Shikoku Day 3

尋晚黑麻麻睇得唔太清楚, 今朝天朗氣清, 當然要上去睇吓露天溫泉的風景

 

 浸足湯的地方仲可以睇到遠方的山景同埋半山的風景, 清晨時風景特別清幽, 而且人唔算好多, 如果想RELAX, 可SUGGEST 大家朝早黎浸下腳~~

 

 

 

 

朝早的早餐同尋晚一樣咁豐富, 住溫泉旅店真係好正, 又有溫泉浸, 又有美食

退房時, 開始落起毛毛雨, 職員好貼心咁掂傘遮我哋去車嗰度, 仲送咗一小包糖果俾我哋, 日本人的服務係好細心的~~

 

 

 

 

 

祖谷是位於德島縣西部、四國中部的山村~ 而四國規模最大河流－吉野川之激流所沖刷成、號稱西日本首屈一指奇境的「大步危、小步危」地區，而由其匯流所切割的祖谷溪谷，更是被列為「日本三大祕境」之一, 屬於劍山國定公園的範圍。

 

祖谷之所以被列入「日本三大秘境」，從地形環境來看，祖谷的前方有被祖谷川切割四國山地而成的雄偉V 字型深谷，後面則是被吉野川激流所沖削出來的「大、小步危」，如此自然天成的險要屏障，絕對是避難或隱世藏身的好地點。

 

 

 

我們今早就開始遊覽祖谷的景點, 分別有, 藤蔓橋, 祖谷溪, 琵琶瀑布, 小便小僧等等

(據說昔日祖谷人較量高下的方式，就是相約到此地尿尿以證明自己的膽識，現在當然嚴禁這種行為，所以就在此地豎立「小便小僧」雕像做紀念)


 

 

 

 

 

 

(ひ字山) 影出黎冇咁似

其中藤蔓橋,其實幾特別, 因為我咁大都冇行過藤做的橋, 而且每條藤相隔好遠, 其實如果你畏高應該好鬼驚

最搞笑係有D 老人家非常健步如飛, 飛咁快就過哂大家頭超越我哋了~~

 

 

 

去咗幾個小景點後, 便去大步小步危峽坐船仔~大約十五分鐘一班船, 我哋嗰班得我哋三個同一對日本男女, 全程好舒服途中其實開船的有介紹兩邊的石, 不過我哋都冇咩點聽佢講咩~~

 

 

 

 

 

(中間時間抽空去咗妖怪屋敷, 因為四國亦係妖怪出沒的地方,)

 

(我很喜歡鬼太郎, 之前去鳥取時都有去過遊覽)

 

 

下午食咗少少嘢後, 就去高知出發

高知是日本四國島的一個縣，位於四國島南部的太平洋側，縣都位於高知市, 舊稱土佐國, 而我相信高知最有名的應該可說係開創明治維新的風雲人物坂本龍馬, 來到高知最大的印象:就是龍馬、龍馬、龍馬! 因為高知是幕末第一豪傑-坂本龍馬的故鄉

市內有好多龍馬的紀念館, 但因為時間有限, 我哋只去咗最出名的位於桂濱的「坂本龍馬紀念館」

高知縣立坂本龍馬記念館介 紹係咁寫的: 紀念館介紹活躍於江戶幕府時期末期，開創明治維新的風雲人物坂本龍馬的貢獻與其充滿波瀾裝闊的人生 。館內分為疾風、苦惱等7個場面分別介紹坂本龍馬人生當中的精采片段，另外也展示坂本龍馬的書信、遺物等珍貴歷史資料，使觀光客能於短時間內了解 坂本龍馬的人生及思想。紀念館的外觀設計成一艘面向著太平洋的船，像似隨時都可以乘風破浪，彷彿反應了坂本龍馬的基本理念。

 

 

 

 

其實未去睇龍馬館時, 我對龍馬的名字係熟識的, 因為之前聽過福山做過龍馬傳, 亦都記得好似有聽過龍馬關於明治維新的關連~

不過就唔太清楚知道他的生平, 展館中有好多龍馬的書信, 仲有介紹他與妻子的生活及最後被暗殺的地方.

 

(被刺殺時染血的屏風)

另外, 今次展館仲展出坂本家的家史, 原來坂本家都名人數出, 仲有出名的畫家如果有興趣予歷史, 真係好值得黎睇吓, 就算我興趣不大, 都覺得知道多D哩位偉人的生平好有趣~ 佢死時只得33歲, 真係英年早逝, 可惜可惜~

 

睇完一D 咁正經的東西, 要去RELAX 一下, 哩幾日都冇特別食甜品, 就去咗土佐茶CAFE 食返個LATE TEA~

 

 

 

甜品大多數用茶黎整成, 好正係加少少錢仲可以配返個熱茶黎飲, 有成SET 嘢俾你玩, 好特別呀~

食完DESSERT, 行咗一陣後就去ひろめ市場再搵過食, 入面有好多食舖, 好似FOOD COURT 咁樣, 當然佢除咗日本嘢,仲有印度嘢及中國嘢等等, 但去得日本我哋當然只係試日本嘢LA~

 

 

 

 

食咗高知出名的鰹魚, 仲有鯨魚肉,等等, 因為之前的DESSERT 已經好飽, 已食唔落咁多嘢~ 夜晚再去行咗一陣書局, 藥妝店同埋SUPER, 又可以返酒店食美的水果了~~