青梅及吉野梅鄉賞梅之行

賞櫻就多LA, 但諗落好似未試過去賞梅, 二月正是梅花的花期, 便決定同朋友去青梅及吉野梅鄉賞梅及玩吓~

吉野梅鄉係由青梅方面轉車, 係我屋企搭橙色的中央線去可以直到, 非常方便~

一出吉野梅鄉, 已經見到拉哂BANNER 話係吉野梅鄉祭り, 之後跟住人群, 慢慢行去梅之公園賞梅

在途中, 有很多小賣及小食的車仔鋪, 幾有祭典的感覺~ ^^

我哋買咗D小食, 一路食一路行, 大約15分鐘左右, 就行到梅之公園了~

見到正門只有五分花開, 但東口已經見頃, 咁當然唔駛講係由東口入去先LA!

入到去後, 人群都唔算好多, 不過個公園都幾大吓, 梅花都好多吓~

梅花冇櫻花咁嬌艷, 不過卻有另一種味道~

記得之前有人講過, 中國人愛梅, 日本人愛櫻, 正正反映了兩種不同的民族性

櫻花美麗璀璨, 卻只是在一個很短的時間發揮光芒

梅花卻內歛平和, 天氣越冷開得越美, 堅韌不屈

可能便是這兩種不同的特質, 造成兩個國家分別找了這兩種花做了國花

在公園中, 有些小食賣, 見到一家大細有些便坐在草到野餐,感覺真係幾輕鬆~

如果香港有多D哩D地方都真係唔錯~

睇完梅花後, 我們便步行去奧多摩橋, 再搭電車去青梅參觀

青梅是一個很有趣的地方, 雖然只是一個小城市, 卻有自己的主題, 便是保留了昭和年代的特式和建築, 像時光機械一樣, 把我們帶到昭和時代~

找了一間洋式餐廳吃LUNCH 後, 便開始大家的青梅之行了~

第一站便是昭和商品博物館, 入面有很多昭和時代的小食玩具及漫畫等等展示, 非常有趣, 很懷舊~

可能年紀大D的去睇會更有FEEL~

二樓仲有雪女故事的小說及介紹, 唔睇都唔知, 原來雪女的故事好多都係哩一帶出現~~~

之後, 就去咗隔離的赤塚不二夫會館~

開頭我仲以為未睇過佢D漫畫, 但入到去, 又有D印像好似好細嗰時唔知係亞視定無線係有播過佢的卡通GA~~

我仲記得係幾好笑同埋嗰個好聰明的BB~~嘻嘻!

入面唔係好大, 不過有幾多嘢睇, 仲有漫畫任你睇~~ 如果有時間黎睇吓都唔錯~

最後一站, 昭和幻燈館, 館面積好細,不過入面D 模型好靚好細緻, 我都覺得幾值得入黎一睇~

入面有一個係怪盜二十面相的場景, 突然好想去睇金城武同松隆子嗰套戲睇~

有D人可能覺得入博物館睇嘢浪費金錢, 但去得一度地方, 唔去參觀吓又真係唔太抵LA~

睇岩時間, 去返青梅搭火車返新宿

餓餓哋, 決定去埋涉谷食美登利,

雖然排咗成個鐘, 但真係好好食, 之後再去109附近食GELATO

真係好完美的一天!