Day 2 樂天之旅

跟住又一個人出黎幫我地映相～ｄ韓國人都真係幾得意～最後我地問左幫我地映相個邊到可以食魚生，佢就叫我地食佢個間，唔講都唔知原來魚檔裏面有間房仔～我地都係是是旦旦咁揀左條魚，連條魚姓乜都唔知？不過食魚生做早餐都係第一次～食完就行返去搭地鐡，倩兒本來諗住搭的，但我怕危險～    

12:15左右去到樂天（蠶室），幾經辛苦搵到個入口，買左one-day pass！由室外玩起，開頭玩左兩個機動遊戲，覺得一ｄ都唔刺激，仲覺得好悶tim~後來去左排隊玩鬼屋！呢個幾好玩～雖然排隊排左好耐～但係ｄmood返返黎，排得耐都唔緊要～之後好開心咁玩左兩次室內過山車同跳樓機，個跳樓機好激，落黎有陣風GA～最好玩個機動遊戲係洗衣機，真係衝到落黎咁．之後去左室內玩，真係整得幾靚，我地差唔多每一層既機動遊戲都玩晒～我地仲坐埋個氫氣球tim~係上面拍左短片同好多相~快樂既時間好快過~又要搭地鐡去新村喇~    

9:45左右到達村食烤肉，今次呢間鋪頭又有個人講國語，佢仲知道我地係睇書知道佢地間鋪頭既tim~佢仲問我地借本書黎睇呀～我地呢餐真係食得好豪，食左梁生介紹既牛肉，每人食左成$w41,000，即港幣$270，記住！係每人～而我地只係得兩塊扒同一ｄ配菜～不過ｄ牛肉真係唔錯既～仲有專人同我地燒ｄ牛肉呢！～    

食完去左行東大門，因為倩兒無泳衣呀～韓國ｄ商場開到好夜仲好熱鬧，成條街都係到播音樂，好大聲．同埋佢地既百貨公司有成十層，其實好似香港家樂或者旺中，不過個感覺冇咁逼同多人，因為一層有成幾十間鋪頭，但全層只得十個左右既更衣室，ｄ人唔係鋪頭試身會好ｄ．同埋佢地ｄ衫都同香港好似，我買左件NIKE衫，而倩兒買左件一件頭泳衣，叫極佢買兩件頭都唔肯，俾著我有咁好身材，我一定bikini tim ar~     行到時間都唔記得，好在搭到最後一班地鐡返酒店咋～