SiNyI’s BlOg

好人 壞人 病人 有錢人 窮人

最近包致金嗰名真係好紅, 不過唔係佢出位, 而係佢個姪女出位!

問吓香港人, 究竟有幾多人知道入面女主角叫咩名? 我相信 大部份淨係知道佢係包致金姪女~

哩位姪女小姐3次襲警都唔駛坐牢, 第三次仲要係俾人拍到, 全香港市民見咗佢點樣怒摑警察一把

阮官話佢係好人同病人, 唔係壞人, 所以唔駛入獄, 仲反問香港人如果佢係窮人究竟會唔會覺得判得唔公平呢?

阮官雖然受過良好教育, 但係好似連基本邏輯都搞錯咗wor

而家香港人及警方質疑的並不是單單判刑的結果, 而係質疑判刑的理據而做成的結果

究竟好人同病人的定義點黎呢?

係咪只要係好人同病人去打警察就ok呢?

係眾多警察面前打警察就係唔正常人的表現? 唔正常的表現就等如病人?

咁點解之前d示威者就要坐牢呢? 因為佢哋係壞人? 佢哋係眾多警察面前用大聲公傷害警察耳朵點解又係正常呢?

正常人未必咁激烈示威ga wor~ 可能佢都有情緒病都未定ga wor~

精神科醫生的報告是姪女小姐單方面提供定係有政府第三者驗証呢?

係咪有錢有精神科醫生報告就等如一切?

識玩法律遊戲就可以橫行霸道?

當全香港人都有哩d質疑的時候, 係咪應該公開一d令大眾解開疑團呢?

你再講咁多嗰subjective的理由, 什麼好人, 壞人等等可以可以令人信服嗎?

究竟怎樣安撫民心覺得法律係香港仲係公平呢?

就算哩點唔係真, 呃吓大家都好呀!

inception

Leonardo DiCaprio x christopher nolna, 咁強的組合, 究竟有咩理由唔去睇呢?

一直都有幾個hollywood 明星我好鐘意ga~

第一個當然係johnny depp, 仲有nic. cage 同matt damon, 哩幾年開始鐘意的robert downey, 當然唔少得leonardo 啦

當我鐘意一個actor, 我大部份戲都會睇哂, leonardo d 戲當然不在話下la,

亦都發現佢戲技越黎越好, 有人覺得佢做戲誇, 我自己就唔多覺la~

佢比較適合做一d 有內心戲的角色, 就係那種有一種不想給人知道的傷痛的感覺

所以雖然佢冇titantic 嗰陣咁靚仔, 但哩幾年開始的blood diamon, shutter island, 同inception 等等佢有佢成熟的一面

我覺得比佢以前靚仔look 仲吸引

哩套同sherlock 一樣, 我又係早半年以上已經好期待, 不過佢同sherlock 唔同就係, 就算一早你睇住treaser or trailor,

什麼”crime sence is your mind” 等等, 都係完全唔知套戲係講咩ga~

睇完後, 發覺唔算好難明, 不過個idea 幾好

有少少似韋sir 的”再生號”, 不過就易明d同埋冇咁玄~

nolan 說故事的方式的確不錯, 一個幾複雜的idea, 都講得有條有理

當然中間有d嘢觀眾可能會想再了解多d, 但如果再講多d就可能要成3個鐘先做完套戲, 亦會有d人覺得太heavy

cobb 有少少teddy (shutter island) 的影子, 但佢冇teddy 咁悲, 最少佢仲有親人, 仲有子有女, 絕對未到teddy 咁desperate

inception 哩套可以話有好多感想, 但諗吓, 又真係唔知點講好, 要講ga其實nolan 已經講哂

如果講我最鐘意嗰part, 應該就係每一層dream 要wake up 嗰一個”kick” 的同步方法了

真係好正~

而佢哋做的罪行, 可能亦係對所有人最好的結局

雖然改變了有錢仔的思想, 但係, 佢亦解開咗心結, 雖然未必係真, 但又有邊個話佢個爸”一定”唔係咁 諗呢?

解開哩個心結, 可能比”錢”更令他開心~

結局方法, 亦冇咩點講, 睇唔同有的睇法la~

我當然支持有個good ending, 我亦相信我媽咪講話陀螺係可以轉好耐先停ga~ ^^

toy story 3

由第一集開始, toy story 一直係我最鐘意的disney pixel movie (非pixel的最鐘意阿拉丁~)

可能細細嗰時我就成日覺得d公仔係有生命的, 所以睇toy story 時特別有感觸~ ^^

toy story 3個故仔好好, 感人得黎故事性都唔錯, 雖然冇第二集咁好笑, 但就比第二集感動

由第一集開始, 唔止andy 長大了, woody 亦都有所成長(心靈上)

由第一集的爭寵, 到第二集對玩具本身責任重新認識, 到第三集的放手與及move on

所以woody 真係toy story 真正的主角

toy story 3的woody 好討人喜歡, 善良, 正義, 有決心, 又有義氣, 係真真正正一個leader

最後, 佢幫玩具及主人做的決定亦好感人, 的確係對雙方都最好的選擇

andy 最後對玩具的道別好touching, 其實有一個咁好的主人, 雖然玩具不能陪伴主人一生, 但都好值得la

回頭諗諗, 大家又怎樣對代自己的玩具呢? 是不是要想想還有沒有什麼不再玩的玩具可以贈送給有需要的小朋友呢?

