最近睇咗兩套都係打劫銀行的電影, 可能真係世界變, 連打劫都同以前唔同咗
以前拍得打劫的電影都係大賊, 唔理佢係大賊定小賊, 都係唔會係正義嗰一邊
就算有些電影以大賊為主角, 佢哋的出發點都唔係咩嘢大仁大義, 就算被偷被搶的對家唔係咩嘢好的角色, 大賊們都係單單為自身利益, 當然都可以睇好刺激, 例如OCEAN ELEVEN 系列等等
但可能哩幾年銀行家真係搾乾搾淨哂D美國小市民, 人們對銀行的忍耐力可能已到達爆煲的臨界線, 所以好多電影中銀行已經等如壞人這個角色, 打劫已可以講係正義的行為, 而觀眾亦會站在打劫者這一邊, 覺得他們值得同情
好似早前睇得HELL OR HIGH WATER, 比較悲哀一點的公路電影, 以及這一套的GOING IN STYLE, 都係控訴著銀行到升斗市民的惡行, 前者比較現實, 所以入面有悲有喜. 而這一套就比較歡樂, 我相信實際上三個加埋200幾的老人家, 仲要有一個有病的, 我估真係冇咩可能可以成功打劫得來, 但拍出黎後觀眾都睇得好肉緊, 見到佢三個伯伯就黎俾人捉到, 但可能會手心執一把冷汗.
故事唔錯, 情節其實都係簡單, 但三個伯伯的甘草演員一樣演得好精彩, 冇俊男美女下, 個半小時都唔會悶親, 係消閒的好選擇~
電影商仲好貼心咁安排咗每人都有一件PIE 食, everyone deserve a piece of pie, 其實都希望老人家做咗咁多年嘢, 真係到晚年唔駛去打劫先有錢用LA, 其實咁樣嘅社會都幾悲哀吓!
P.S. 一直覺得做老到痴痴哋呆那位老伯好面善, 原來係BACK TO FUTURE 的博士, 哎呀, 真係老咗好多LU~~