【london第三天】2005年5月28日(六)
 

朝早去咗convent garden睇嘢,簡生話sat 同sun 有街頭表演的ma! 咁就去睇吓la~ 點知去到其實都有d冷清!

有少少街頭表演,但係唔算太多~~ 不過當係見識一下都唔錯! ^^ 其中一個仲好慘咁因為唔夠觀眾所以開唔到show~ >,<見到佢咁樣我自己都覺得有d失落!! (好似好慘咁ma!)  

去完convent garden 後, 我哋就向british museum 出發啦! british museum 真係好大,為咗有足夠氣力行,我哋決定入去之前食個lunch 先~ 自製sandwiches加朱古力奶,都幾好味ga~~~   

大英一入去就有一個好大的lobby, 天花係玻璃造的,好有greenhouse effect ga~ ^^ 入面最多的應該係greece 同egypt的物品,行咗幾十間房都行唔完,有d無窮無盡的感覺！途中我哋同judy失散咗,咁只好分開行啦! 我哋行咗成3個幾鐘都行唔完所有館(已經行得幾快吓ga la!) 証明佢真係好大好大~  

晚上(都唔可以叫夜晚, 個天8點幾仲好光ga!) 就上咗london eye! 佢係全世界最高的摩天輪黎ga~ 雖然好貴, 成10.5pround, 但係可以睇哂成個london 的全景,我覺得絶對值得一試! ^^  之後終於可以返london 食嘢啦! 今晚有cup noodles 食~ 係哩一刻,佢已經可以話係山珍海味一樣咁好食啦! 我估我哋真係要去supermarket入吓貨先ok! 唔係真係好快缺糧la~~~