先講講上一集的寒戰, 有D人可能唔鐘意, 但對我黎講, 除咗某D 劇情太誇張外, 我覺得上集寒戰幾有新意, 我幾LIKE 吓~
首先, 好少香港電影中的主角會係一D 咁高級的警務人員, 以前可能高級督察已經係主角, 再上司一D 咁D 只會係配角
但寒戰卻將主角配角們的職級提升好多, 的確幾有新意
講返今集, 其實故事大框架係OK 的, 但有幾段情節實在太誇太離地, 冇咗真實感之下直接影響套戲的欣賞性
就好似發哥的世姪女歐侓司咁, 佢又唔係偵探, 有咩可能可以咁樣跟住一班人好幾日仲要得自己一個女仔呢?
佢可能真係覺得香港治安好安全! 我估唔駛到最後, 觀眾見住佢咁死跟法, 都一早估到佢有咩下場
第二, 李SIR 班舊手下又係勁過份! 上集彭于晏個角色雖然講話做大事要有人犧牲, 但佢個感覺都似係自己做開嘢嗰班人唔介意犧牲! 但今集佢哋好似變咗ISIS 咁, 連D 平民都唔理, 係咁拎支槍出黎就係TUNNEL 入面射
先唔好講點解對付一個拎住一支手槍的便裝的署長要用到幾支機槍黎對付, 唔理D無辜者唔該都諗吓如果D 車著火係條TUNNEL 入面佢哋點走呀??? 完全唔合理
而且哩班恐佈份子個個由拎起機槍嗰一刻, 我已覺佢哋全部死有餘辜, 根本全部都抵死, 李SIR 仲好意思話佢個仔唔抵死!! 汗!
第三, 嗰班人做咁多人就為咗李SIR 上位, 唔想要郭富城! 咁樣, 做得咁多無聊嘢, 倒不如搵人暗殺咗佢咪算數LOR
真係好奇怪!
不過, 套戲都可以叫咗緊湊同刺激的, 當然, 佢一定有第三集LA! 但咁睇個幕後黑手唔知係中方?
咁冇得玩LA, 正義咁邊主角們可以收山, 都唔駛鬥LA~~
P.S. 我估李SIR 係忠的, 佢做咁多嘢應該係無奈但想搵出最後黑手先做掛, 估計佢個仔搞成咁, 佢最恨嗰個應該係個黑手!