其實XMEN 係我最開始喜歡的英雄電影. 可能因為小時候有睇過卡通, 所以特別喜歡. 當年XMEN 三部曲由第一集開始我便好鍾意, 除咗每人的能力吸引後, 我亦好鍾意佢入面那一種對立沒有全黑與白的世界觀. MUTANT 與HUMAN 的對立, 大家也有自己的立場, 沒有絕對的正義. 不過當年第三集我覺得做爛咗, 所以當REBOOT, 唔係, 應該叫前傳的FIRST CLASS 再開始, 我覺得真係好有驚喜, 我亦非常喜歡入面的年輕版PROF X 以及MAGNETO. 兩個那一種亦朋亦敵的關係做得非常好, 由一對好朋友, 因為大家理念不同, 所以行了不同的道路, 故事鋪排好好, 而且亦加入沒有變壞的MYSTIC, 感覺更完美
之後的DAY OF FUTURE PAST 亦做得好好, 故事亦非常吸引, 反而第三集apocalypse 就感覺一般, 故事沒有太大新意, 到今集第四集, 係FOX 俾DISNEY 收購後的最後一集, 本身諗過應該會做得好好睇睇, 點知今次又做DARK PHOENIX, 又係同之前XMEN 3 一樣, 又係爛爛哋
其實今次故事唔係冇主題的, 亦有點像MARVEL 的CIVIL WAR一樣有對立面, 但好可惜那個對立面太過小兒科, 而且有些角色很輕易便死了, 感覺好似攞戲黎做. 但故事最大問題,係d 角色性格交代得太唔清楚。 點解raven 變咗聖母咁？ 但prof x 就變奸奸哋咁，jean 又冇講佢本身的性格係點樣守規矩法等等，令到個故事觀眾唔自己腦補吓好難明. XMEN 故事除咗PROF X 與及MAGNETO 有好好鋪排過他們的性格外, 其他角色並不如MARVEL 故事咁, 可以有自己的獨立電影去鋪排人物性格. 所以就覺得人物很單簿, 一直不能好像MARVEL 的AVENGER 這樣叫好叫座便是這個原因.
今集, 你係唔知點解會有那個DARK PHOENIX 的力量, 連那一班外星人都唔知係咩人黎, 而且你又唔知JEAN 性格係點, 亦冇帶出佢同PROF X 的BONDING出黎. 所以電影情節便不能打動觀眾, 大家都只係跟著電影這樣講就睇落去, 但好多嘢都唔明白. 所以外面評價亦很差.
而且有一點我最唔明, 究竟點解prof x 冇講真相俾一個8歲的女仔聽, 話佢殺咗阿媽同阿爸怕咗佢唔想要佢有錯呢？ 究竟有咩錯? 我真係唔太明白. 唔通要講個真相俾佢知先岩? 當時JEAN 得 8歲 咋WOR~
我估都應該冇下一集了, 但我好希望DISNEY 可以叫返 James McAvoy同 Michael Fassbender 做返入面的PROF X 及MAGNETO, 唔知有冇可能呢? 我太鍾意佢哋兩個了~~~