Day 2 (plum blossom )
東京賞梅的地方其實都好多, 今次聽朋友講話府中市的郷土之森博物館唔錯, 梅園的地方幾大, 而且唔算太遠, 就選擇咗哩個地方~
搭車去分倍河原駅落車, 可以搭巴士去郷土之森博物館~ 不過大家都知日本的巴士班次有幾咁密=,= 所以大家決定搭11號車, 行去! 大約行咗二十分鐘, 到達賞梅的地方~
哩度的梅花都有好多款式, 而且都開得幾靚, 紅紅白白的, 雖然沒有櫻花的燦爛, 但係卻有另一種風骨, 清清泠泠的~
下午去生生的畢業禮, 三姨一家雖然聽唔明入面講咩嘢, 不過佢哋都係想同阿仔拎住畢業證書影張相啫~ ^^ 不惜千里條條, 都只係想同阿仔影返幅畢業合照!
夜 晚我要返PT, 就安排咗佢哋去上野行街買手信, 之後夜晚黎六本木接我放工再加行六本木ART NIGHT~~ART NIGTH 的感覺好似美國的ART NIGHT, 就係夜晚開始會有一連串的藝術展品同活動進行~~ 六本木除咗有夜生活(CLUBBING 等等) 的活動外, 其實有好多MUSEUM, 係一個好有藝術氣息的地方~
雖然今晚PT 勁攰, 幾個鐘都冇得休息, 係咁落單同拎嘢出去, 但我都點都要朝一朝聖, 睇一睇草間彌生的作品~ 上之去十和田博物館後已經好鐘意佢的ART WORK, 覺得好有童真, 好得意~ 今次有一個十幾樓咁大的大型ART WORK 展出, 真係好正!
其實香港尖嘴一帶都可以搞一搞這些ART NIGHT 的活動, 又可以推動消費, 又可以加添香港的藝術氣氛, 何樂而不為呢?