好耐冇睇過TIM BURTON 同JOHNNY DEPP 的電影
雖然知道哩套做得續集都麻麻哋, 但都要去支持一下~
TO CERTAIN EXTENT, 套戲的美指真係做得好靚, 不論服裝定係場景, 或者到一些小節, 或係嗰一個TIME 魔球 (唔記得個名), 都做得好有奇幻的美感~
其實全套戲可以講ALICE 的成長, 由不顧一切的冒險, 到考慮到身邊的家人, 是成長的一大關
當然最後結局上, 媽媽亦因為對ALICE 的愛作出一些改變
所以人其實幾多歲都可以改變, 只係睇你對要你改變嗰個人或事有幾愛啫~
角色方面同上集差唔多, 不過多咗一個”TIME”
其實我幾鐘意哩個角色, 佢絕對唔係一個奸角, 仲一個好有負任感的人~ 可惜鍾意咗紅心女皇係佢人生最大缺點 (哈哈) 點解會鍾意哩個惡女人呢?
不過今集話你知, 每個可憎之人都有他們可憐之處, RED QUEEN亦不例外
當然, 我唔太明點解撞親個頭會令人行為變易得咁利害 (不過應該主要係她的妹妹的大話的憎恨做成)
但RED QUEEN 都有她變壞的原因
反而我覺得HATTER 的特變有D 突尤, 唔係好明點解思念父母會思念到就死咁
或者只可以講哩個國度係一個好奇幻的國度, 唔駛點解釋LA~~
ALICE 做一切去拎個魔球改變過去, 但發現過去是不能改變的, 但卻可從中學習到一些東西
不論是親情或友情
這一點是我最喜歡這套戲的THEME, 覺得很有意思
過去雖然不能改變, 但因為你從中學習到一些東西, 所以未來是可以改變的, 傷痕是可以修復的
其他黎講, 劇情雖然有些牽強, 但主題我卻幾鍾意
如果鍾意睇TIM BURTON 風格的電影, 其實都值得一看~~