Day 5 傳統古跡遊    

最後一日喇~今日既行程真係好緊逼，8:30就起行去南大門，又係為左買手信～睇下我地兩個幾為大家著想～而我既所有盤川，就係呢到用盡喇～我地去左間賣手信既鋪頭，又係有個識講國語既人，介紹我地買紫菜同蔘茶，我地每人都有一大袋手信，之後就攞住呢大袋手信去景福宮喇～

10:30黎到景福宮，其實景福宮真係好大，大過我地時間太緊逼，只係行左佢既四分之一，連個博物館都無入到去．跟住我地就飛奔咁返世宗酒店check out．其實12:10先返到去，遲左兩個字，跟住我地將ｄ行李暫托係酒店就去左安國既傳統食品店到食米餅喇～又係非常趕～今次我地食ｄ傳統既食品，係用木筷子既．趕到連個茶具傳物館都去唔到～之後我地去左仁寺洞到睇佢地既傳統飾物，好多面具呀～仲有ｄ好靚既扇同風箏～我地又係到行左一陣，買ｄ手信，又係下街邊小食，咁就返明洞喇～    

3:30去到明洞食烤肉，因為去雪嶽山個日太夜返食唔到，鋪頭又係得我地兩個客人，又有一個識講國語既男伙計呢～ｄ肉好肥GA～不過我地個荷包唔係呢～我呢餐都係靠倩兒咋～我地想叫多碟面都冇錢呀～好在我地有張coupon～無計啦～要留返$w10,000交機場稅呀～    

4:30返世宗，攞行李同等車，原來有個家庭係同我地搭同一架機ga wor，佢地都係自由行ga～佢地有個2歲大既小朋友叫峰峰，倩兒見到佢好開心～4:40巴士到喇~我地要回程喇~    

係機場check in~發覺原來我地係唔洗俾機場稅ga~ 咁就即刻多左$w20,000出黎~倩兒就即刻攞呢d錢去買左好多野食做手信，仲話～好開心～洗晒ｄ錢～哈哈～我都知洗錢好開心～今次我地出境過關好得意，要除埋對鞋過紅外線ga wor~我地係架飛機到睇返ｄ相同拍左ｄ短片～好開心～落機既時候係到分紫菜～真係估唔到，倩兒爸爸同表妹會黎接機～之後我就自己搭E23返屋企喇～