yokohama

其實去yokohama 勁快, 同我返學校時間真係差唔多, 好方便吓~

yokohama 因為係海港的關係, 以前又係有好多外國人係度, 所以同神戶及函館差唔多, 都係一個幾有西洋風氣的地方

d 屋仔好有歐洲的風格, 好有味道~

第一站係由元町站行出去的山下公園

今日天氣好好, 好多人出黎放狗, 見到咁多狗仔, 特別覺得橫濱有歐陸的感覺

我上一次見到咁多人放狗應該係法國la~  香港係咪唔應該咁管制市民同狗仔的活動呢???

山下公園臨近海邊, 有一隻好大的輪船泊岸, 而且有定時的觀光船參觀海港

風和日麗的日子下, 同海鷗一齊睇吓海, 心情都開朗d~ ^^

睇完海港後, 就去山手西洋館出發!

山手西洋館同之前的神戶異人館差唔多, 不過好在唔駛俾錢~ ^^

山手西洋館手是1859年橫濱港開港後,外國人聚居建造的一些西式公館,主要保存了7棟,隔離不遠, 若不是攝影發燒友的話應該大約2-3小時可以行完

遊 覽的次序應該是先經過港見丘公園, 到「橫濱市英國館」跟「山手111號館」,之後山手234館(山手234番館) & 艾利斯曼公館(エリスマン邸), 再到貝利克會館(ベーリック・ホール) & 山手教會(カトリック山手教会), 最後再到外交官之家跟布拉夫18號館

每個會館都好有西洋特色, 而且又大又靚, 真係有種"如果哩間屋係我GA就好LA" 的感覺~ ^^

不過岩岩111番館維修閉館中, 所以只參觀到6個館~~ >,<

剛好各個會館都有中小學的美術展覽, 雖然少了一分優雅感, 卻另有一番童趣的感覺

之後行返落元町商業街, 係一條幾有西洋風的購物街, 如果大家鐘意shopping, 不失為悠閒的購物地方

途中見到一間包店pompadour 好多人排隊, 見幾肚餓就買咗個黎食, 唔錯, 幾好味~

(聽講哩間係人氣包店, 大家有興趣可以試吓)

行完元町後, 返去山下公園去紅磚倉庫同Yokohama World Porters

本黎諗住搭地鐵去, 但見到行過去都係1.2km, 而地鐵站都要行260m, 之後出咗站後仲要行6min

咁不如當行吓山下公園慢慢行過去la~

途中見到有人表演魔術雜技, (諗唔到夜晚去mm21 又見到佢表演, 真係一個敬業的魔術師~ ^^)

公園, 海, 魔術表演, 小狗等等東西, 加起來是不是一個很寫意的週末呢? ^^

住在橫濱真舒服~

紅磚倉庫建於1911年 為明治、大正時代的磚造建築  曾經是橫濱港最重要的物流、關稅據點, 現在已經搖身一變成為shopping mall~~

倉庫入面的店鋪很有特式, 多以精品及家庭用品為主, 大家有時間可以參觀一下, 唔買睇吓都好賞心悅目~


因為冬天的關係, 紅磚倉庫旁還建了一個臨時溜冰場, 很有new york central park 或者係5th avenue的感覺

本黎都想去溜吓冰, 不過已經行咗成日, 十個攰, 都係下次先la~ ^^

紅磚倉庫後, 就到Yokohama World Porters 搵食, 其實Yokohama World Porters入面有間推介的壽司店, 不過我見好多人, 而且價錢都唔平

所以最後食咗個crepes同買咗張postcard 就算la, 不過入面其實幾多嘢行, 但我實在太攰, 係food court 度坐咗一陣, 再上6樓的空中花園影咗個大大摩天輪後, 就去mm21 出發

mm21是一個以二十一世紀為指標而開發的臨海地區  是一個結合了辦公大樓、飯店、百貨公司、購物廣場、美術館、公園綠地的多功能開發計

畫的地方

黎mm21 應該係港未來線的港區未來站最方便! 一出便是Queen's square, 再行少少便是Landmark Tower

Queen's square是設計很美的shopping mall, 有點走時尚的路線

不過喜歡卡通人物的可以去3樓一逛, 有disney store, snoopy store 同hello kitty, d嘢幾靚ga~

之後出咗去睇吓mm21的遊樂場,又係一個小的開始, 摩天輪又有特別的圖案, 所以即係有好多人出黎拍照~

我當然都影咗幾張~

本黎諗住去landmark tower 睇夜景, 但去到見到個reception close 咗, 原來閉館一個小時前就close 唔俾人上ga la?

我都唔知係咪, 不過算la, 橫掂今日唔記得帶相機, 得返iphone部, 都影唔到夜景ga la, 留返d錢去食嘢算la~

landmark tower basement 勁多嘢食, 最後在中村屋及和幸之中選擇了和幸~

好像來了日本後成日食牛, 冇咩食過豬咁~ ^^

今日的行程就在美味的豬排飯下完結了~ (終於有人主動走黎幫我影相la~~) >v<