SIEM 2016

吳哥窟短評過後, 本黎打算寫遊記的

但諗過我其實對歷史又唔係好多認識, 而且除咗古蹟外冇咩點去到其他景點, 所以都唔識點寫介紹, 倒不如簡單寫吓食住行以及感想就算了~

住: 今次哋住咗兩間酒店, 第一間係暹粒西姆酒店, 第二間係靚D的PRIVILEGE FLOOR@LOTUS BLANC

2間其實都唔錯, 第一間價錢雖然平D, 但都有D渡假FEEL,CP值都高的

而PRIVILEGE FLOOR 就比較GRAND D 同埋服務貼心D

佢會有個類似管家的職員FOLLOW 你, 仲會俾個電話你, 如果有事可CALL 佢幫你做, 有D 似私人助理的感覺

如果你想BOOK 枱或者BOOK MASSAGE 嗰D 都可以叫佢幫手

而且早餐好正, 佢個MENU 任你叫, 之後會一樣樣上, 即係你想食咩都得, 但又唔會全枱都係嘢, 好享受!

食: 哩個係我在吳哥窟最覺得無趣的地方, 好似除咗酒吧街外, 冇咩邊度有嘢食咁

酒吧街去咗嗰間話Angelina Jolie 在拍片時期最常光顧的店(RED PIANO), 感覺OK, 但冇咩特色嘢食, 同香港去老蘭差不多~

其中有一餐係HOTEL 度食, 都幾GRAND, 環境幾好, 不過價錢以當地計當然唔平, 係香港的價錢

 
酒店送的小食及香檳, 當然佢俾得甜頭我哋, 我哋都有寫好COMMENT 俾佢~ ^^

最後一餐去咗HAVEN, 哩間係一間TRAINING RESTAURANT

感覺非常西化, 而且食完會黎問你感覺如何, 我哋兩個華人女仔冇咩COMMENT, 但身邊的外國人都會俾吓COMMENT同埋傾兩句

我個人幾欣賞哩間餐廳

裝修簡約美觀, 分室內及室外, 室外有些秘密花園FEEL, 室內就比較舒服, 而且食物都幾有心思

我好欣賞佢個APPLE GINGER 沙津, MIMI 就比較鐘意佢嗰個cordon bleu, 佢話自己都係鐘意食哩D WESTERN FOOD多D 哈哈

行: 雖然話去五日, 其實頭尾都冇咩時間, 主要係中間三日

我哋全程BOOK 車及司機, BOOK 住私家車, 冇BOOK TUK TUK

我哋BOOK 吳哥俊雄, 三日中文司機130美金, 我相信可以搵間平D的, 但哩間都OK, 服務唔錯

司機都幾有責任心, 而且會係車上講吓各個古蹟的歷史, 當然, 而家我已FORGET 得八八九九LA~ >V<

另外, 返酒店後出街就叫TUK TUK, 睇吓車程及時間, 都係2美金, 3美金左右一程LA~

MASSAGE: 我哋去咗2間MASSAGE, 一間係叫酒店去BOOK 的 Sokkhak Spa, 都係PUB STREET 附近, 環境好RELAX, 而且服務員好細心, 我哋揀咗AROMA 的THAI 式MASSAGE, 雖然價錢比較貴, 但都有D想再去做多一次 (完咗整有少少茶點食)

 

第二日有諗過再去SOKKHAK, 但諗吓不如試吓其他, 就WALK IN 入咗ASIA HERB

環境係冇SOKKHAK 咁靚, 但都乾淨衛生, 係橙色的主色有少少怪啫~

 

但價錢實在好實惠, 25美金做成90分鐘, CP 值好高, 都推薦去的~

古蹟: 三日玩哂大小及外圍, 因為個個BOOK 車都咁去, 其實都冇咩特別要講

但可能因為太多寺廟, 所以去吓去吓都唔記得去咗幾多個

主要我覺得靚同比較有特色的係小吳哥, 微笑佛像, 女皇宮, 崩密列, 洞里薩湖水上的住屋都幾有特色, 不過天氣唔好, 睇唔到日落

小吳哥的日出亦因為天氣唔好, 要等到日頭出咗先睇到, 但都OK

巴肯日就應該要早少少去, 因為要排隊上山, 好彩我哋上到山都睇到最後的日落, 好彩~

 
 

 

 
 
 
精緻的雕刻-女王宮
 
我個人覺得好似抹茶MELTY KISS 的崩密列遺蹟>V<
 
 
 

 
洞里薩湖水上的住屋
 
 
好搞笑影咗好多全景相, 好好玩, 同古蹟好夾~ 哈哈

COMMENT:

吳哥窟係值得去的, 但我估我去一次就夠

因為除咗古蹟外, 真係冇咩地方及特色吸引我再去, 同9月去過的越南峴港比較, 感覺食物, 景點及民生都比較好好多

我實在唔鐘意有太多小朋友圍著你買嘢, 唉~ 見到買又唔係, 唔買又覺得自己好絕情, 去個旅行咁樣就唔太開心LA

P.S. 諗唔到去到咁遠都見到HYS 的師妹同埋老師, 仲要唔係景點見到, 係在佢哋做SERVICE 的ORPHAN HOUSE 見到, 真係有緣份! ^^