哩類有點勵志的電影又帶點趣怪人物的電影一直係我喜歡那杯茶, 之前電影節時已上咗一套法國版
因為故事出色, 原來荷里活已經買咗黎拍, 仲搵咗好戲之人MERYL STREEP 去做 (不過其實除咗佢都冇咩邊個適合哩個角色)
上次法國咁套唔錯, 有D 黑色幽默, 不過結局又有一絲黑暗, 講真, 雖然法國版人物出色, 但主旨我唔係好明白佢想講咩
特別係嗰個同女主角影相的僕人, 佢對主角的放任與對她難聽歌藝的諸多掩蔽及鼓勵, 並不如HOLLYWOOD 版丈夫以及身邊朋友對她的愛, 只是為咗一己私心, 去完成自己心目中的藝術照~
所以相對黎講, 我比較喜歡HOLLYWOOD 版哩套, 喜歡故事的正面與及愛 (哈哈, 大多數HOLLYWOOD 戲都係咁, 冇其他地方的電影咁黑暗) 你話我OLD SCHOOL 都係咁, 我就係鐘意一D 咁正路的主題~
今次我特別喜歡主角同丈夫之間的關係, 法國版只看到丈夫愛主角的金子銀子, 見佢唱歌咁差仲出醜佢係會覺得ASHAMED 的
反且個小三要勸返佢返老婆身邊
但HOLLYWOOD 版就好正面的夫婦之愛, 你會見HUGH GRANT 一副唔駛同我講佢唱得好難聽, 我知, 但因為佢係我愛妻我要令佢開心所以點都要呃住佢~~ 雖然佢有小三, 但你會感愛到佢係好愛女主角, 而且係更高於年輕貌美的小三~ 最後佢同年輕琴師的行為雖然好笑, 但都幾感動~ 可惜紙包不住火, 最後女主角都係得知真相
最後女主角雖然知道自己一直係別人的笑話, 但觀眾可以睇到入面有D角色雖然開頭係笑佢唱得差, 但最後演唱會時, 女主角唱功冇變, 但她的真心卻令那班笑她的人話她護行, 他們是真心支持女主角的, 就算佢真係唱得好難聽
最後臨死前女主角的一番話, 亦好令人感動~ 人們也許說我不會唱, 但冇人會話我冇唱過, 其實就好似點五步咁, 只要有努力過, WIN AND LOSS 又有咩所謂呢?