接著搭地鐵去江南搭5002巴士去夢幻樂園，因為落雨，夢幻樂園ｄ機動遊戲唔開呀～我地係夢幻樂園既入口見到一班永安既旅行團，雖然無得玩機動遊戲，但佢地都一定要入去wor～真係慶幸自己係自由行，可以選攞去隔離既加勒比海水上樂園．個樂園好靚呀，d樓好有style，又係有室內同室外之分！

我地係室內玩左5次tuberide呀~好好玩~我地見到d 幼稚園學生黎呢到玩呀~佢地真係開心（我連海洋公園既水上樂園都未去過就已經執左喇）~不過個老師就辛苦喇～之後出左去室外．玩左個加勒比海～一連三個浪蓋過黎，好正，我地仲同埋ｄ人齊嗌ga~跟住完個水上飄～又浸左ｄ玫瑰同咖啡溫泉～好熱的～室外ｄ滑梯好正，不過要行成三層，為左滑晒三條滑梯，我地足足行左三次～之後趕得切玩左一次室外tuberide～玩完晒～室外無晒人～我地就攞相機周圍影～跟住就係室內到浸溫泉同焗sauna~浸左兩日~但係都唔識得點先浸得好都係亂咁黎～

7:30 同樣地搭5002離開加勒比海，開始狂食的旅程．首先去左食明洞餃子，因為佢9:30就關門，己經飽飽地ga~喇~倩兒仲要俾晒ｄ面我食～10:00跟住就去東大門食雞一匹鍋，間鋪頭好橫街窄巷ga~又有一個女伙計識講國語．我兩個就咁樣食晒成隻雞呀～好辣～好飽～真係好飽

11:00食完野行返去東大門商場個邊，諗住買手信，我買左套裙俾嫦嫦兒買左件衫同銀包俾佢爸爸媽媽，仲有其他小禮品，行左好耐呀，行到成三點，因為要行耐ｄ先可以消化到我地今日食既野～跟住我地就搭的士返酒店～韓國搭的士好平，只係貴我地搭地鐡少少咋～