婚禮在SEOUL 的三清閣舉行, 為傳統韓式婚禮,

三清閣係景福宮附近有SHUTTLE BUS 搭去

不過實在太轉折, 我哋決定一早係明洞食完補身粥做早餐後就搭的士前往

去到因為時間尚早, 賓客大多數都未到, 所以可以有少少時間入去睇吓新娘新郎同埋睇吓三清閣的環境

三清閣係傳統的韓屋文化建築, 婚禮在本館一龢堂舉行

 

 

 

韓式的婚禮同中式不同, 多數係中午舉行, 有一個主持人會主持成個儀式, 而新娘新郎就會跟著儀式一步一步做

儀式大約半小時後, 就開始宴饗, 食的係韓式的食物

 

 

 

 

賓客食嘢時, 新娘新郎仲會有其他需要親人參加的儀式在台上舉行, 例如 奉茶同祝福等等

傳統韓式奉茶儀式，新娘新郎會拿一塊布，之後男方的家人往新人的布上丟紅棗代表生子、丟栗子代表生女，象徵「早生貴子」

家人亦會坐係台上, 食少少台上的糖果後同新人講上祝福說話

生生的日本同學亦有黎參加, 仲幫佢係儀式開始前抬橋入場, 真係夠朋友

儀式完成後, 一對新人要善後, 我哋哩D唔識韓文的香港人都冇咩用, 就去繼續觀光

釜山睇完櫻花後, 首爾亦係櫻花的盛放期

 

 

 

首爾最具代表性的櫻花隧道輪中路──汝矣島，位於國會議事堂後方的1,400株櫻花一齊綻放，長達1.7km的林蔭道路美不勝收。

不過人群真係好多, 我哋影咗幾張相後就冇再行離開回酒店換衫了~

如果鐘意熱熱鬧鬧的, 其實都可以行吓, 因為全條路都係櫻花, 的確幾靚 (但人太多, 唔太浪漫)

唯一可惜係韓國的賞櫻冇日本賞櫻咁可以一班人坐係櫻花樹下飲飲食食, 我覺得咁樣賞櫻先最RELAX

晚上同親家一家人食飯, 決定去馬場站食韓牛

 

 

 

本黎有諗過去景福宮食, 但聽人講話又貴又唔抵, 但相反馬場站就好抵食, 而且仲好好味

哈, 諗唔到親家一家人都冇咩去過馬場站,仲諗住叫佢哋去食開嗰間, 最後又揀咗我朋友介紹嗰間

(P.S. 不過其實由地鐵出口行去有些遠, 而且又黑麻麻, 開頭方向係岩, 但見太黑仲以為唔夠路添)

我哋成20人, 都係食咗30幾萬WON, 真係超超超抵食呀~

夜完後, 睇吓個鐘, 10:30 啫, 仲有時間返明洞食BEANS 的WAFFLE

即刻飛的士返去食! (講真, 如果有4個人以上, 真係搭的士方便好多)

回到明洞, BEAN CAFE 原來12點先關門, 仲有時間食!

 

 

 

 

朋友又係好介紹, 真係好好食

熱騰騰的WAFFLE 加上雪糕同生果, 好幸福呀~~~