雖然唔係第一次搭日本內陸機, 但卻係第一次係羽田機場搭飛機出發~

羽田機場比成田機場近市區好多, 而且車費又平好多, 下次我估我都會揀返羽田機場搭飛機返香港!

雖然係遲咗起身, 但因為我已經預早時間, 所以去到機場仲有45min 時間, 以搭內陸機黎講, 已經非常足夠, 仲足夠有餘添~~

唔駛個半鐘就去到福岡la, 點知一出機場就勁肚痛, 仲胃痛添…. 心諗, 唔係一去旅行第一日就中招呀! 咁點玩之後的日子呢?

好彩去咗toilet 後好咗d, 咁就出發去第一個行程地點, aloha hostel check in!! ^^

福岡機場好似以前香港的啓德咁, 離市區十分近, 去博多或者天神搭地鐵的話都只係15min 之內

福岡最多人的地方除咗博多外, 就係天神, 應該好似香港的cwb 或者tst 咁la~

我就揀咗天神黎住, 好似附近有多d景點行嘛~

aloha hostel 在天神南站附近, no.6 出口行5min 就到 (當然我起先搵嗰陣冇咁快搵到la)

雖然係look架床, 不過hostel 主人好nice, 英文又好, 又有包包同嘢飲係kitchen 度任你用, 係平價hostel 的一大好選擇~

settle down 後, 就出發去第一個景點, 博多町家museum 同埋附近的櫛田神社la~

博多町家係一間幾得意的museum, 重現返昭和時代博多一帶的民風習俗, 仲有人即場表演民間工藝如博多織布及博多張子, 令大家除咗睇資料性的東西外, 仲可以親身體驗一下實物, 絕對是很細心的安排~

最得意係去參觀時, 岩岩有一大堆中學生係度出trip field, 因為町家的建築是照當時昭和時代的町家建築, 他們的功課便是要量一量全間房子的大小, 再把每一個房間, 每一個角落都有格格紙上重現出來 (之後會否有下一步要他們做模型便不得而知la) 不過真係一個幾有趣的活動, 十分活動教學, 香港的通識科都可以學習學習!

博多町家後, 便去櫛田神社出發!

櫛田神社睇落同普通神社差唔多, 卻是博多地方最崇高的神社, 因為已經有千幾年歷史, 所以博多人已經當佢係守護神一樣~

櫛田神社最特別的地方便是擺放了一個十分高大及華麗的山笠, 山笠便是每年抵園山笠祭典時都會抬來遊街的東西, 在町家musuem 睇到博多是一個很喜歡祭典的地方, 有機會真係想黎參加一下~~

望望時間, 已經四點九, 即係趕去大壕公園的福岡市美術館參觀, 去到五點過咗少少, 諗住都可以入去睇吓la

點知原來佢開就開到5點半, 但係5點就唔俾賣飛la! omg, 咁只好在出面睇吓d 美術品解解心癮la~

不過大壕公園都係一度值得一遊的地方

公園是坊中國西湖而建的水上公園, 所以全個公園也圍著一個美麗的大湖

人們便可以在湖旁休息, 散步, 踏單車, 放狗, 或者玩玩水上活動等等, 十分悠閒!

見到這麼舒服的環境, 我又諗起住在melbourne 的哪幾個月, melbourne 又是一個有很多公園的城市

又是一個很舒服的城市~

坐在湖旁的長椅上, 一邊看著日落, 一邊聽聽音樂, 看看小說, 生活真是悏意~ ^^

悠閒完後, 便出發去福岡塔睇夜景

本黎買咗地鐵day pass 的, 唔知點解無啦啦掉咗, 最後激激得氣咁決定去搭巴士!

福岡塔近新西站, 不過都要行成20min, 如果搭到部巴士去福岡塔前落車當然最好la, 不過大壕公園出面就冇la~

福岡塔是福岡市最高的建築物, 全幢也是由鏡面設計,令我諗起hsbc 或者中銀等等建築物! ^^

睇d 介紹話塔上睇夜景好好, 當然要睇吓la~

但去到只係6點幾, 個天都未黑, 所以只好係度等吓~

岩岩一月黎日本時五點幾個天就黑哂, 諗唔到而家成7點個天都未全黑

日本的夏天黎得真快!

7點幾個天終於黑la, 在塔上睇夜景的確唔錯 ^^ 幾靚

落返下一層, 見到有賣情侶鎖, 話係度禱福情侶會長長久久?

哈~ really? 日本人就係識做生意~~~

睇完夜景後, 非常飽, 其實成日食得份sandwiches就冇咩食嘢la~

最後目的地, canal city hakata 的拉麵stadium

canal city 是一個很大的綜合式shopping mall, 有一條canal 在shopping mall 中間, 有少少似我係san antonio 時的river walk, 當然san antonio 大好多la~

入面有好多間店鋪, 鐘意shopping 的可以去半日以上, 不過我對shopping 冇咩興趣, 本身已經住係香港, 而家黎到日本又住係東京, 係shopping 都唔駛黎到福岡shop la~ :p 所以我都係對拉麵stadium 有興趣d ~

stadium 入面有八間不同地方的拉麵店, 最後我揀咗博多代表”初代”~

湯身非常濃郁, 不過又唔算油, 麵身比較幼, 十分好食~ 絕對冇揀錯呀~

食完後, 已經10點la~

一天行程結束, 返hostel lu~

(不過返到hostel 我間房已經熄咗燈, 同人share 房的煩惱就係咁, 我最後只好在黑暗中收拾東西預備明天的行程) >,<

明天, 佐世保出發!

• Prev