PK

ReViEw-總會有一點點感想

一套好笑又會令人反思的電影, 講外星人眼中的地球宗教! 好有意思, 如果香港上正場我推薦大家睇~~

故 事一開始外星人降落到地球, 可惜被人搶走了與母船的通訊器,導致他有家歸不得,為了尋找通訊器,他流浪到德里,在那裏眾人都告訴他想解答疑惑就去問神,因 此他為了找到通訊器的下落,他信了地球上所有的神明~印度教、基督教、回教、天主教、錫克教等等,當然最後單細胞動物直線思考的他還是沒有從神那裡得到任 何回答,反而得到一個名字"PK"(北印度語叫醉漢)。

睇過幾套印度電影, 包括3 IDIOTS, English Vinglish, 小失戀大旅遊等等, 全部都有好意義, 思想正面得黎又幾感動~

今次的主角係3 IDIOTS 中的男主角, 佢應該係印度好出名的男星, 我覺得佢做戲都幾好, 感情幾細膩

電影故事有趣, 但亦會另人反思一下宗教的意義

如果你個神真係愛你, 點解要你做咁多嘢先敢幫你呢?

就好似PK 咁講, 佢覺得哩個地球有兩種神, 一個係真正的造物主, 一個係人類自己創造出黎的神

其實道理好簡單, 不過故事說得動聽得黎又唔老土, 搞笑得黎又唔無聊, 的確係一套好戲!

而男主角暗戀女主角的一段亦好感動, 佢最後帶哂一盒盒的電芯同埋女主角的錄音帶返星球, 真係好TOUCHING

而女主角同前男友的”誤會”, 亦係一場美麗的誤會, 最後解開咗哩個誤會亦非常動人!

 

 

 

Leave a Reply

Your email address will not be published. Required fields are marked *