佔中搞咗成個月, 都冇咩起色 其實成為香港人都真係唔太開心 我當然希望政府可以做好自己本份, 唔好淨係做傀儡, 可唔可以有少少政治抱負, 為吓香港人著想呢? 不過諗黎都冇用, 佢哋都係想做好份工就算GA LA~~ 不過睇吓D得意嘢~ 自從LION ROCK 上的”我要真普選”後, 其實我覺得香港人都真係幾有創意 咁和平又出位的方法都諗到 哈哈! 我好鐘意新出哩一SET 標語 好FUNNY
Continue ReadingHappy Birthday Mami
今次係食得最豐富的一之牛角~~ 媽咪同三姨丈生日, 當然要叫得豐盛D LA~~ 最後又有甜品, 又有生日蛋糕 好滿足呀!!! 希望媽咪每年都開開心心, 身體健康!
Continue Reading一票難求黃子華?
真係幾鐘意黃子華~ 佢做電影麻麻, 電視劇OK, 唔錯, TALK SHOW 更好 佢講D嘢有得思考吓得黎又幾幽默, 最好係唔太粗俗 可以話係雅俗共賞 講環保, 講佔中, 我唔知其他人點睇, 但樣樣嘢我自己都好岩聽 好鐘意佢講咁句, 警察好專業, 但放催淚彈唔專業MA, 成廿年先放一次 班示威者又唔係專業示威者, 兩樣唔專業搞埋一齊, 咪係一場誤會LOR~ 其實都係 大家唔好去得咁盡, 政府唔好一次要WIN 哂, 佔中又唔可以為中央一定要聽哂自己話 有談判空間咪幾好 可惜政府一味強硬, 咁GA 政府, 仲有咁多人支持! 其實我都好懷疑可能香港真係未係時間有民主, 因為實在太多人當民主TAKE IT FOR GRANTED 根本佢哋覺得冇需要 如果真係咁多香港人都咁諗, 係咪應該要再教育吓或等吓時間過去先呢?! ...
Continue ReadingTHE JUDGE
其實哩套因為有ROBERT DOWNEY JR. 就算冇免費飛我都會去睇 但咁橋又有免費飛, 當然唔好浪費LA~ 見到外國CRITICS 評語麻麻, 但觀眾又幾BUY WOR~ 我自己係一個普通的觀眾, 我又覺得幾好睇 兩個主角演得實在好 一個小鎮的法官爸爸, 係一個嚴父, 對三個仔自小都好管教吓 ROBERT DOWNEY JR 現今係一個大律師, 為咗錢同邊個打官司都冇所謂 但因為同爸爸有不和, 所以廿年都沒有返屋企 因為媽媽的過世, 所以只好打破多年的誓言, 在有生之年都要回鄉一次! 返到鄉下, 當然開心見到哥哥與弟弟, 但係就同爸爸都冇咩兩句 諗住去完媽媽FUNERAL 就返CITY, 點知爸爸卻突然被拉 話佢開車撞死人, 仲要係撞死一個當年因為一時心軟而只判30日而令他再有機會出黎殺人的人 佢入獄二十年, 剛剛出獄冇幾耐, 就俾法官大人撞死咗 係哩場官司上, 仔同爸爸的感情再次建立 佢亦明白當時點解爸爸要親手拉佢...
Continue ReadingGONE GIRL
一套純粹的劇情戲, 冇特技, 冇3D, 但導演講故事的技巧好好 一步一步咁帶出AMY 與NICK的關係, 一對本身相愛的夫婦何以發展到哩一步! 亦都一步一步為你拆解AMY 的真面目, 真性格 對我諗講, 係INCEPTION 後, 一套我覺得”講”故事講得好流暢的電影 睇完後, 覺得AMY 真係好恐怖 佢話係為咗NICK 所以先扮好鐘意的”COOL GIRL” 而佢亦覺得NICK 因為AMY 的完美以進化, 所以亦變成AMY 心目的MR. RIGHT 本黎係有金錢的基礎上, 雙方中產式的生活係非常愉快的 雙方有品味, 郎才女貌, 的確十分相襯 但可惜佢哋只可以共富貴, 卻不可以共患難 當大家都失業時, 要為金錢傷神時 大家的真性情就開始出現 NICK 亦開始不愛這樣的AMY, 有AFFAIR,...
Continue Reading和平與暴力 順服與抗爭
最近香港就係變得不再似香港 一直以為香港好和平, 其實都仲係, 之前去旺角佔領區行過, 覺得每人都好和平 大家都只係覺得嗰87個催淚彈實在太令人寒心 大家也希望可以向政府說聲”不” 全條彌敦道冇哂車行, 巴士亦因為之前突然的佔領而停咗係度 巴士好似變咗民主牆咁, 大家係上面貼變不滿政府的單張 但根本上我覺得還是和平的 沒有破舊巴士, 冇燒車, 條街仲要好衞生, 有學生主動執垃圾 咁有質素的示威者, 仲可以去邊度搵?? 不過哩個可能係我個人的感想 我大部份朋友都係黃絲帶的 但仲有一小部份人諗的東西同自己不同 我意思係話我身邊的朋友, 並不是講其他香港人 聽聞有好多年老一輩的都支持政府, 年輕的就支持佔中 搞到好多家庭不和, 罵成大架 不過我自身冇咩哩方法情況發生, 因為大部份親朋好友都同一陣線 不過總有小部份不支持 香港嘛, 當然係自由的地方, 每人諗法不同好正常 但又令我重新思考, 究竟大家同一地方生活, 以為大家都係香港人, 點解諗嘢會咁有分岐呢? 年老一輩的想法同自己唔同可以理解, 但點解同自己差唔多年齡, 差唔多教育程度,...
Continue Reading狗狗日AGAIN
今日本黎約黎LILY 黎, 諗住男女男咁~ 但好可惜明明約兩點, 但要三點先黎到…… 唉~ 最後見得嗰5分鐘我哋要趕住走 真可惜! 只可以等下次再玩過LA~ 不過KIETH 識咗個新朋友, 勁玩勁跑 好開心咁WOR~~ 但我都好開心, 因為哩隻”走失狗”FEEL的狗仔今次終於有歸家之心 佢見到冇朋友, 終於識得跑返黎我哋嗰度 希望下次繼續有進步! !
Continue Reading