今日一早起身又係遲D少少, 所以飛奔跑去車站, 用咗10MIN 跑到去車站, 非常準時哋仲俾到2分鐘喘一喘氣! >V<

今日行程係打算全日都係別府玩, 之後夜晚再去由布院住返一晚, 聽日先玩由布院~

10:00 準時到達別府, 便開始計劃今日的行程LA~

別府到處都係溫泉, 泉眼非常之多, 亦有好多溫泉酒店~

不過一早PLAN 定會去由布院住宿, 所以就唔係別府度住溫泉酒店LA~

別府最出名的應該便是地獄めぐり, 是分別遊覽八四各有特色的溫泉, 有D 人唔鐘意哩D 咁”人工”的景點, 但都未去過, 點都要去一去LA~

地獄溫泉巡禮包括海地獄, 山地獄,  鬼石坊主地獄, かまど地獄, 白池地獄, 鬼山地獄, 血池地獄以及龍卷地獄

前六個溫泉都係鐵輪溫泉附近, 係車站西口搭去鐵輪溫泉方向的巴士, 在海地獄或者鐵輪巴士CENTRE 落車就OK LA~

每個地獄的入場費為400YEN, 不過一次買哂八個的PASS 只要2000YEN, 咁睇吓大家想唔想行哂佢LA~

因為哩六個溫泉都離好近吓, 由邊個開始行我覺得都冇咩所謂~

不過鬼石坊主地獄與海地獄之間, 有一個露天休憩所-ひと休み こびり, 店內有地獄蒸し寿司賣, 有八爪魚同穴子兩個款式

我試咗八爪魚, 真係幾好味~

所以如果大家想當LUNCH 食的話, 咁可以唔跟PASS 入面介紹你行的次序(即係唔由海地獄開始, 由白池地獄開始~)

每個地獄都各有特式, 我覺得鬼石坊主的泥漿溫泉好得意~

血池地獄全個血紅色亦好特別, 好恐怖的就係好多鱷魚鬼山地獄, 佢真係最有地獄FEEL~

大部分溫泉都有一D 土產賣, 仲有一D 小食賣~

我就係かまど地獄食咗溫泉蛋同石垣饅頭, 蕃薯味的饅頭幾得意~

行完前六個溫泉後, 之後就去海地獄出面的巴士站搭車去血池及龍卷地獄

大家可以去之前睇吓時間表, 因為都幾耐一班車~ 而行去的話有成4KM, 唔係話行唔到, 不過都幾遠吓~

睇埋龍卷地獄的間歇泉後, 已經兩點幾,  不過因為我預咗搭6點27分的巴士去由布院, 所以仲有好多時間~

我決定下一個活動係浸溫泉, 開頭諗住去好多人介紹的竹瓦溫泉浸, 雖然都想見識見識大澡堂係點樣的, 但又怕唔太乾淨

返到車站先3點左右,仲有好多時間, 所以就決定去遠D的海濱砂場試我人生第一次的砂沐~ ^^

係東口搭巴士去, 在六勝園下車, 大約15MIN 左右就到LA~

海濱砂場每位1000YEN, 包入沐, 包浴衣, 不過唔包毛巾, 好彩今日係地獄浸足湯時買咗一條~

砂場的環境非常好, 對住成個海, 可以一邊砂沐, 一邊睇風景, 非常舒服~

可能是第一次的關係, 感覺好新奇~ 你可以帶相機出去, 工作人員會非常熟手地幫你在不同方位影相~ 哈哈!

我自己就覺得D 砂暖暖地都幾舒服, 但開頭就有少少驚, 好似俾人活埋咗咁~

不過好彩環境非常開揚, 所以唔會咁有壓逼感~

砂沐大約為15-20MIN, 之後大家就可以去沖衣浸溫泉了~

大約五點左右, 就搭返車返車站~

見到仲有成個鐘, 又唔想浪費佢, 岩岩我本SUNQ PASS 見到有B-CONPLAZA 觀光塔的割引, 就打算去LA~

別府大部份大型建築物物也用B 開頭(BEPPU 的日本第一個字), 幾有特色~ ^^

B- CONPLAZA 的高樓展望台 設計非常特別, 可以一遊覽別府的風光, 值得一遊~

不過我的時間預得太趕, 可以係上面逗留的時間太短~ >,<

不過亦好彩我選擇逗留短D 時間, 唔係就真係趕唔切返去搭車去由布院

(但後尾發現原來由布院的巴士會經過哩度, 所以應該一早係車站拎返個背包, 再上TOWER, 之後係度等巴士, 咁時間就充裕D LA)

好好彩咁又係最後2MIN 趕返車站搭巴士去由布院~

中途見到好靚的晚霞, 係要搭6點幾哩班車先見到~ ^^

去到由布院大約7:30 , CHECK IN 後, 因為今日係假期, 大部份溫泉酒店都好FULL, 最後我只可以BOOK 到間包一泊一食(早)的

咁我就出咗去搵嘢食LA~

最後去咗附近的餐廳食豐後牛鐵板燒, 非常好味~~ ^^

返到去浸咗一陣溫泉, 好舒服~

今晚可以好好休息一下了~

真係好鐘意住溫泉酒店, 所以每一次去日本TRIP 我都要安排一晚有溫泉酒店的行程~ ^^

• Prev
• Next