Day 6
韓國真係一個好健康的CITY, 何以見得? 你見佢有咁多早餐店就知LA~~ ^^
早餐我好LIKE GA, 所以ISSAC 早餐店係其中一個必食的景點地方
今日主要去弘大行3D 館同埋FLEA MARKET, 下午會返日洞
一朝早就去咗有位坐的弘大前ISSAC 食早餐
去到連門都未開, 只好又去第三次幫襯的LOTTERIA 坐吓飲杯嘢先
準時過返去, 而家有幾組人入咗去, 因為我哋人比較多, 所以唔太夠位坐, 不過都冇辦法, 分開坐咗先
ISSAC 的三文治同飛碟都好味, 不過三姨佢哋話釜山大學開前的小食店好食D ^^
韓國3D Trick Eye Museum 特麗愛3D美術館係今次SEOUL 最想去的景點
之前係輕井澤玩過差不多的3D館, 覺得好得意, 所以今次又想黎韓國玩
一班人一齊入去其實有些難, 因為個個都要影相, 搞到有些要等得耐D, 所以應該預長些時間入去玩會冇咁趕
3D館隔離仲有個冰雪館, 真係好鬼涷, 著多件衫先入去LA!
弘大除咗大學, 3D館, 仲有出名的FLEA MARKET, 不過比我想像中細
但我自己好鐘意一次DIY的小飾物, 所以特別鐘行哩類FLEA MARKET
而且我有個習慣, 就係每去一度地方都鐘意買一對耳環做紀念
最後買咗隻楓葉耳環同埋一個ARSENAL 小公仔
午餐搭一個站去新村立食, 館內個個要企係度食, 而且只要一樣嘢食, 就係牛肋骨
D 牛肋骨好好味, 我最鐘意食牛LA~
白飯冇供應, 要去隔離買
飯後回明洞自由活動
我同MIMI先去咗雪冰食甜品, 叫咗冬季限定的草莓味雪花冰同埋芝士年糕
其實一碗真係可以兩至三個人食, 因為實在太大碗了!
之後去行明洞買嘢, 買咗平時用開的INNIFREE 同BANILIA
(好抵, 有好多嘢送)
夜晚去返UNIQLO 門口等, 去食飯~
諗住咁多人, 個個口味唔同, 食間韓式餐廳, 咩都有嗰D食
點知我哋想去嗰間搵咗成45分鐘都搵唔到! 最後去埋TOURIST CENTER 話俾我哋聽係前面50米都唔見間鋪
最後去咗一間叫濟洲什麼的食, 味道一般, 不過咩都有得食
但最搞笑係走時先知道佢根本就係我哋之前想搵嗰間,不過因為搬咗間大鋪, 所以改埋名!
真係激死!