三英傑係邊三個? 其實就係織田信長, 豐臣秀吉和德川家康~

我對日本的歷史認識唔深, 不過如果真係要講最感興趣的一部份應該便是她便叫"戰國" 的那一個時代了

織田信長, 明智光秀, 豐臣秀吉等等, 有點似我們的三國時代

所以話呢~ 有傳奇性的英雄時代一向都是比較吸引人~~~

星期五晚搭夜巴落名古屋, 今次搭SAKURA BUS

嘩! 哩架真係我搭過咁多架巴士最舒服的一部!

有沖氣枕, 眼罩同紙拖鞋大贈送外, 仲每個位都有得落CURTAIN, 自成一角FEEL,  真係非常舒適~

清早未夠5點半就去到名古屋, 天黑黑咁, 就入咗DENNY'S 食返個VERY EARLY breakfast 先LA~

順便PLAN 吓行程MA~

可惜今日天公不造美, 一去到名古屋唔天光已經開始落雨, 睇吓天氣報告, 發覺今日成日都唔落雨, 唔知巡遊會唔會CANCEL 呢?

不過既然都未黎過名古屋, 咁今日可以先遊一遊名古屋的名勝, 聽日希望可以天氣好返D LA~~~

plan 好行程後, 決定第一站先去沒有開門時間限制的熱田神宮

首先買張地鐵free pass, 今日係weekend, free pass 比平日的更加抵

熱田神宮是日本三神器其中之一的草薙劍的保管處地方~其實我對草薙劍都冇咩認識, 唯一知道就係係神話中用黎砍妖怪八蛇用的~

諗返起小學時睇的卡通, 碧奇魂? (大約係咁la)

但是也有說法認為，草薙劍已經在壇之浦之戰遺失沉入海底，因而神宮是否真的有保管草薙劍，就不得而知了~ (因為佢都冇show 出黎...)

去到熱田神宮, 都係落住雨.... 雨天去旅行真係麻煩.....

熱田神宮的面積很大, 以我去過的神宮黎講, 除咗明治神宮外, 最大應該係佢la!

因為今日係祭典的關係, 見到有古武道大會的表演, 不過時間係10點-11點, 就決定先去一去附近的白島庭園再返黎~

白 島庭園是「池泉廻遊式庭園」, 以中部地區的地形為背景，把假山當做御嶽山，河流當做木曾川，池塘當做伊勢灣，把源流到大海的“水的故事”當做主題~ 一入去就有一個好nice 的日本姨姨充作guide 帶我遊覽庭園, 仲帶咗我入去園內有真正茶室風格建築的茶室“清羽亭”參觀~

佢又show d 花的photos 俾我睇, 見到夏天同春天的花好多款, 但點解好似秋天冇咩呢?

途中佢都有介紹個庭園俾我聽, 可惜聽力有限, 係知d唔知d的情況吓, 就同佢一齊行咗一周這個庭園la~

之後返去睇咗一陣古武道表演, 有劍道, 弓道同槍術 (有時見到有d學生帶住一條好長用布包著的棒形物體應該就係la)

見到男生都係表演劍道, 女生就表演槍術 , 不過一個女生舞一支長長的木槍都真係幾型~ ^^ 有d似古代的巫女~

睇完表演, 就離開熱田去下一站了~

去到subway, 發現今日因為天雨關係, 所以祭典都cancel (其實都估到ga la) 咁只好等聽日, 今日繼續觀光先

下一站是名古屋港, 又叫名港, 係日本最大港口之一, 因為係honda 的關係, 主要輸出的貨物都係汽車

名港聚集了水族館、博物館等地方，是個休憩好地方~

對水族館興趣麻麻, 就決定去參觀海洋博物館,南極觀測船和展望室

拎住張free pass 去買三館共通票更加有discount, 真係好抵呀~ ^^

海洋博物館主要介紹是名港的博物館, 大概係介紹船運、海運、海關、海事有關的博物館la

入面的ship in the bottle 令我諗起exchange 時去san Diego 參觀The Maritime Museum of San Diego

每次見到ship in the bottle 都覺得好神奇~~ 嘻嘻~

之後上咗樓上的展望室參觀, 唔知點解, 展望室中央會放著一件婚紗?

ART WORK嗎? 或是可以在這裡搞婚禮?

不過天氣麻麻, 睇得唔太清楚遠方的景色~

下一站係南極觀測船

這隻停泊在水族館對面的FUJI觀測船是在１９６０年至１９８０年代日本前往南冰洋研究時使用的船隻，現在改讓公眾參觀

木村的南極大陸就黎做LA, 雖然唔係同一隻船, 咁點都應該要入一入去感受一下在船上的氣氛吧~ ^^

入面有唔同的場景介紹當時在船上生活的人的情況, 原來連SALON 都有GA~ 嘻嘻~ (唔駛錢添, 不過應該只係簡單CUT 吓HAIR~)

探測船的甲板上放著救援直升機

其實由去名港起, 個胃就勁痛, 抽住抽住痛咁, 好可惜D 藥留咗係酒店.....

但發現自己D忍耐力都幾強(當去玩時..) 就算胃痛都繼續我的行程, 真係要讚吓自己先得! >V<

去完名港後, 就繼續我的行程了, 雖然胃痛, 但都決定繼續落吓~

下一站是犬山城, 又名白帝城, 是根據李白詩句《早發白帝城》所啟發而來, 是與松本城、彥根城、姬路城同列為日本四大國寶名城

犬山城的面積不大, 卻擁有日本全國現存最古老的天守閣，為日本指定建築物國寶, 亦曾經是日本唯一由個人管理的城堡（亦是日本最後一座), 不過04年後已交回~

還是下著雨, 為什麼可以整天也在下雨的呢?

參觀完犬山城後, 已經5時多, 天也開始黑了, 便決定先回酒店休息一會, (終於有藥食LA), 但出去食飯

回到酒店大約6時多, 食咗藥, 沖咗個涼, 休息到7點幾, 好似冇咁胃痛, 見到電視介紹美食好似好正咁, 就決定出去搵嘢食LA

名古屋出名美食有好多, 有饅魚釡飯, 手羽先, 味噌烏冬, 天むす等等

最後揀咗去食饅魚飯, 好味道,而且最獨特是鰻魚飯三吃

一開始先吃原味的鰻魚飯，品嚐剛烤好的美味鰻魚，接下來要放上海苔、芥茉、蔥花一起吃，最後再加上高湯變成湯泡飯，讓人一餐品嚐鰻魚三種不同層次的美味~~ 非常有特色!

手羽燒都好入味~ 如果唔係怕再胃痛, 真係想再食多幾隻~

飯後, 去名古屋電視塔參觀, 電視塔近住oasis 21, 一個集的商場, 公園加廣場的地方, 設計美麗新穎~

晚上在燈光照射下非常漂亮

廣場上看到有很多小舖, 應該是祭典才有的, 明天這裡會很熱鬧

希望明天好天, 可以參觀到遊行LA~~