出貓特攻隊

LiFe-每天的心情小記
 

其實點解香港唔可以有哩d咁得意的題材呢? 成日唔係警察, 黑社會, 就係低俗文化, 可否有d出位得黎都有d意義的題材呢?

泰國電影近期已有早年前的鬼片轉咗做愛情片或笑片, 哩排一齊上映的heart attack, 講designer 同女醫生嗰套我上年電影節睇咗, 亦係清新可口的電影~

而今套出貓特攻隊亦拍得好出色, 唔止主角出色, 拍攝手法亦好好, 雖然中間係有d bug, 但係一套講出貓的都好似ocean eleven 咁刺激, 睇得好緊張~

故事清新有趣, 介紹的角色亦性格鮮明, 係大人的角色略為失色少少, 女角的老豆好似笨咗少少~ 但唔咁樣又點襯得起主角們的聰明呢?

究竟怎樣才是一個好學生呢? 是要成績優異, 考試科科滿分, 但是若這些分數是出貓返黎又如何呢? 若你是一個straight A student, 你又會否以你的”成績” 來賺取更好的回報呢? 有錢的買成績, 無錢的出賣成續, 你賣我買的世界, 又是否是對的呢? 故事入面每個人的道德觀念其實都幾低, 大陸的說法是三觀不正~ 但又諗深一層, 究竟學校也是用學生來賺錢, 名校以學的前程例如多些機會出外留學等來招攬學生, 但之後亦用自己的名聲來令有錢的家長入讀, 再巧立名目來徵取一些差成績的學生, 這樣又是否正確呢?

結局並沒有玩得好盡, 反而係要我們反思一下自己的行為, 以及就算這個計劃成功了? 究竟又來出貓的各方帶來什麼的後果呢? 成功了是好還是壞呢? 角色間的行為亦在最後起了變化, 不過我覺得這還是有點可惜的, 究竟是否人窮便是志短, 還是由小到大對道德觀念的教育是很不足呢? 一個成功的教育是否只是成績優異便為成功呢? 究竟教育下一代應該是否只是無限大量化成績便等如教育了一個好的小孩呢? 的確是可以點觀眾思考一下的~

 

 

Leave a Reply

Your email address will not be published. Required fields are marked *