好似發現韓國片哩幾年越來越出色, 愛情片拍得靚就一直都係GA LA, 諗唔到一些劇情的電影亦越來越有HOLLYWOOD 的味道
好似上年勁出名的屍殺列車咁, 緊張感十足, 而且電影感亦很好, 反而好似日本的電影除咗講情感不論愛情或親情的電影很出色外, 做一些劇情類的大片總係走唔甩電視劇的味道.
河正宇本黎我唔係好熟, 不過諗返吓原來之前睇過佢同全智賢嗰套復國者, 下女我冇睇, 有時間可以睇返, 而之後佢會做與神同行, 有我很喜歡的車太賢同佢做對手戲, MUST SEE!
電影就係講男主角被埋在倒塌的TUNNEL 入面, 被困35日的故事. 故事單刀直入, 一開場唔夠5分鐘就已經被困, 之後就講佢點樣生存落去. 故事的開頭好有HOLLYWOOD 電影的感覺, 亦係有很好的拯救隊伍 (雖然工具唔夠好, 但個隊長人品唔錯) 同埋品性良善, 而且處事叫做冷靜的男主角. 但做到中段, 就可以看到韓國社會同西方社會的分別. 那個身為拯救隊已不幸意外死亡隊員的母親, 和那一班工程商, 以及那一群不知所謂的政府高層, 都係非常冇人性同埋麻木不仁的~ 西方的社會有拍攝出只為拯救一人, 一個家庭最後的兒子的SAVING PRIVATE RYAN, 但韓國社會的電影中卻看到國民會在未CONFIRM 被困的人是否已死亡的情況下為咗經濟的損失而有65%支持放棄救援. 亦有高官只為做SHOW 而要叫最後飛行服務的飛機遲些送主角到醫院只為拍一張合照!!
我唔知哩個情況放在香港, 會是怎樣, 是與西方社會相近, 或是韓國社會呢? 我當然希望是前者LA, 唔係就真係太令人失望了!
不過電影的確係唔錯的, 大部份都係男主角的獨腳戲, 演得出色, 而拯救隊的隊長亦是一個很有人性很有心的人, 做太太的演員亦唔錯, 但戲中她的決定卻很令人失望. 當然, 這亦應該是韓國或是日本社會與西方社會的分別. 若是西方社會, 那個母親來撒野, 怎會好似女主角這樣只是SAY SORRY 呢? 那個母親當然也是受害者, 但難到女主角一家不是? 要怪的不是怪那些豆腐渣工程的工程商嗎? 為什麼要怪罪一個受害者呢? 而且最後, 為何會下這一個決定呢? 雖然最後HAPPY ENDING, 但如果我係老婆, 我估我應該原諒唔到自己了!
故事結局唔錯, 很喜歡最後罵那班記者和高官的一句說話, 他們的確是一班人渣!