Marvel 的電影套套我都會捧場, 今次THOR 3 都唔例外
其實THOR 都唔算係MARVEL 入面最多人鍾意的角色, THOR 在第一集的性格我直情麻麻鍾意添, 不過THOR 2 聰明咗同MATURE 咗後都唔錯~很有皇者的氣魄, 這是其他角色沒有的特質, 所以突然覺得佢型咗~
但除咗THOR 外, 有一個在THOR 系列入面的角色, 一直勁受人歡迎, 雖然係壞人, 但個個都話佢係MARVEL 入面最佳VILLAIN 添~
嗰個就係令人又愛又恨的LOKI~
睇過一個YOUTUBE 話點解咁多人會鍾意LOKI 呢? 在主持的觀點上係一個迷, 點解自從AVENGER1 後有咁多FANS 呢?
第一當然係因為演員TOM HIDDLESTON 啦~ 雖然TOM 真係好靚仔而且英國ACCENT 好正, 但好似FANS 係鍾意LOKI 哩個角色更加多, 究竟點解D人鍾意哩個殺人如麻的壞人呢?
主要我估計都係因為佢角色的性格夠複雜, 因為佢係GOD OF MISCHIEF, 本身就有一種邪氣在身, 佢雖然有POWER, 亦有聰明的頭腦, 但因為他的身世, 因為他與THOR 之間的關係, 令他有一種令人心痛的碎弱, 這就是為什麼就算他怎樣壞, 觀眾都憎佢唔哂, 亦令他角色富有魅力的原因
今集THOR 3 繼續上兩集的情節, 亦是在THOR 與LOKI 的兄弟情仇中著墨, 亦是述說ASGARD之內的家族情仇(^^), 今集ODIN 離去, 卻多咗個大家姐HELA 出黎~ 其實真係哩個世界俾ODIN 一家玩哂, 第一集係兄弟之間的爭執, AVENGER 1係細佬LOKI 的復仇, THOR 2 好D,THOR 同LOKI 有合作, 但仇家一樣係因為ODIN 一家而黎, 而今集就變咗大家姐的奪權戲~
故事簡簡單單, 就係充滿野心的邪惡大家姐HELA 回歸, 誓要坐上ASGARD 的皇者寶座~ 其實哩個寶座係咪真係咁好坐呢? LOKI 坐過一陣, 今次HELA 又坐過一陣, 到最後要背水一戰, 把本黎的敵人變成敵人的敵人, 搞到ASGARDIAN 變哂難民~ >,< SO SAD
THOR 坐上咗皇座, 不過哩個KING 應該唔好做, 而且睇AVENGER 3 的TRAILER, 應該做唔長, 因為TRAILER 上THOR 俾人拋咗出太空, 我估應該又係LOKI 出賣佢掛~^^
今次導演係新西蘭 VAMPIRE 同 死肥仔的導演, 所以氣氛非常歡樂有趣, 亦好有幽默感~外界的評分好高, 我自己亦覺得係一套很精彩的電影, 不過有些似睇咗GUARDIAN OF GALAXY 外傳咁~
THOR 亦由第二集的MATURE 變咗哩集有些低B, 有些搞笑, 冇咗上集的皇者氣質, 變返一個大男孩, 不過就冇第一集咁自大同幼稚~
但因為性格上始終同第二集有D 唔同, 我覺得哩集會接第一集感覺好D~
LOKI 就冇咩變, 雖然冇上一集感覺咁碎弱, 但一樣係一個GOD OF MISCHIEF, 一樣以出賣THOR 為他人生的目的~ ^^哈哈 (但THOR 聰明咗已睇穿哂~其實上集佢都知, 但感覺就好似上集比較心痛這個小弟, 今集就係我明知你會咁做, 但我都冇有怕的感覺)
電影係有趣搞笑, 但有時就因為咁減弱了THOR 與LOKI 的兄弟情, 搞笑多咗令到情感的蘊釀做得唔夠, 我覺得係電影的不足
不過OVERALL 都係一套精彩刺激的電影, 期待INFINITY WAR (不過好似有黑豹先, 但我個人冇咩興趣, 睇唔睇好呢?)