Manchester by sea

ReViEw-總會有一點點感想
Image may contain: 2 people, text
睇咗幾套OSCAR 的電影, 雖然今年好似冇咩邊套係好神級或者一睇我就好鐘意的 (上年我最鐘意係ROOM), 但LALALAND 同埋比較大眾化的HIDDEN FIGURE 其實都唔錯~ LALALAND 雖然係OSCAR 上好搞笑咁食咗個炸糊, 但個人覺得, 其實OVERALL 黎講, 我覺得佢都的確唔錯 (雖然有好多人覺得佢故事簡單, 比較悶咁, 但我個人覺得以MUSICAL 黎講, 其實HADNLE 得唔錯)
講返哩套電影, 其實哩個故事仲簡單, 就係講男主角因為大哥死亡, 所以返咗故鄉照顧姪仔, 但因為佢有一件好傷心的憾事, 所以佢就STUGGLE 係是否可以再留係哩個地方. 故事真係可以一兩句講哂, 但入面的情感非常細膩,唔係令你要痛哭的悲愴, 而係那一種淡淡的卻揮之不去的悲傷.
 
男主角亦真係演得非常好~ 佢冇非常大情緒的波動, 除咗一兩幕之後, 特別係警局嗰幕, 我覺得做得非常好! 但你會見到佢嗰種生無可戀的悲哀的確很濃烈~ 其實故事中, 作為當時人的家人都可以話原諒咗男主角, 特別係佢前妻, 但你可以見到反而係鎮中的外人唔想接納男主角, 再者, 就係男主角自己根本唔想原諒佢自己. 對身邊所有可以令佢MOVE ON 的人, 你都見到佢會靜靜推開, 因為他覺得自己根本唔DESERVE 有一個開心的生活, 或者簡簡單單的HAVE A LIFE都唔應該有. 所以佢前妻再見到佢時已發現到哩樣嘢, 對於前妻黎講, 心內的創傷永遠不會磨滅, 但係佢已有新生活, 亦剛剛生咗一個小孩, 所以佢先特別想男主角可以好似佢一樣MOVE ON 落去, 不要再好似一個活死人一樣. 這幕我亦很喜歡, 前妻說她的HEART 已BROKEN, 所以她之前才說出一些很難聽的說話, 但男主角卻說他已內心已什麼都沒有, 什麼都FEEL 不到….. 這種悲哀, 真係演得很入心
 
故事開頭推動有D 慢, 而且穿插在幾年前及現在, 但漸漸你會知道發生了什麼事, 是怎樣的悲劇令男主角由一個PARTY GUY 變成今天這樣的傷心人.  一幕幕的推進, 漸漸令觀眾代入了這個故事及主角中. 男主角與姪仔的互動亦是故事中另一段動人的故事. 兩個一無所有的人, 雖然結局不是大團圓的結局, 但我覺得姪仔其實已令男主角打開了一點內心, 他願意或者開始再次接納一個人進入自的的生命. 
 
男主角內心的創傷其實係大到永遠也不會痊癒的, 不過漸漸地, 希望他與姪仔的相處, 可以令他一點一點地的癒合, 不會再是血淋淋的傷口, 希望他可以再次接納他人進入自己的生命.

Leave a Reply

Your email address will not be published. Required fields are marked *