由布院->福岡->東京

每次去日本旅行, 我都一定會安排最少一晚住溫泉酒店

而我住得溫泉酒店的習慣, 就係一定第二朝會係早餐前再浸多一次溫泉~~ ^

一早七點左右落到去, 又係冇人浸, 得我自己一個享受, 真係好嘆~~ ^^

浸完後, 就去食早餐~

當然, 今次旅店的價錢唔太貴, 而且又係得第一個去, 單人房比較貴D, 所以早餐都冇平時咁豐富~

但我都好享受係溫泉酒店享用美食的時刻~~

食飽飽後, 見時間尚早, 打算10點左右先CHECK OUT, 所以就決定行去金鱗湖睇吓~

由我間旅店行去金鱗湖大約15分鐘左右, 途中會經過湯之坪街道, 亦係最多特式商店的一條溫泉商店街~

由布院是一個做得幾出色的溫泉區, 有自然的風景, 有特式的店鋪, 亦有歐陸風情的食肆

四周的鄉土風情沒有受到破壞, 但係又有一條溫泉商店街俾遊客消磨吓時間~

如果你想舒舒服服消磨一個上午, 由布院的確唔錯~

行去金鱗湖途中, 見到四周的商店開始營業~

不過因為時間的關係, 都係等我CHECK OUT 咗後先再行街LA~

金鱗湖的風景好靚, 旁邊仲有一間歐陸的餐廳

如果大家想對著湖景享用美味的早餐, 哩度的確是一絕~

下次有機會再黎由布院可能我會住近D 金鱗湖, 因為聽人講話晨早霚初起時金鱗湖的景色非常夢幻~

我都好想睇吓~~

遊完後, 就打算返去CHECK OUT~

返到旅店附近, 見到10點開門的B-SPEAK 已經好多人排隊~

究竟點解賣蛋卷都可以排咁長隊呢?

而且聽網友講話CUT SIZE的好快賣哂, 所以決定CHECK OUT 住, 都係排咗隊買蛋糕食先~~

排咗20MIN 左右, 終於到我LA~ 開頭諗住買一件CHOCOLATE , 一件原味~

點知未到10點半, CHOCOLATE 味的CUT SIZE 已經賣哂~~

OMG~ 真係咁好賣?? >,<

冇法, 只好買一件原味返去慢慢享受~

返到旅店, 沖咗杯茶, 拎件蛋糕出黎食~

嗯~ 又真係幾好味~

D CREAM 做得好好, 好香滑, 而且唔太甜, 蛋糕的蛋味好足, 係我食過最好食的蛋卷

唔怪得咁多人排隊LA~

CHECK OUT 後, 就繼續我的行程LA~

有幾間店都幾值得一去, BEE HONEY 的HONEY ICE CREAM, 賣宮崎俊動畫精品的どんくりの森, 賣玻璃製品的 COARA の森, 賣TEDDY BEAR 的COTTON BEAR, 以及由布院美術館~

當然, 仲有好多間商店都值得一遊, 不過因為我去美術館行耐咗D, 所以就冇咁多時間四圍睇吓其他店鋪LU~

由布院的美術館唔大, 不過有個足湯幾得意吓~

而且仲有一個地方俾你畫POSTCARD 去寄~ ^^ (我最鐘意GA LA)

行咗12點幾, 去咗田舍三昧食LUNCH~

叫咗個土雞飯, 都幾好食, 有少少似用電飯煲焗嗰D有味飯FEEL~

唔錯~

之後行返出車站搭巴士返福岡, 係車站一帶有間賣布甸同蛋糕的店舖~

我買咗個CARMEL PUDDING 食, 幾香滑WOR~

返到福岡大約4點, 因為搭6點機的關係, 決定去埋RIVERAIN 的亞洲美術館先搭飛機~

其實哩個安排係麻麻哋, 因為時間實在太趕~

但4點去機場又太早(天神去機場只係20MIN )

福岡亞洲美術館在RIVERAIN 的7樓, 常設展擺放的是亞洲現代美術品~

分別有中國, INDIA, 越南, 印尼 等等亞洲地方, 地方唔大, 但主題幾鮮明~

我好似都未去過一個淨係放亞洲美術家作品的美術館WOR~ ^^

睇完後, 就急急腳返去天神的HOSTEL 拎嘢去機場~

途中好唔好彩咁搭錯車~ >,<

大家要記得天神去機場的地下鐵有機會轉咗去藍色線GA, 所以一定要睇同聽清楚先得!

去到機場已經5:42 LA~

好彩係搭內陸機的關係, 仲有時間~~~~ ^^

最後好成功咁搭到6:00 的飛機~

內陸機萬歲~~ 嘻嘻~

五日行程就咁完畢LA~

返黎的航程好似好快咁樣, 套劇都未睇完就俾空姐話要CLOSE 電腦等陸落LA~~~

雖然今次旅程得一個人, 但一樣咁HAPPY~

下次想去埋未去的其他九州地方~~~