7:05出門, 拎住早餐, 就行去酒店附近的交通centre 搭7:30 由熊本到阿蘇的巴士
往阿蘇的巴士是紅色牌5號, 非常準時7:30 出發, 這程車並不用予約, 只要拿著pass 上車就ok了~
今天天氣很好, 我預計今天8:57到達阿蘇站, 之後便可以搭9:05的巴士上阿蘇西站, 再轉纜車上阿蘇山頂
下午再在12:30搭回程巴士回熊本遊覽熊本城水前寺等等地方~
本來一切是那麼完美… 我也很準時起到身, 搭到車, 點知原來巴士係唔可以信得過ga~~~ >,<
同火車唔同, 大家唔好以為巴士的時間會好準時!
因為上車後訓著咗, 起返身時8:45, 但睇吓d 站, 仲有成5個先到阿蘇, 唔係明明話8:57 到達的嗎? >,<
最後要搞到9:15先到達阿蘇站, 當然上山巴士已經過走咗, 要等10:00嗰一班車~~
我本黎是打算遊完阿蘇山後會去草千里博物館參觀一下, 再搭12:30的巴士返熊本
現在這個計劃只好告吹了!!!
考慮了一下, 雖然博物館好像不是一定要參觀的景點, 但我還是很想去草千里這地方一遊
最後決定搭遲一班巴士返熊本, 直接去熊本城,不去水前寺了~
阿蘇可能地方比較空曠,雖然今日天氣唔錯, 但係同尋日陰天的佐世保絕對有得比, 一樣非常涷
大家記得著多件衫上去!!
上到山頂後, 發現仲涷, 而且勁大風, 真係吹到頭都甩! >v<
阿蘇山是世界上擁有最大破火山口(Calderas)的活火山, 所以若天氣不好或者火山爆發的話, 就會關閉展望台唔俾遊客上去參觀
所以上唔上到山頂都要睇吓大家的運氣~
山頂上的Calderas因為是活火山的關係, 終年都白煙濛濛, 非常壯觀~ 山上擁有A B C D 四個區別, 分別在不同角度觀賞火山, 亦可以看到山下的景色, 景色不錯!
山上亦有一些石建的小屋給人在火山突然爆發時暫時避一避難
不過山上實在係太過寒冷, 看看溫度表, 只有五度, 但我只著了一件冷外套, 真係唔太頂得順~
最後參觀了15分鐘後, 便急急腳搭下一班的纜車下山了~
在山上可以買熱辣辣的超甜粟米及蕃薯吃, 係咁涷的環境下, 實在係美食~ ^^
因為打算去草千里參觀, 就搭了11:30 的巴士去草千里博物館下車
雖然只是5分鐘的車程, 但聽人講話自己行要差唔多30MIN , 而且有機會唔識路
所以大家要就一就巴士的時間再決定幾時出發去草千里
草千里若在夏天的時候是一片青蔥的綠色, 非常美麗, 不過4月尾還不是觀賞的季節
雖說沒有網友說旳枯黃色那麼難看, 但也不是太青綠, 是有一點點掃興~
和馬仔影咗一陣相後, 便去參觀博物館~
博物館不算大, 不過有一個廿四小時即是觀察著火山口的CAMERA 俾人睇, 亦都有介紹阿蘇一帶的短片給大家欣賞
可能我讀GEOG 的關係, 都有點興趣睇哩D 資料, 所以都覺得值得一遊~
之後, 去咗草千里RESTHOUSE 睇吓手信同買D嘢食~
食咗馬肉串燒, 牛奶雪糕同埋蕃薯餅, 幾好味!
馬肉串燒其實好似牛肉, 不過肉味好似濃郁一D
牛奶雪糕就好香牛奶味, 可能阿蘇D 牛奶真係好味D~ ^^
之後返到阿蘇站, 成功搭返14:00的巴士返熊本繼續行程
如果搭巴士由阿蘇去熊本, 想去熊本城的話, 係通筋町站落車行前少少就到熊本城了
熊本城是日本三大名城之一, 與姬路城及名古屋城齊名, 是由加藤清正所建, 聽講話被攻50天也不破城
城中的重要軍事指揮中心大小天守閣已是重建的, 不過也很值得一看
天守是指日本戰國時代以後,城池中「最高」的建築物,又叫天守閣
但在它們旁的宇之櫓卻是一直保存完整, 是十分重要的歷史文物, 每個人入去觀賞也要除鞋入內~
熊本城其實好大, 2個鐘其實唔太行得哂, 不過就大約可以行得完重要的觀賞地方
內裡雖然很多地方因大火的關係而只是跟著設計圖重建, 不過也可以重中看到往日的風彩, 是絕對值得一遊的地方
熊本城5:30 閉門, 不過並不會趕人走, 大家可以再用半小時左右在四圍逛逛
之後我去咗附近的買了一些手信後便去下一個景點出發~
因為已經是六點幾的關係, 只可以去晚上八點關門的熊本市現代美術館參觀
這裡地方唔大, 但係就非常舒服, 係睇書的好地方
去到仲岩岩見到有人係度唸新書, 可惜係日文, 但感覺真係好好, 如果你鐘意睇書的話就明白GA LA~~~ ^^
結束後, 還有人來表演鋼琴….
點解香港冇一個咁正的地方俾人睇書呢? 真係好鐘意哩度呀~~~
之後去咗附近食天草雞SUKIYAKI
雞肉比普通雞肉鮮味, 非常好食~~~
今日行程完畢, 8:10成功搭巴士返福岡的HOSTEL
明天~ 別府地獄之行~~~~
Copyright © 2024 VicMagz. All Rights Reserved