小事兩件

一)

坐小巴, 等客滿, 咁就拎本書出黎諗住靜靜哋睇一陣

點知, 突然有個十幾歲的o靚仔上車, 拎住iphone, 大大聲係度放音樂!

public area 黎ga, 你想聽音樂, no problem, 麻煩你搵$10 買對earphone la

勁disturbing, 究竟佢知唔知咩叫專重別人ga 呢?

傾電話都算la, 就算你大大聲講電話, 我都接受到, 因為最少”講嘢” 一定要出聲浪, 哩點冇得避

但聽音樂, 只要帶對earphone 就so擾唔到人, 咁簡單都做唔到?

唉~

二

o靚妹咪好鐘意著熱褲, 可以show 吓美腿ma~

搭lift 落街, 見到有個17-8歲的o靚妹同阿媽落街(我相信一定係佢阿媽, 唔係媽媽生) ^^

嗰o靚妹著件小背心, 再著咗條超超超超熱褲

有一刻, 我係以為佢冇著褲ga~~~

突然諗一諗, 究竟人點解要著衫呢?

其實佢唔著褲, 可能著條under 出街仲sexy~ ^^

不過佢同得佢媽咪出街都咁著, 或者佢平時唔同媽咪出街可能真係更加sexy 都唔定~

nobody know, right?

++++++++++++++++

哩兩件事後, 我得出一個結論…….

………….

………

…….

…

.

就係, 青春, 已經離我好遠la~~~~~ >,< 鳴!

魔鬼契約

就算冇睇過歌德的浮士德, 我相信大部份人都聽過或者睇過關於同魔鬼交易靈魂的故事

浮士德博士通曉世間學問, 不論神學, 晢學, 醫學, 法律等等, 他都一一知曉

但他還是不滿足,覺得還是十分空有無聊

隨著年歲漸長, 魔鬼使者便藉此機會來迷惑他, 以魔法和自己對他的待服來換取浮士德的靈魂

如果是你, 你會怎樣選擇呢?

要故事發展落去, 浮士德當然是出賣了自己的靈魂來換取對魔界及萬物更進一步的認識

歌德的故事是性本善的故事, 而這套話劇卻是性本惡的故事

有時候, 得到未必等如擁有, 原來放手才是擁有一切

好耐冇睇萬子做戲, 話劇更係第一次睇, 諗唔到真係好正, 好charming

佢做的魔鬼使者真係好入戲, 帶點幽默感, 又有魔鬼的壞心眼, 但又加點優雅, 加點卑膝,

正正是法力無邊的待從的形象 ^^

很希望再睇到佢主演的話劇

shrek 4

第一次去mega box 睇早場~ 嘩! 真係好抵wor~

3D 都係$40, 仲平過普通電影呀~~~

SHREK 有人一直好鐘意, 但對我黎講, 就算第一隻, 我都覺一般啫, 故事唔太特

最得意就係張偉健配音隻驢友LOR~ ^^

不過之後第二三集我都有睇, 入面d出位童話人物都幾搞笑

今次第四集講的係shrek 同fiona 婚後平凡的生活, 令shrek 好唔開心唔可以做返以前的妖怪

所以就有壞人用契約的方法呃shrek 話只要用從前一日的時間就可換到一日自由時間, 但哩個決定卻會令shrek會永遠消失~

最後, 當然大團圓結果la~ shrek亦明白自己係幾咁幸福~

故事一睇開頭就估到結尾, 不過都幾warm, 希望shrek 同fiona 可以係far far away 永遠happy 地生活落去~~~

書展2010

今年書展冇咩特別, 而且只係去咗半日, 但可能因為尋日去咗玩, 而且尋晚要prepare 主日學所以訓得幾個鐘

所以行咗幾個鐘已經攰到死死吓~

買咗7本書, 都係平時買開的作者的新書~

最特別係唔知點解今年要繞一個大圈先入到書展, 個圈係大到好似繞咗運動場一圈咁!!!

諗嗰d人係咪有病ga, 又唔算好多人, 行咁大個圈做咩呢???

