Day 3 台東→花蓮
今日行程: 民宿→加路蘭遊憩區→水往上流→東河橋→東管處(Amis旮旯樂團)→午餐(成功海鮮)→三仙台→月洞祕境→石梯坪→芭崎眺望台→民宿

今日係小陳哥哥接大家去玩, 係之前教埋我哋尋日行程的包車哥哥, 本黎都想搵多佢幾日, 不過佢好忙碌, 一早已FULL BOOKING

 (comment book)

 

 

 

(出發前的大合照)

今日係比較遊覽形式的一日, 去好多景點的地方

第一站加路蘭遊憩區, 係以前阿美族的地方, 加路蘭係洗頭髮地方的意思~

 

 

 

 

 

 

 

台東有好多部落, 可能因為山多, 所以特別多山的部落, 佔咗台灣的大部份

而哩D部落亦因為日本佔領, 所以被趕下山居住~

水往上流係一個好特別的地方, 你會感覺到水係向上流, 不過哩個只係視覺的錯誤

東河橋

 

 

 

 

Amis旮旯樂團, 就係阿美族的樂團, 有一些很特別的樂器吹奏, 最得意係有用鼻子吹的笛子

午餐係去成功鎮食海鮮~ 好味道

 

 

 

我哋幾個人又係食咗好多嘢, 不過冇尋晚咁誇張

最好食係個墨魚丸, 通菜係好好味~

之後去睇幾米的羊羊~~

 

 

 

 

比西里岸隱身位於台東三仙台北側的原住民部落， 比西里岸(Pisilian)意為『放羊之地』,  隱藏著好幾個戴帽子妹妹跟小狗的蹤跡還有幾米的作品, 好得意GA~~~

之後去月洞, 這裡是原住民部落的一塊淨地，洞中有約5公尺積水成湖池, 而我哋就坐船仔睇鐘乳石及蝙蝠!!! (有些恐佈)

 

 

睇完後, 大家一齊去咗出面買玉石, 哈~ 諗唔到一檔仔嘢, 我就係揀咗成大半個鐘

我最後買咗一個雪花石玉吊咀, 雪花玉係光照射下好似風景畫一樣, 我好鐘意好似有日出的感覺

所以最後都買咗佢落黎~

因為我哋買嘢用咗太多時間, 小陳冇帶我哋去石梯枰, 而直接去咗芭崎眺望台

我哋去到睇咗一陣景, 又係小賣店買嘢

買咗我今個TRIP 第二對耳環, 上一次係黃色玻璃珠加銀的耳環, 今次係一對好SHARP的橙色耳環

都係手製的~

 

小賣店的手工奶涷/果涷都好好味, 我最鐘意佢個抹茶奶涷

5點半成功到達花蓮的民宿-森林中

 

 

 

 

我哋間房有間樹屋係入面, 非常有特色!

我亦好鐘意入面的裝飾擺設, 如果我第時間屋都係咁就好了~~

 

 

 

夜晚去自強夜市搵食, 最誇張係有一檔烤嘢食可以等成2個鐘先食到

係咪應該請多D人呢?

 

 

 

 

 

 

 

 

 

 

(哩個排得太多人, 冇食到)

去完自強夜市, 大家仲唔夠喉, 繼續要行中華路嗰邊

見到有曾記麻薯同埋花蓮縣餅的奶油酥條, 咁就買定D做手信先

 

不過袋裝的麻薯點都冇即做的好食 (我買咗舊即做的綠茶味食, 的確好食D)

• Prev
• Next