我哋黎峴港時見到有香港隊黎比賽, 八掛細問之下原來係有個ASIA BEACH GAMES, 今屆係峴港舉行的比賽, 所以亞洲各地方都會黎參加.

我哋CHECK OUT 後問咗一下酒店STAFF , 佢好好咁安排咗我哋的行程, 不論買嘢同食嘢都有, 真係好貼心的服務

我 哋朝早去睇HK 對日本的男子HANDBALL 比賽, 雖然酒店已教咗我哋搭的士去會場入口, 但我哋都搵唔到邊一個場地先係手球比賽~ 只好走去問吓人, 諗唔到哩度D 義工勁好人, 唔只幫我哋問吓人係邊, 仲要車埋我哋去另一個場地 (其實冇車都有少少遠)~ 覺得峴港D人真係幾NICE

之前都冇睇過手球比賽, 諗唔到都幾刺激, 而且比賽時間仲要唔太長, 最緊要係香港WIN 咗~` YEAH! 真係好值得黎一睇!

之後我哋搭的士去咗個大SHOPPING MALL, 去咗間SUPER 買咗D 手信 (都係食嗰D嘢) 第一次試過入SUPER 要搵條索帶COOL 實個袋, 驚死你偷嘢咁, 唔知哩度成日有小偷??

買 完後, 我哋去今朝酒店STAFF 介紹去的扎肉店買扎肉~ 途中第一次覺得峴港人有少少衰就係個的士司機車咗我哋去第二度, 因為峴港細, 我哋一睇就知錯, 之後叫佢車返去我哋要去的地方, 但佢都照收哩個車費~ 同佢講咗一排後, 佢好似唔識英文咁, 但峴港都係有好多好人, 出面等車的客人見我哋兩個女仔同司機講咗一排都唔落車, 問咗我哋咩事後就同司機講, 最後司機收咗我哋3分2錢 (其實錢唔重要, 但司機唔應該咁樣呃人啫)

買完扎肉後, 就行去食越南河, 我估哩間應該係好出名, 去到已有香港人係度食緊~ 味道唔錯, 而且好平! 值得推薦

之後我哋仲去咗教堂參觀, 同埋HAN MARKET 買嘢 (但MARKET 記得要講價) 我哋買咗D 芒果乾同蝦米, 味道唔錯

(不過其實入面間間鋪賣的東西差唔多, 所以格價重要D, 貨就差唔多GA LA)

 

 

行咗咁耐, 去埋最後一站CONG CAFE 去飲COFFEE, 間嘢有D 6-70年代的感覺, 裝飾得好靚~ 而且COFFEE 亦好好味, 我因為唔太感意苦的COFFEE, 所以叫咗鮮奶嗰款, 感很好香好滑, 好味道!

 

返咗酒店後, 叫咗少少嘢食, 之後就上去沖涼 (冇錯, 係沖涼, 酒店話可以免費俾我哋上去用佢哋2樓 GYM ROOM 隔離的BATHROOM 沖涼, 你話好服務好到!! 真係好賓至如歸! ) 酒店最後仲幫我哋叫埋的士去機場

因為可能有哩間酒店咁好的服務, 所以對今次峴港的旅程感覺好良好, 有機會我會再想去多一次! 其實同家人去HEA 吓都唔錯!

• Next