後，便離家出走跳湖自殺。。三個女兒似乎對這個大家庭都沒有留戀之心，長女婚姻破碎，有個叛逆女兒；二女兒與自己同父異母的哥哥相愛，自己卻被蒙在鼓裡；三女兒換 男人如換衣服，拜金至上。 一個看似普通的家庭，因為這件悲劇，便聚了在一起舉辦葬禮。這個家庭裡，母親與女兒之間的關係如針尖對麥芒，唇槍舌劍，樂此不疲。二女兒已是最溫馴的一個，留了在這個城市照顧母親。但大女兒明顯是家中最得寵的一個，卻因為自身的發展離開了城市，小女兒亦因為拜金的關係，亦去了加洲發展。只是這幾天短短的相聚，家人不能沒有互相關心，互想支持，反而母親的毒舌揭開了所有的傷疤，她亦好像有目的就要令所有家庭成員發怒一樣，就像電影 裡表叔所說的：“我不明白你們家裡為什麼這麼多爭吵，和諧相處難道很難麼？” Meryl Streep一樣是薑是老的辣，將如此精神不正常的角色表演得非常精彩，和《Blue Jasmine》的CB表演同樣出彩。大嘴Julia Roberts的是爐火純青，爭吵發火的表演實在豔壓群芳。其他男配角亦粒粒皆星，因為我一早已知卷福會做這個文弱的表弟，所以沒有驚喜，反而看到留了一面鬍子的Ewan，卻實在很有驚喜，記得上一套睇已經係GHOST WRITER,除此以外Cooper、Margo這些實力派 甘當綠葉，為電影簡直是錦上添花。 雖然話家家有本難唸的經，但係講真，如果這個家的人個個坦誠相對，又會唔會有這一連串的事發生呢？又會唔會到最後那年老的母親只淨低女傭可以相似為命，所有子女都離她而去呢？  

因為有MATT DAMON, 亦有GEOGRE CLOONEY,而且見到題材幾吸引,所以先被佢吸引去咗戲院睇~ 其實故事真係唔錯,幾有意思 一班藝術家為咗保護成千上萬的藝術品不要落入德國狂人的手內,所以要去前線諗辦法偷返D藝術品原璧歸趙 但我覺得故事拍得比較平淡, 高潮起伏位唔太夠,就算入面有兩個隊員犧牲了,亦不覺特別感人! 可能因為GEOGRE CLOONEY 做導演的技巧未必熟練, 希望佢下次會更加進步啦 不過戲中卻有一點好值得思考,究竟人命重要定係藝術品重要呢? 人命無價,但藝術品一樣無價, 兩者可為輕可為重呢? 戲中講, 你破壞村落或者毁人命, 人們總有翻身的機會, 但你若破壞了一個文化的基礎, 人們便失去靈魂, 如空氣的灰塵一樣 大家又是否同意呢?

睇完套戲,第一組詞語黎形容就係”墮落” 真係好墮落! SEX AND DRUG 哩兩組詞語亦已經可以講哂全套戲~ 究竟平時見到的金融才俊係咪好似戲中角色一樣咁荒唐無道呢？ 係咪會妓女吸毒樣樣齊？一日唔吸毒，一日返唔到工呢？ 電影主角 Jordan Belfort 是一位股票交易人，華爾街上班，因為經歷經融風暴，失去工作，因為第一任妻子的鼓勵，輾轉到一家小公司上班，賣一些細股，卻因 此得到靈感，自己開公司也自己訓練員工。公司越開越大, 造市等等樣樣齊全, 雖然越來越多, 老婆亦換咗個性感尤物,但卻吸毒成癮, 最後落得洗黑錢啷噹入獄。 LEONARDO DICAPRIO 演的主角非常出色，張力十足。其實佢一向好適合做哩類型的角色，帶少少PASSION, 再加少少CHARMING的角色佢一向架輕就熟，而且可以話冇咩邊個可以能出其右。 我自己一向都好鐘意LEONARDO，佢做的電影我大部份都有睇過，我一直都覺得佢好似劉華咁～　好有毎人魅力！　不過評審團一向唔係太鐘意哩Ｄ演技咁外露的藝人，我估應該係咁影響咗佢得奬的機會！其實佢咁多年都未拎過奧斯卡最佳男主角，的確有些可惜！不過影壇上有能力者彼彼皆是，拎得男主角的個個實致名歸，雖然佢俴唔到係有Ｄ可惜，但都冇辦法ＬＡ～　唯有下年再努力過！ 亦希望佢有朝一日可以做到OSCAR 的最街男主角LA!