事發的十九分鐘

『每個人都說我毀了他們的人生， 可是當我的人生被毀的時候好像沒有人關心。』

又是令一本典型jodi picoult 的小說, 又是一部沒有黑與白, 只有灰色的小說

因為趕著在書展前看完所有上年買的小說的關係, 所以看完死亡約定後便立即看這一本

一路睇, 心情一路都好沉重, 睇完後, 覺得更悲傷

一個十七歲的少年, 自少受到欺凌, 終於選擇在一天令全世界知道自己的名字, 在十九分鐘內, 殺了十人, 傷了十九人, 亦令上千的學生及老師蒙上一生的陰影

這十多年來, 彼德每天的生活生不如死, 每天也受到受歡迎學生的欺負, 他一直也是受害者, 但當他選擇了校園槍擊,他還是受害者嗎?

那些學生一直也欺負著彼德, 有些沒有欺負他的也沒有伸出援手, 他們的行為是否毁了一個人的人生呢? 但他們又應該受到死亡, 毁容或殘廢等懲罰嗎?

一個只有輸家的結局, 這件槍擊事件, 沒有winner, 只有一幕幕悲劇

究竟父母應該怎樣教育孩子呢? 一個內向的孩子, 一個不受歡迎的孩子, 是否有其他方法可以令他們融入社群呢?

哪些欺凌弱小的孩子, 為什麼又沒有人教識他們何為專重他人呢?

這件悲劇, 不是彼德一個人的責任, 是全個社區的責任

作為父母, 責任是很擔重的啊!

所以真係唔好隨隨便便就生子呀~~~~

昂坪大澳自遊行~

自從上次去完馬灣後, 好想去香港其他未去過的地方走走, 所以今次埋咗朋友去昂坪大澳一日遊

朝早約去昂坪360站等, 因為未食早餐, 所以大家決定去東薈城food court 先~

food court 幾多嘢食, 不過我覺得味道一般la~

食飽飽後, 就去搭360 la~

11點時仲見好少人, 一到12點就要排隊la~ 所以唔想排隊就要一早去la~

排咗差唔多一個鐘, 終於到我哋la~

我哋當然揀水晶車la~ 話哂都特別d ma~ ^^

單程$109, 雙程都好似係$15x, 不過諗住一陣去大澳, 所以單程就ok la~

部水晶360 幾得意, 畏高者就唔好試la~

我哋就好開心la~

諗唔到部360都搭幾耐吓, 開頭仲以為好短添~~

去到昂坪岩岩見到少林師父表演,但係太多人la~ 淨係睇到佢哋跳黎跳去>,<

之後就行昂坪市集, 賣的大多數係特式的香港或中國飾物, 但係如果中國人或者香港人的話就會覺得冇咩特別

d嘢其實幾靚, 不過旅遊區, 當然貴d la~

最後我哋買咗d飾物, 我買咗對handmade crystal耳環, 好靚ga~ ^^

去到3點左右, 我已經好肚餓 (因為佢哋食早餐時我冇食~~~ ), 所以決定落大澳走走

去到巴士站, 見到岩岩miss 咗班車, 要等到4點半先有? 唔係掛?????

好彩, 因為見到多人等, 佢哋開咗班特別車, yeah! ^^

抵讚~

大澳我都好多年冇黎lu

一個小小的魚村咁, 其實都幾有特色~

搵咗間山水豆腐花食, 益x, 見到有好多名人黎食過, 又真係唔錯wor~

豆腐花好滑, xo醬腸粉又好好味, 正呀!

食完嘢後, 繼續我哋的大澳之行~

蝦醬, 魚干等等點都會買d返屋企俾阿媽做手信, 原來大澳仲有d叫紫貝天葵, 好似利賓色的涼茶咁

但我又驚媽咪話煩唔鐘意, 所以最後都冇買到~~~~

途中有好多烤魷魚干賣, 我哋一直都冇買, 但行到最後, 見到嗰阿伯佢好手勢, 都忍唔住買住d試吓~

發現蝦干好鮮味好正, 魷魚就唔算好特別, 大家去到真係可以一試~

去完大澳, 搭巴士出返東涌

嘩! d山路勁彎, 我勸大家上車前要食定粒藥, 唔係就一上到車即刻訓, 唔係實中招!

出返東涌先6點幾, 我哋book 咗novetal 食buffet 7:00, 行咗一陣東薈城行就可以去食la~

食物都幾新鮮, 款式就唔係好多, 但以酒店質數, $198 加一都幾抵食~

黎得東涌可以一試, 但又唔需要得登黎食~

好開心的一日, 香港仲有幾多地方未去過呢?

$100

為咗$100, 我做咗哩生人未做過的事~

我係一個好鐘意磨爛蓆的人, 所以平時考試我係唔會早走ga, 就算一早做完, 都會對吓卷!

但今次, 為咗嗰$100, 我決定早走, 如果唔係就趕唔切la~~

哈哈~